الأحد، أغسطس 09، 2009

أولادى مش لاقية بيت ...


أولادى مِــش لاقـيـَــــــــه بـيـت...!
***** 
من كلمات 
***
الطبيب الشاعر / د. محمد رزق
 *** 
واقِـف هـِـنا بعـدِنا 
قـول ييجى ألف نـَفس 
جُـوَّا الطابور كُلـِّنا 
نازلين فى بَعـض رَفـس 
والأرض من تحـتِـنا 
مخفوسَه وزايدَه خـَفس 
وهناك بعيد عـَنـِّنا 
ناس هايصَة ونازلـَه رَقص 
*** 
باتمنـَّى م المهرجان 
إنـِّى أطول شـَــــــقـَّه 
لو بَـس أربع حيطان 
ومش هاقول لأه 
تِقـفِـل عَـلـَيَّا البيبان 
تحمينى م السِرقه 
ماهو إيه مُراد الجَعان ؟!! 
لـُقـمَه وحِفان دُقـَّـه 
*** 
وصَّانى أهلى أعيش 
مُخلِص وحـَقـَّانى 
واطلـُب حقوقى وماليش 
فى الدُنيا شئ تانى 
مااسكُتش ع التهبيش 
والحَـقِّ عِـنوانى 
باصرُخ ومايهمنيش 
من ظـُلم ولا جانـِـــــى 
*** 
وسنين باحارب واشوف 
إللى سَرَق واغـتـَنـَىَ 
ما دول عددهم ألوف 
واكتـَر كتير بَـس انا 
نِـفـسى العزيزه تعـوف 
إنـِّى أطول دا الهنا 
قالوا ياخويا دا خوف ! 
دا خوفى من رَبِّـنا 
*** 
والشمس غابت علينا 
جوَّا الطابور ياكِرام 
هانت خلاص وبإيدينا 
هنحقق الأحلام 
والسَعد يوصَـل إلينا 
ونصالِح الأيَّـام 
وتقول قلوبنا الحزينة 
نـُلنا خلاص المَرام 
*** 
أخرة دا كُله لـَقيت 
قـَبلى كتير حاجزين 
قالـِّى الموظف ياريت !! 
هنجيب أماكن منين ؟! 
وسمعت منه وبكيت 
ورجعـت تايه حَـزين 
أولادى مش لاقيَـه بيت 
تِـدَّارى فيه م السنين 
*** 
من ديوان 
( قلوب الناس بتتكبر ) 
*** 
خالص محبتى وتقديرى لزوار المدونة
 الطبيب الشاعر / د. محمد رزق

الجمعة، أغسطس 07، 2009

** شـُفـت الفـَرحَـة **

**شـُفـت الفـَرحَـة **
*** من كلمات ** الطبيب الشاعر / د. محمد رزق *** ** *
عِـشـت ياقـَلـبى وشـُفت الفـَرحَة
شـُـفـت الفـَرحَة ف كـُل مَكــــان
كـُـنـت انا فاكـِر إن الدُّنـيــــــــــا
دايــماً تِـلعَــب بالانـســــــــــــان
بـَس عَـشـــــــان دَوَّرت لـقِـيـــت
حُـــب وأهل وصُحـبَـة وبـيـــــت
واحلِـفـلـَك عُـمرى ماحَـبِّـيـــــــت
ولا هـَنحِــب ياقـلـبى كـَمـــــــــان
زى الحُـب اللى انتَ لقــــــــــيتـُه
جُـــوَّا القـَلـب اللى انا حَـبِّـيـتـُـــه
ما انا حَـبـِّيت الـدَّنـيا بحـــالــــها
كـُل آمالـِى الحـِــلوَة باطولــــــها
جـُــوَّا عـيون حِـلـويـن ويـاريـت
كـُلِّ الـدُّنـيــا تحِـــــــب يـاريــــت
=======
بَـعــــد ماكانِـت كـُلِّ سـنِـيـنـَــــك
قـَسـوَة ياقلبى الجَـو اهــــو راق
شـُفـت عيون حِلوين واخدِيـنـَـك
أجــــمَل عالـَم لِـلعُــشــَّـــــــــــاق
شـُـفـت الـنـور فِ عـيـونِ الكـُـل
واتـبَـســـِّـــمـلـَـك وَرد وفـُــــــــل
واهــو فـَجـر الأفـراح بـِيطـُــــــل
يســـــــأل عَـنـَّك ويقــول بـيـنـــا
نِحـضـُـن كـُلِّ الكـُون حَوَالـِيـنــــا
خـَلـِّـى الـناس تِـفـرَح وتـغـَنـِّــــى
لـَمَّا حَـبـيـبـى يقـَرَّب مِنـِّـــــــــــى
وعـيـونـُه الحِـلـوين واخدِينـِّـــــى
لِـلأفـراح طِـرت وغـَنـِّيـــــــــــــت
ماانا حَـبـِّيـت الـدُّنـيـا بحــــــالــها
كـُلِّ آمالـِى الحِــلـوَة باطـُولـــــــها
جـُوَّا عـيـون حِـلـويـن وياريـــــت
كـُلِّ الـدُّنـيـا تحِــــــــب يـاريــــــت
=======
***
**
* خالص محبتى وتقديرى واحترامى لكم جميعاً أخوكم / الطبيب الشاعر / د. محمد رزق

مِتغـَرَّبـِيــــــــــــــــــن ..

مِتغـَرَّبـِيــــــــــــــــــن *** من تأليف ** الطبيب الشاعر / د. محمد رزق * الغـُربَة مِش بَس اغتِراب فى الغـُربة يقـفـِل كُل باب بَس اللى مَمكِن يـنفِـتِـح باب الدموع ، باب العَـذاب *** الغـُربَة ليل مُظلِـم رَهيب ينهَـش مشاعرَك زَى ديب والبعد عن قلب الحبيب يكتم فى أنفاس البشر يستـَنجـِدوا لـَو بالحَجَر يتـنـَفِـسوا حُـزن وأسَى والفرح ولـَّى واتنـَسَى بَـس الألم يفضـَل قـَريب *** مِتغـَرَّبـين عَـن أهـلِـنا عـَن نـَفـسِـنا ؛ عَـن حُـبِّـنا عـَن حِـلمِنا ، عـَن قـَلـبـِنا عـَن كُل شئ بـِيضـُمِّـنا بَـس اللى باقى نعيش عَـليه نرجع ونحضن أرضنا *** ** * خالص محبتى واحترامى وتقديرى لكم جميعاً أخوكم / الطبيب الشاعر

** تعـــــــالـِــى ...

** تعـــــــالـِــى ... *** مِن تأليف ** الطبيب الشاعر / د. محمد رزق *** ** *
تـعـالِـى ماتخافـيـش مِـنـِّى ؛
تـعـالِـى ماتـقـولـيـش عَـنـِّى ؛
خـَلاص قـَلـبـِى أنا مَجـروح !
وقـولـِى إيـــه بـِتِـتـمَـنـِّى ؛
وبَـس الأوِّل اســـتـَنـِّى ؛
أصَـفـِّـيـلِـك كَمان الروح .
صَحيح قـَلبى أنا شايل ؛
هموم العُمر
وطال الليل عَلـَى حُـزنى ؛
وغاب الفـَجر
صَـحيح قـَلبى انكَوَى مِنـِّى ؛
مَعَ الأيام
ولاباسمَع فى يوم لـَحنِى ؛
ولا الأنغام
ولـَكِن لـَو حَ اشوف فـَجرى ،
حَ اقوم وأجرى ؛ عَشـَان ألقاه ،
وباتمناه ، ياخـُدنِى معاه ،
يفـَرَّحنِى ؛ يرَيَّـحنِى
مِن الأوهام
صَحيح الكون يـبان ضـَلمَه ،
ولـَكِن لِـسَّـه قـَلبى ف نـور ..!
وزارع أرض عُـمرى سرور
وفاتِـح فـيها مَجرَى بحـور
ولا بتِخلـَص ، ولابتِـفرَغ مِن المَيَّـه
ومِـش مَـيَّـه !! ولـَكِن شوق وحِـنـِّيَّـه
لِـكُلِّ الناس ؛ وباوهِـبـها
ونِـفـسِـى ف يـوم أجَرَّبها
ومش بالقـَى قـلوب بـِتحِـن ،
قـلوب الناس تـَمـلـِّى تـإن
هموم الناس فى قـَلبى تـطِـن
يقوم قـَلبى يـشِـيل عَـنها ، ويملاها
أمَـل أفـراح ، ويلقاها
تفوت لـُه جراح ، وينساها
وتِـرجَع تانِى نـَفس القِـصَّة تِـتكَرَّر
ونـَفـس الـدُنـيا بـِتـمَـرَّر
وماتصونـِّيـش وبـِتخونـِّى
والاقِـى الكُـل بـِيـلـومنِـى
يـقـولولِى ماتِـتـألـِّمش !!
عَـشان جَـرحـَك مابـِيعـَلـِّمش
يـضِـيع عُـمرَك ماتِـتعـَلـِّمش
وافوت اللـُّوم وأبقـَى وَحِـيد ،
وافـَكـَّر تانِـى فى التـَّجـديـد
ويـبدأ عَـقـلِى فى التـَّشـديد
يـقـولـِّى حاسِـب الأوِّل
عَـشان الحُـزن بـيـطـَوِّل
وكـُلِّ الـناس بـِتِـتحَـوِّل
وتِـرجَـع كـُلِّ مَرَّه شـَهـِيـد
أقـولـُّه لأ ؛ ماتِـمنـَعـنـيـش ،
دا انا فـَنـَّان
ومِين يقـدَر لِـوَحدُه يعـيش ؟!
يكون إنـسان ؟
صَحيح الحُـب شِئ غـالى ،
ولـَكِن لِـسـَّه مَوَّالِـى
باغـَنـِّى فِـيه ، واغـَنـَّى بـِيه ،
غـَناوى الحُـب عَ الأرغـول
يقولـِّى إيه ؟ يقولـِّى ليه ؟
أقـول تـانِـى ، وهُـوَّ يـقـول !!
وسَـلـِّمـلِـى ؛!
خـَلاص العـَقـل سَـلـِّمـلِـى
وانا سَلـِّمت أحلامِـى ؛
لأوهـامى وأيَّـامِـى ؛
وطِـيفـِك بَـس قـُدَّامِـى
وبَـانـدَهـلِـك بـِأنـغـامـِى
تـَعالِـى أضـُم أفـراحِـك ،
وأدفِـن فِـيها أحـزانِـى
ومِـش حَ تعـودِى بـِجراحِك ،
مَعـاكِـى حَ ابتـِدِى تـانِـى
عَـشان قـَلـبى بـِيـِرتاحـلِـك ،
وانا شايـِف مَعاكِى الفـَجـر
بـِسِـر الحـُبِّ صَرَّحـلِـك ،
وواهِـبـلِـك حَـنـين العُـمر
وباتمَـنـَّى يـكون قـَلـبـِك ،
حَـنون بـِيَّـا يـشـيـل هَـمِّـى
تـَعالِـى قـَرَّبـِى يَـمِّـى ،
وكُـونِـيـلِـى كَـمَا أُمِّـى
تِـلاقـِيـنِـى حَنان وبَـراح ،
تِـلاقِـى كُلِّ خوفِـك راح
ونِـدخـُل جَـنـِّة الأفـراح
عموماً لِـسَّه قـُدَّامِـك
لـَيالى كـتِـيـر
حَ ازورك لـَو فِى أحلامِـك
بـِحُـب كبـيـر
وح القاكِى فِى يـوم جَايَّـه ،
تِـقـولِـيـلِـى أنـا هِـيَّـه
فـَتاة أحلام بـِتِـهــواها ،
وشايلـَـة الحُـبِّ جُـوَّاها
آدِيــك دِلـوَقـتِ وَيَّــاها
ومِن يومها ح اعـيش ليكى ،
واكون بـِالحُب راعِـيكى
وحَ اقـدَر يوم أنـَسِّيكى
أنِـيـن قـَلبى اللى كان منه ،
بعادك طال
واقــــــول مَـوَّال ؛؛
واغـَنـِّى فِـيه
أغانِـى الحُـب مِـن تانِـى ،
وحَ اوصِـف بـيكى عِـنوانِـى
وحَ ادفـِن فـيكِى أحـزانِـى ،
ولايُـمكِـن حَ اعـود تانِـى ؛
إلـَى الأحـــزان ...
حَ اكـون فـَنـَّـان ،
واكـون إنـســـان
واكـونـلِـك أحلـَى عُـمر كَمَان
لِحَـد الـيوم دا حَ اسـتـَنـَّى ،
وحَ اسـتـَنـَّى
وحَ امنـَع قـَلـبـِى يـِتهَـنـَّى ،
و حَ اتـمَـنـَّـى
أشوفِـك حَـتـَّى فِى الأحلام ،
وانام وارسِم عَـليكى مَـنام ،
وانادِى عَـلِـيكى مِـش بـِكَـلام ..!
بـِأفـراحِى ؛ وأيَّـامِـى ،
واقـولـِّـك وســـــــط أحـلامِى
تـَعـَــــــــــــــالـِـى ...
***
**
*
خالص محبتى لكم جميعاً
أخوكم / الطبيب الشاعر

*** بـَــحـِــبــِّـــك ***

*** بـَــحـِــبــِّـــك *** *** من تأليف ** الطبيب الشاعر / د. محمد رزق *** ** *
** بَحِبـِّك وحُبـِّى ؛ لِنـَظرة عِـنيكى ؛
لِـلـَمسِـــة إيديكى ؛ لِكُل اللى فِـيكى **
** بَحِبـِّك وقـَلبى ؛ يرَفرَف عَليكى ؛
يشوف اللى بيكى ؛ ومِنـُّه يداويكى **
** بَحِبـِّك وعِـيـنى ؛ تِـطـوف البَـلـَد ؛
تِـغـَنـِّى تِهَـنـِّى ؛ تِـبـوس السِــنـيـن **
** مابـيـنِـك وبـيـنِى ؛ غـَرام اتوَلـَد ؛
ومِـنـِّك ومِـنـِّى ؛ يــدوب الحَـنـيـن **
** بَحِبِّـك وبُكـرَه ؛ حَ يفرد شِراعُه ؛
وم الخير بتاعُه ؛ ح نِزرَع ورود **
** بَحِبِّك وفِكرَه ؛ باشِيلها فى قـَلبى ؛
ولـَو يوم تِلـَبِّى ؛ أبـوس الخـدود **
** بَحِبِّـك ونـورك ؛ ينـَوَّر حَـياتِى ؛
وعُمرى اللى آتِى ؛ عَشانِك ح اعيش **
** بَحِبِّك بحورك ؛ رَبابَة وناياتِى ؛
واسَـلـِّم راياتِـى ؛ وغِـيـرك مالِـيش **
** بَحِبِّك عـيونِك ؛ وفيها الجَمال ؛
وانـا بالحَـلال ؛ طـَلـَبـت القـَرابَـه **
** بَحِبِّـك جفـونك ؛ وفيها الدَلال ؛
وقـَلبى اللى مال ؛ بيُغـرَم صَبابَه **
** بَحِبِّـك بـِكُلـِّى ؛ واحِبَّك تـَمَلـِّى ؛
ياريـتِـك تطـُلـِّى ؛ تحِـنـِّى عَـلينا **
** بَحِبِّـك بـِكُلـِّك ؛ بـِنورك وضِلـِّك ؛
وحَ اغزل فى تـُلـِّك ؛ سَرايَه وجنينـَه
***
**
* خالص محبتى لكم جميعاً أخوكم / الطبيب الشاعر

الخميس، أغسطس 06، 2009

يامبدع الأكوان ..

** يامبدع الأكوان ** *** من نظم ** الطبيب الشاعر/ د. محمد رزق * * يامُبدِع الأكـــــــــوانِ يارب الورَى إرحَم ضعيفاً يَحتـَمى بحِمـــــــــاكَ واقبَل خشوعى دائماً ياربَـنـــــــــا واقبل سجودى طالباً لرضــــــــاكَ وارفع شئونى فى الحياة بأسـرها إنـِّى فـقـيرٌ أغـتـَنى بعَـطــــــــــــاكَ مَن لى ســــواكَ يعيننى فى شِدَّتى مَـن للخـــــــــــــــــلائقِ دائماً إلاَّكَ يامَـن بَـعَـثـتَ محمداً لنجاتِنـــــــــا مِـن كُل ســـــــــــــوءٍ هادياً بهُداكَ إنـِّى أعـودُ إلـَـيكَ فاقـــــبل تـَوبَـتى واغـفِـر ذنـوبى كُلها رُحمـــــــــاكَ أنـتَ الغـَفـورُ فلا تـَدَعـنا رَبَّـنـــــــا يَـــوماً نـَذِلُّ ونـَنحَـنِـى لِـسِــــــواكَ *** ** * خالص محبتى واحترامى لكم جميعاً أخوكم / الطبيب الشاعر

كيف أنساكِ ؟!

كـَيْـفَ أنـســــــــــــــاكِ ؟! *** من نـَظم ** الطبيب الشاعر/ د. محمد رزق *** ** * وَقـَالـَتْ : حُـبـُّــنـَا قــَــــــــدَرٌ فـَقـُلـْتُ : بـِأنـَّنِـىْ عَـاشِـــــقْ فـَقـَالـَتْ : عِـشـْـقــُـنـا أمَــــلٌ فـَـقـُـلـْتُ : بـِأنـَّـهُ دَافِـــــــــقْ فـَقـَالـَتْ إنَّ لِـىْ دُنـْيَــــــــــــا فـَقـُـلـْتُ وِقـَلـْبـِىَ الخافِـــقْ ؟ فـَقـَالـَتْ : إنـَّنِـىْ أهْــــــــوَىْ وِيَـعْـلـَمُ سِـرَّنـَا الـْخـَالِـــــــقْ *** أنـَا لـَمْ أدْر ِ مَابَـالِــــــــــــــىْ وِلـَمْ أسْمَـحْ لآمِـالِـــــــــــــــىْ تـَجُـوْبُ الـْدَرْبَ عَـنْ حُــــــبٍّ لِـيَـشـْغـَلَ قـَلـْبـِىَ الـْخـَالِــــــىْ وَلـَـكِـنْ مُنـْذَ أنْ قـُلـْتِـــــــــــىْ أحِـبُّـكَ أنـْتَ خـَيـَّـالِــــــــــــــىْ هَـوَيْـتُ بـِسـاحَـةِ الـْحُـــــــــبِّ تـَغـَيَّـرَ وَقـْتـَـهَـا حَـالِـــــــــــىْ *** فـَيَـا أمَـلاً يُـرَاوِدُنِـــــــــــــــىْ أنـَـا فِـىْ الـْعِـشـق ِ مَـجْـنـُوْنٌ وَانـْتِ صَــبَـابَـتِىْ ، عُـمْــرىْ ألا وِالـْبُـعْـدُ مَـلـْعُـــــــــــــونٌ يُـذِيـْقُ الـْقــَـــلـْبَ وَيْــــــلاتٍ وإنَّ الـْقــَـــــلـْبَ مَـفـْتـُـــــوْنٌ فـَـيَـهْــــــــوىَ فِىْ غـَيَـابَـاتٍ كَـأنَّ الـْجُـبَّ مَـأمُــــــــــــوْنٌ *** لِـمَـاذَا أنـْتِ لِىْ قــَـدَرىْ ؟! لِـمَـاذَا صِـرْتُ أهْـــوَاكِ ؟! لِـمَـاذَا سِـرْتِ يَـاقـَمَـرى ؟! حَـثِـيْـثـَاً نـَحْـوَ أفـْلاكِــى ؟! لِـمَـاذَا كُـلـَّمَـا غِـبْـتِــــى ؟! يُـرِيْـدُ الـْقـَلـْبُ رُؤْيَــاكِ ؟! لِـمَـاذَا هَـلْ تـُجـِيْـبـِيْنِـىْ ؟! فـَقـُوْلِىْ كَـيْـفَ أنـْسَــاكِ ! *** ** * خالص محبتى واحترامى لكم جميعاً أخوكم / الطبيب الشاعر

ياربنا أنتَ الحبيب ..

ياربنا أنتَ الحبيب *** قصيدة مِـن نـَظــم ** الطبيب الشاعر/ د. محمد رزق *** ** * الحَـمـدُ لله الـَّذِى أعـطـانـــــــــــى قـَلـباً يَـفـيـضُ مَـحَـبَّـة ومَـعـانِـــى والــروحُ تـَسعـَدُ دائِماً فى ذِكـــرهِ والنـَفسُ تـَشقـَى لو غـَفِلتُ ثوانِى عَـيـناً وقـَلـباً عَاشِــقاً قـَد وَهَـبَـنِى ومَـحَـبَّة ًلِـلـنـورِ قـَد أهــــــــــدانِى يـارَبَّـنا أنـتَ الحَـبـيـبُ لِـمُهجَـتِــى أنـتَ القـَريـبُ إلـَىَّ مِـن وجـدانِــى أنـتَ العَـلـيـمُ بـِما يـَدورُ بـفِـكــرنا فـالـطـُف بـِنا فـيما نـَجـِد ونـُعانِـى واغـفِـر ذنـوباً قـَد تـَكونُ برَغـمِنا أنـتَ الغـَفـورُ تـَجـودُ بـِالغـُفـــران ِ يَـسِّــر أموراً مِن رضاكَ ورَحمَـة ً وامـلأ قـلـوبَ الخـَلـقِ بالإيـمــان ِ *** ** * خالص محبتى واحترامى لكم جميعاً أخوكم / الطبيب الشاعر

مين المدير يابَشـَـر ؟!

مين المدير يابَشـَـر ؟! *** من تأليف ** الطبيب الشاعر / د. محمد رزق *** ** * مين المدير يابَشـَر ؟ هوَّ المدير الله .. فين الضمير يابَشـَر ؟ ليه الضمير نِـنســاه ؟ بـِتحاسبوا ليه الناس ؟ ليه الجَمال ينداس ؟ دا القلب لـَو حَسَّاس يحلـَم بخير يلقاه *** يارب إنتَ الحَكيم شاهِد على الظالِم يارب إنتَ العَليم وبـكـُل شئ عالِم الشر ساد فى البَشـَر والخير بيتحاكِم إكفينا شـَر اللـئِـيم واللى بيـِتلائِـم *** رزقِى فى إيد رَزَّاق عُمرى فى إيد خـَلاَّق وازَّاى نخاف م البَشـَر ونضـَيَّع الأخلاق ؟! ياناس بقـَى فـُوقـُوا دا الكون دا فى فوقـُه حاكِم كبير مُطـَّلِـع ومقـَسِّــم الأرزاق *** ** * مع تحيات الطبيب الشاعر / د. محمد رزق

إسمَـك إيـــــــــــــــــــــــــــه ؟!

إســـــــمَــك إيــــه ؟! *** زَجـَـل ** من تأليف * الطبيب الشاعر / د. محمد رزق *** ** * إسـمَـك إيــــه ؟! ياللى تشوف الشـَر بعِـيـنـَك وتخـَبِّـيـــــه ؟ ياللى بتِحمِى فـَساد فى مكانـَك وتزَكـِّيـه ؟ ياللى بتِجـرَح جَرح حَبايبَك مِش تداويه ؟ ياللى بتِحسِـب بَـس حـسابَـك وتعَـلـِّـــيـه ؟ تِـقـدَر بَـعـد دا كـُلـُّه تقولـِّى ، إسـمَك إيه ؟ *** تِـعـمِـل إيــــــــــــــــه ؟ لـَمَّـا تشوف شـَخص بيتحَرَّش بالأخـَوات ؟ يسـتـُر عِيـبُـه ف بيت المُسلِـم يعمِل شات ؟ أو بيراسِل باسم الدين سِــــــتـَّات وبَـنات ؟ وبـيـتسَـــحَّب زَى الديـب وسط الظـُلـُمات ؟ قـُولـِّـى يامُـســلِـم نـَخوة دينـَك تِعمِل إيه ؟ *** تِـعـمِـــــل إيـــــه ؟ لـَمَّـا تلاقِى عـقـول مَـقفولـَة ماليها ضـَلام ؟ لـَو تطالِـبها تفـَكـَّر حَـبـَّة ف يــــــوم قـُدَّام ؛ تِصـحَى وتاخـُد بَـس حقوقها وتانِـى تـنام ، حَتـَّى ان شافِت ديب وبيرعَـى مَعَ الأغنام ، يوم العَرض ح َييجى حسابها وحَ تقول إيه ؟ *** خـُفت لاحَـد يســيب الموقِع قـُمت داريــت ؛ كـُنت بانـَفـِّذ وَصفـَة جـديدة من الإيتيكيت ؛ كان مِن واجبـِى أحمِى حَبايبـِى واتخـَلـِّيت ؛ يـوم العَرض عذاب وياويلـَك لـَو خـَبِّـيـت ؛ تِلـقـَى كتابَـك فِيه مَـكتوب اللى مخـَبِّـيه ..! *** بـيـت المُـسلِـم تِـشـعُـر فيه إنـَّك مَـسئول ؛ يَعنِـى مَبادئ بـِنعَـلـِّمها ولِـيها أصول ؛ تِـبـدِع ، تِكتِب ، حُب ، مَشاعِـر ، مِش مَنقول ؛ وامَّـا تشوف الشـَر ف بـيتـَك إصرُخ ، قـول ؛ بَس ضـَعـِيف الفـَهم ياعالـَم يفـهَـم إيــــــه ؟ *** لازم نِعرَف إن المُشرف مِش قـُرطــــاس لأ مَـسـئول بـِالحُـب يســــاعِـد كـُلِّ الناس ويطـَبطـَب عَلـَى كـُلِّ مَشاعِـر أو إحساس ويهاجـِـم مَـجنون أو فاسـِــــد أو خـَنـَّاس ويعَـلـِّـم أخـلاقـُه وديـن مِـتـرَبِّـى عَـلــــيه *** ** * خالص محبتى واحترامى وتقديرى لكم جميعاً أخوكم / الطبيب الشاعر / د. محمد رزق