الخميس، أغسطس 19، 2010

الـصَّـوت سـكـــــــــــــــــوت ...!





الـصَّـوت سـكـــــــــــــــــوت ...!
***

من تأليف
**

الطبيب الشاعر / د. محمد رزق
*
*


 الصوت سكوت ،!


مكتوم فى أنـَّة تِـتولِـد عند الشروق


تِـغزل خيوط الشرنقة ،


فوق الكفوف مِـتشـَـقـَقـة


والسد حاجز مَـيِّـتُـه ، عن زرعِـتـُه ،


يـِمكِـن تموت ...


***


الصوت سكوت ،!


مَـحبوس فى وادى الحُـزن ،


وادى المحرومين ،


يرفـَع كفوفـُه لِـلسَّـما ،


يـِهمِـس بصوت الهَـمهَـمَـة


يكرَه سكوتـُه إنـَّـما ،


يـلقـَى الصَّـدَى بـِيـرُج جُـدران البيوت ...


***


الصوت سكوت ،!


مجنون بـِكِـلمِـة رُبـَّما أو بَـعـدَما ،


أو شئ هَـيـِحصَـل عِـندَما ،


يـِطلـَع كـَلام العِـشق ويرَدِّد أدان ،


يفـتـَح ترابيس البـيـبان ،


والشر يهرب م الميدان ،


ويأون أوان ،


تِـحصُـد رقاب المَـشنـَقـَة ، أيام تفوت ...


***


ليه صوتنا ساكِت فى الحاجات المُـمكِـنـَة ؟،


عارف طريق الضـَّعف ، كل الأمكِـنـَة ،


والشر زاعِـق ، كِلمِـتـُه مِتسَـلطـَنـَة ،


وجذورُه ثابتـَة للأسف ، مِـتمَـكـِّنـَة ؛


فارد غصونـُه ع الغيطان ،


حارس جسورُه والحيطان ،


ومعَـلـِّم الناس الأدب ،


واللى بـِيـنطـَق كِـلمِـتـُه ،


بالحق عارف سِـكـِّتـُه ، جُـوَّا التابوت ...


***


خالص محبتى واحترامى لأصحاب المعانى السامية ..
وكل عام أنتم بخير وسعادة ...
*
الطبيب الشاعر / د. محمد رزق

*** شَـمعِـة رَمَضــــان ***




*** شَـمعِـة رَمَضــــان ***
***
زَجـَــــل
**
من تأليف
*
الطبيب الشاعِر / د. محمد رزق
***
**
*
أهلاً رمضان مليون مَرحَب

قرآن وأدان ، فـَجر ومَغرِب

وصَلاه وصيام وبنِـتـدَرَّب

على حُب الخير ياللا نجَرَّب

نِرضِى الرَّحمَـن مِنـُّه نِقـَرَّب

ياللاَّ ياإنسان بَطـَّـل تِهـرََب

***

باب الغـُفران مَـفـتوح ياللاَّ

تِروى العَطشان مِليون قـُلـَّه

يرجَع شـَبعان بَعد ماحَلـَّى

بالنور مَليان ألف ماشاالله

مايخاف حِرمان والخوف وَلـَّى

ياللا ياإنسان كَلـُّه عَلـَى الله

***

ذنبك مَغفور ، حَـسَـنات يامَا

مليان بالنور ألف عَـلامه

مَرسومة عليك زَىِّ الشامَه

أمَّا الكسلان ألف نـَدامَه

يلقـَى الحِرمان فِـى الدَّوَّامه

وان كُنت مَريض ألف سلامَة

***

تِـفطـَر وتعِيد رَبَّك عالِـم

بالقـَلب ؛ عَليه هُوَّا الحاكِـم

رَمَضان بيقول : إصحَى يانايم

أيَّام بـِتفوت ولاشِئ دايم

غِير المَعروف والخير لازم

إصبُر هَتشوف نـَفسَك عايم

***

فى السعد وكل اللى تريدُه

رَبَّـك مَسـؤل يرضِى عَبيدُه

والخير بـيـبارك ويزيدُه

والشر بيقطـَع عَـناقِيدُه

ياللا ياأحباب صَلـُّوا وقِيدوا

شـَمعِة رمضان ، فـَرحِة عيدُه

***
**
*
خالص محبتى واحترامى لكم جميعاً
وكل عام أنتم بخير وسعادة
*
الطبيب الشاعر / د. محمد رزق

مُـمـكِـن أســـاعـدَك ...!




 

مُـمـكِـن أســـاعـدَك ...!
***

من تأليف
**

الطبيب الشاعر / د. محمد رزق
*
*



قـولـِّـى إيه قـَصـدَك بـِبُـعـدَك ؟

ياللى انا اتعَـذِّبت بـَـعـدَك ؛

لـَو تِـحِب تعـيش لِـوَحـدَك ،

قول وانا مُـمـكِـن أسـاعـدَك ...!

***

زَى عـادتـَك بـِتجافـيـنى ،

تِـجرَح الأشواق ف عـيـنى ،

واحـلـَم انـَّك بـِتـنادينى ،

وانـِّى بَـرضوا ف حُـضـنى باخـدَك ...!

***

كـُنـت اسامحَـك رَغـم شـوقى

وانـتَ بـِتضـَلـِّم شروقى

وان عَـزولـَك قالـِّى فوقى ؛!

كـُنت اقولـُّه استـَنـَّى عَـندَك ...!

***

م الضـَّـنا ، من طول عَـذابى ،

كـُنت باكتِـبلـَك جَـوابى

كـُنت باتعَـذِّب غِـيابى ،

وانـتَ سايـق ليه فِ عِـندَك ؟!

***

قـول وماتسِـيـبنـيش فى حِـيرَة

لـلظنون والخـوف أسـيرَة

تايـهَـة فِ دروبى الكِـتـيرَة

وانـتَ تايه بَرضو وَحـدَك ...!

***

قول خـَلاص احـنا انتـَهـيـنا ،

والفـُراق مَـكتوب عَـلـينا

ياللى من يوم ماالتـَقـيـنا ،

كـُنت رَغـم الحُـزن سَـعـدَك ...!

***

قـول وَداع وابـعِـد لِـحالـَك ،

عِـيش فى غـُربـَة مَـكتوبالـَك ،

بَـس لـَو شـَـدِّيت رحالـَك ؛

لِـلفـُراق ؛ اتـلـَقـَّـى وَعـدَك ...!

***



خالص محبتى
وكل عام أنتم جميعاً بخير وسعادة
*

الطبيب الشاعر / د. محمد رزق

كل الأصناف هَـتخـُش تابوت ...!





 

كل الأصناف هَـتخـُش تابوت ...!
***

من تأليف
**

الطبيب الشاعر / د. محمد رزق
*
*




فى جراب الحاوى التعلب فات


والتوتة بترمى بَلـَح أمهات


والكـُل متـَبِّـت ، عايش ، مات


وصراع بين راجل والسِّـتات


والغـُربة بـتِحلـَى لكل الناس


عـُقدِتنا ف تقليد الخواجات ...!


***


فى جراب الغاوى ينام مستور


وبيحلـَم بالصورة ف بَـسبور


يركب طيارة ، يعَـدِّى بحور


ويقول للفقر ف يوم ، ماتغور


ويعَـبِّـى جيوبه دَهب أو ماس


لـَكِن ماتشوفش عيونه النور ...!


***


فى جراب العالِـم ألف كتاب


بـِيدَوَّر فيها عن الأسباب


ويفـَتـِّش حَـتـَّى ف كل سحاب


ويلاقى طريقـُه ضـَباب وسَـراب


بـِيمَـوِّت فيه مَـعنـَى الإحساس


يـِمكِـن يرتاح لو كان كـَدَّاب ...!


***


فى جراب الشاعر لـَحن جميل


مَـفروش على ضـَفـِّة نهر النيل


ضِـحكايـَة تـفـَـرَّح قـَلب عَـليل


شـَمعايـَة تـنـَوَّر وسط الليل


نِـجمايـِة حـُب ، قـَمَـر وَنـَّاس


وبيصبـُر مهما يدوق الويـل ...!


***


فى جراب الفاجر مـَكر غـَريب


وعيونـُه تشوفها تخاف م الديب


ويـخـَبـِّى النور جوَّا السراديب


ويخون ويـبـيع ويخوض ويعيب


تـِركيبـَة وفيها الشـَّر أساس


والكل يشوفـُه يقول لـَعـِّيـب ...!


***


والناس بتعيش ف صراع وتموت


تقضى الأيام والعمر يفوت


ظالم ، مظلوم ، مفترى ، هَلفوت


كل الأصناف هتخش تابوت


والرب هيحكم بين الناس


هوَّ الرحمن ، صاحب جبروت ...!


***



خالص تحياتى
وكل عام أنتم جميعاً بخير وسعادة

* 
الطبيب الشاعر / د. محمد رزق