الجمعة، ديسمبر 23، 2011

مِــش وِلادِى .....! ( للطبيب الشاعر / د. محمد رزق ) .



مِـش وِلادى ...!
***
من كلمات
**
الطبيب الشاعر / د. محمد رزق
*
*
*
بَـعـد مِـيـت مِـلـيون مُـصـيـبَـة ،
قـَرَّبـِت مِ الـخـوف تِـمـوت ..؛
صَـرَّخِـت مَـصـر الـحَـبـيـبَـة ،
قـَطـَّعِـت تــوب الـسِّــكوت ...!
مِ الـنـَّـهاردَة .....،
مِ الـسَّـاعـادِى .....،
كـُلـّـهُـم دُول مِـش وِلادِى ...!
*
اللى حارِق ، واللى سارِق ،
واللى حـايـِل ، واللى شـايـِل ،
واللى غـافِـل ، واللى قـافِـل ،
واللى حاكِـم ، واللى عاكِـم ،
واللى فاتِـل ، واللى قاتـِل ،
واللى شـايـِل بُـنـدُقِـيـَّة ،
واللى حادِف طـوب عَـلـَيـَّا ،
واللى بـِيـكـَسَّــر جـِناحِـى ،
واللى بـايـِع لِـلقـَضِـيـَّة ،
واللى بـِيـضـَلـِّم صَـبـاحِـى ،
واللى بـِيـخـَزَّق عِـنـَيَّـا ؛
واللى دايـِـر فى الـرَّحايَـة ..
بـين فِـصول الـمَسـرَحِـيـَّة ؛
كـُلِّ دول بـِيعَـذ ِّبـونِـى ...؛
كـُلـُّـهُـم جارحـين فـؤادِى ...
وبـإيـديـهُـم خـَرَّبـونِـى ...،
شـَــمـِّتـوا فِـيَّـا الأعادِى ..،
مِ الـنـَّـهاردَة .....،
مِ الـسَّـاعـادِى .....،
كـُلـّـهُـم دُول مِـش وِلادِى ...!
*
غـَرَّبـونِـى رَغـم إنـِّـى ؛
عَ الـوِصال عَـوِّدتـهُـم ..!؛
قـَطـَّعـونِـى رَغـم إنـِّـى ؛
مِ الـبـِعـاد لـَمـلِـمـتـهُـم ..!؛
بَـهـدِلـونِـى ، قـالـوا إنـِّـى ؛
مِـن زمان جَـوَّعـتـهُـم ..!؛
كـَدِّبـونى ، غـَصـب عَـنـِّـى ،
فى الـخِـداع صَـدَّقـتـهُـم ..!؛
عَـذ ِّبـونِـى ، نِـسـيـوا إنـِّـى ،
فى الـحَـقـيـقـَة أمُّـهـُم ..!؛
بَـس انـا حَ ارجَـع واغـَنـِّـى ،
غـَصـب عَـنـهُـم كـُلـّهُـم ...!
*
مِـن زَمان والكـُلِّ سـاكِـن جـوَّا قـَلـبـِى ؛
والأسَــى جُـوَّايـا سـاكِـت ..، مِـســتـَخـَبـِّى ؛
كـُلِّ مـايـزيـدوا ف جَـفـاهُـم ..، كـُنـتَ اخـَبـِّـى ؛!
والـحَـقـيـقـَة الـمُـرَّة بـانِـت فى الـنـِّهايَـة ..؛!
إن انـا ماعـرِفـت ارَبـِّــى ...!
*
القاهرة فى يوم
السبت 17 ديسمبر 2011
*

*

الاثنين، ديسمبر 19، 2011

أصـــحاب المكـــــــــان ...!



أصـــــــــــــحاب المكـــــــــان ...!
***
من كلمات
**
الطبيب الشاعر / د. محمد رزق
*
*
*

يـِمكِـن يكون طـَعم الـوَجَـع ..

هُـوَّا اللى باقِـى مِـنـِّنا ،

بـِيضـُمِّـنا ،

ويـلِـمِّـنا ؛ وَيَّـا الـسُّـكات ...

والـذ ِّكـرَيات ..؛

تِـعـبُـر مَـوانِـى عُـمرِنا ..!

مِـتـغـَرَّبــين ..؛

لـَكِن فى لـَحظـَة بـنِـلـتِـقِـى ،

مِـش فى الـطـَّريـق ..!

لِـسَّـه الـبَـرئ ؛

ساجـِن مَـلامِـح قِـصِّـتـُه جـوَّا الـسـنـين ..؛

ياهَـلـتـَرَى هَـتصَـدَّقـوه ؟،

ساعِة مايـِكـشِــف أنــِّتـُه ..،

ياهَـلـتـَرَى هَـتـسَـنــِّدوه ؟،

وَيَّـاكـوا تِـقـدَر خـَطـوِتـُه ..؛

تـعـبُـرسـنـين الحُـزن وتحِـس الـبَـراح ..!

والـرَّب واحِـد مِ الـبـِدايَـة ، والـحَـكـَم ..؛

هـوَّا الـرَّؤوف ،

والـعـَدِّ ( واحِـد ) مِـش بـِدايَـة ، مِـش رَقـَـم ..!؛

مِـش مِ الحـروف ،

لـَكِـنـُّه خـــــــــــوف ... الـطـَيـِّـبـين لـَـو يـِبـتِــدوا ..؛

ويـرَدِّدوا نـَفـس الكلام اللى انكـَتـَب ،

جـوَّا الجَـريـدَة نـَفـسَــها ،

أيَّـام ما كانِـت تِـتـنِـشِــر تـَحت الـَّرصيف ..!

مِـن ألـف صــــــيـف ،

واقِـف هِـنا بـِيضـُمـِّنِى ..

نـَفـس الكلام جـوَّا الـشـِّـتا ..؛

ويهـِزِّنِى نـَفـس الـنـَّـغـَم ،

والـفـَرحَة كانِـت تِـبـتِـدِى ؛

تِـقـلِـب بـِغـَـم ..!

سـيـبَـك ياعَـمِّ ...؛ وبُـصِّـلِـى ،

وافـتـَح عـيـونـَك عَ الـبَـشـَر جـوَّا الـمـيدان ..!

مِـتـرَصَّـصـين فـوق بـَعـضـهُـم ،

بـِيـضـُمُّـهُـم ؛

نـَفـس الـمَـكان ..

اللى اتـوَلـَد فـيه حِـلـمهُـم ،

بَـس اتـوَأد قـَبل الأوان ..!؛

وبـيـِهـتِـفـوا ،

نـَفـس الـكلام اللى انكـَتـَب

جـوَّا الـقـَصـيـدَة مِـن زَمَـن ..؛

وبـيـِدفـَعـوا نـَفـس الـتـَّمَـن ..

مِـن دَمُّـهُـم ..!؛

مِـن غـُلـبـِنا جـوَّا الـطـَّابـور ..؛

زَىِّ الـطـِّـيور ..!؛

لـَو يـِتـهـِدِم يـوم عِـشـَّـها ،

تِـزعَـل قـَوى مِـش عَ الـمَـكان ..!؛

تِـزعَـل عَـشـان ضاع قـَـشـَّـها ..!؛

هـوَّا اللى كانِـت فى الـشـِّـتا بـتِـتـغـَطـَّى بـيه ..؛

والـسِّـرِّ إيــه ؟،

مـين اللى عارِف سِــرِّهـُم ؟ ،

مـين اللى هـادِم عِـشـِّـهُـم ؟،

مـين اللى قـادِر بـِالـحَـقـيـقـَة يـلِـمِّـهُـم ؟،

عَ الـمُـسـتـَحـيل ..؟!

والألــف مِـيل ..

تِـبـدأ بـِطـيـبـِة قـَلـبـهُـم ..!

بَـس الحِكايَـة مِـش كِـدا !!

أصـل الحِكايَـة إنـِّهـُم ..؛

لـَمَّـا ابـتـَدا الـعـالـَم يـضـيـق ،

فـَضـُّوا الـطـريـق مِـن حِـلـمـهُـم ..؛

مات الكلام اللى انكـَتـَب جـوَّا الـسـنـين ،

مِـتعَـلـَّقـين ..؛ فـوق الـمَـشـانِـق كـُلـهُـم

أمَّا اللى كانـوا مِـن زَمَـن بـِيحَـكـِّـموا ،

وبـيـِحكـُموا عَ الخـَلق بـِالـموت الـبَـطئ !؛

الـقاضِى واقِـف جَـنـبـُهُـم ،

فـارِد إيـديه ماسِـك قـَـلـَم ..؛

مـين اللى شاعِـر بـِالألـَـم ؟،

والكِـلـمِـتـين اللى اتـقـَـروا جـوَّا الكِـتاب ،

مِـتـعَـتـِّمـين زَى الـقـبور الـمُـظـلِـمَة ،

لِـسَّـه الوِشــوش مِـتـلـَتـِّـمَة ،

بَـسِّ الـقـلوب مِـتـعَـشـِّـمَة ..!؛

تحصُد رِقاب الـظـُّـلـم وتـبـيع الحَصاد ،

رَغـم الـمَلامَة والألــَم ، رَغـم الـفـَسـاد ،

رَغـم اللى باعـوا حِـلـمهُـم ، رَغـم الكـَسـاد ؛

بـِيـدَوَّروا عَ الـحُب يـِمكِـن يـِلـتِـقــوه ،

أو يـِعـرَفــوه ..،

وِسـط الـمَـتاهَـة والـقـَلــَق ، بُـسـتان أمـان ..

وبـيـِكـتِـبوا إعلان كـبـير جـوَّا الـمـيدان ...!

إن احـنا رَغـم الـمَـهـزَلــَة ، والـبَـهـدَلـَة ،

وكـُل اللى كــــــان ..؛

فى الأصل أصحاب الـمكـــــــان ...

***

القاهرة فى يوم
السبت 10 ديسمبر 2011
*

هكذا كانت الثورة فى بدايتها ،

ولهذا انتصرت ..؛

وهكذا أتمنى أن تستمر ،

ليكتمل النصر بإذن الله ..

*

 

الجمعة، ديسمبر 16، 2011

شـَعـبـِنا مَحـمِـى بـِجـيـشـُه .. ( للطبيب الشاعر / د. محمد رزق )



شـَعـبـِنا مَحـمِـى بـِجـيـشـُه ...
***
من كلمات
**
الطبيب الشاعر / د. محمد رزق
*
*
*
كِـلـمِـتى .. قـُـدَّام كـَلام الـشـَّـر ضاعِـت ؛
والإشـاعَـة الـكِـدبَـة شـاعِـت ..!؛
والـنـِّفـوس الـحُـرَّة جاعِـت ؛
والـسَّـفـايـِن لِـسَّـه ماشـيَـة ؛
رَغـمِ إنِّ الـرِّحـلـَة طالِـت ..!؛
والـمَوانِـى فـوق شِـراعِ الكـُرهِ غـابـِت ..؛
عَـن عـيون كـُلِّ الـبَـشـَر .. والـسِّـكـَّة فــين ..؟!
*
قـَدِّمونى فى الطـَّابـور رَغـمِ اعـتِـراضِى ؛
والأسَـى دِلـوقـتِ عـادِى ..!؛
والـجـموع بـِتـقـول بـِلادِى ؛
رَغـمِ إنِّ الكـُلِّ شـادِد ؛
شـَعـرِ راسـها مِ الـشـَّواشِـى ..!؛
والـنـِّفـاق هُـوَّا اللى ماشِـى ، واللى مـاضِـى ..؛
والـقـلـوب زَىِّ الـحَـجَـر .. وازَّاى تِـلـيـن ..؟!
*
عَـلـِّمونى أمتِـثِـل لِـلـغـَدر تانى ؛
واعـتِـرِف واكـشِـف مَكـانى ..!؛
واكـتِـشِـف ذ ُلـِّى وهَـوانى ؛
وافـتـَح الجَـرح اللى طايـِب ؛
وانـسَـى نـَفـسِـى والحَـبايـِب ..!؛
وانـدِمِـج وِسـط الـعَـجايـِب ، بَـهـلـَوانى ..؛
والـغـَريـب الـمُـنـتـَظـَر .. طـَب هُـوَّا مـين ..؟!
*
فى الـطـَّاحونـَة مِـن وِدانِـى عَـلـَّقـونِـى ؛
وِبـحِـبال الـصَّـبر يابَـا كـَتـِّفـونِـى ..!؛
لابـإيـديـهُـم مَـوِّتـونِـى أو سابـونـِى ؛
أبـتِـسِـم واشـعُـر بـِراحَـة ؛
فـُقـت وف وِسـط الـجـِراحَـة ..!؛
نِـسـيوا تانِـى يـبَـنـِّجـونِـى ، طـَنـِّشـونِـى ..؛
سـابوا مُـصـرانِـى انـفـَجَـر .. مِـتـعَـمِّـدين ..!
*
احـتِـرافِ الـكِـدب يـِمكِـن لـُه زَمانـُه ؛
وِالـقـَدَر يـِقـدَر يـِطـَبـطـَب عَ اللى خانـوا ..!؛
وِالـجَـبَـل طـول الـزَّمَـن واقِـف مَـكانـُه ؛
زَحـزَحـوه جُـوَّا الإشـاعَـة ؛
والـبـِتاع حَـطـِّ الـبـِتاعَـة ..!؛
فى الـقـَفـَص ، وِالكـُلِّ طـالِـق بَـغـبَـغانـُه ..؛
وِالـقـرود فـوق الـشـَّجَـر .. مِـتـرَصَّـصـين ..!
*
فى الـسَّـبَـق بـِيـحَـلـِّـلوا دَمِّ اللى فايـِز ؛
والـهَـبَـل هُـوَّا اللى سـاد وِالـغـَدر جايـِز ..!؛
والكلام الـمُـرِّ واضِـح بَـسِّ حاجـِز ؛
طـَعـم تانِـى فـوق لِـسـانِـى ؛
والـوَطـَن هُـوَّا اللى جانِـى ..!؛
واللى ماشِـى فى الـطـَّريـق الأوَّلانِـى ..؛
والـشـَّرازِم والـغـَجَـر .. مِـتـحَـكـِّمـين ..!
*
كـُنـت واقِـف جُـوَّا لـَجـنـَة فى انـتِـخابـِى ؛
كـُنـت دافِـع مَـهـرَها وباكـتِـب كِـتابـِى ..!؛
والـمَـخاطِـر شـُفـتـَها وعامِـل حِـسـابـِى ؛
واللى جاى بَـاحـلـَم أعـيـشـُه ؛
والـجـِناح يـِطـلـَعـلـُه ريـشـُه ..!؛
شـَعـبـِنا مَحـمِـى بـِجـيـشـُه ، وانـتِـسـابـِى ..؛
كـُلـِّنا وَقـت الـخـَطـَر .. مِـتـجَـنـِّـدين ..!
*
والـسِّـلاح كان حُـبـِّنا مِـش بُـنـدُقِـيَّـة ؛
أصل عُـمر الـدَّم يـوم مايـِبـقـَى مَـيَّـه ..!؛
والـحَـبـيـبَـة أمِّـنا لـيه مِـسـتِـحِـيَّـة ؟؛
ماتخـافـيـش ياامُّ الـمَـدايـِن ،
دا الـنـَّهار قـَرَّب وبـايـِن ..!؛
واللى خايـِن ، واللى بايـِع لِـلـقـَضـِيـَّة ..؛
يـِسـتـَعِـدُّوا لِـلـسَّـفـَر .. مِـتـرَحَّـلــين ..!
*
القاهرة فى يوم السبت
3 ديسمبر 2011

*
﴿ رَبَّنَا افْتَحْ بَيْنَنَا وَبَيْنَ قَوْمِنَا بِالْحَقِّ وَأَنْتَ خَيْرُ الْفَاتِحِينَ
[الأعراف: 89]
*
مع تحيات
الطبيب الشاعر / د. محمد رزق
*
 

الأربعاء، ديسمبر 14، 2011

ياهَـلْ تـَـــــــــــرَى يـاولاد ...؟! ( للطبيب الشاعر / د. محمد رزق )


ياهَـلْ تـَـــــــــــرَى يـاولاد ...؟!
***

من كلمات
**
الطبيب الشاعر / د. محمد رزق
*
*
*
تِـتـفـَــرَّق الأشـــــــــواق ...
وِســــــطِ الـبـِحـور الـنـُّــور
وِتـجَـمَّـع الـعُـشـَّـــــــــاق ...
فى الـجَـنـَّة وَيـَّـا الـحـــــــور
ياهَـل تـَـــــــــــرَى يـاولاد ...
هُــوَّا الـزَّمَـــــن ثـابـِت ...؟!
واللا احـنا مِـش حـاسِّــين ...
إنِّ الـزَّمَـن بـِيــــــــــــدور ؟!
**
تـَحـتِ الـكـَـواعِـب عِـنـَب ؟!
واللا الـعَـتـَب عَ الـشـُّـوف ؟!
والـحَـقِّ فِـيـنا اتـوَلـَــــــد ...؟
واللا اتـوَأد مِ الـخــــوف ..؟!
ياهَـل تـَــــــــــــرَى يـاولاد ...
شـَـمـس الأمَـل غـابـِـت ...؟!
واللا الـنـِّجـــوم نـايـمـين ..؟؛
واللا الـقـَـمَـر مَـخـســـوف ؟!
**
مَـكـتـوب عَـلـيـك الألـَـــــم ...
يـاللى ابـتـَلـيـت بـِالـشـوق ...!
وبـيـِضــرَبـوك بـِالـقـَـلـَــم ..!؛
يـِمـكِـن سـاعِـتـها تـفـوق ...!
ياهَـل تـَــــــــــــرَى يـاولاد ...
هِـىَّ الـقـلــــوب خـابـِت ...؟!
واللا انـتـَهَـى الـعـاشـقـيـن ..؛
والـحُـبِّ مـات مَـخـنـوق ...؟!
**
أرضِ الـمَـبـاهِــج عِــزَب ...
مِـتـرَصـَّصـيـن بـِالـكــوم ...!
وِبـيـِنـفـُخـوا فى الـقِـرَب ...!؛
وِبـيـِفـتِــروا فى الـلــُّـــوم ...!
ياهَـل تـَــــــــــــرَى يـاولاد ...
هِـىَّ الـقـِــرود ســــابـِت ...؟!
واللا انـتــوا مِـش عـارفـيـن ؛
فـَرق الـغـَـرَق مِ الـعــوم ...؟!
**
دُخـَّـان ظـَهَـر فى الـسَّـــما ..؛
مـين اللى شــاف دُخـَّـان ...؟!
والـنـَّـدل لـَمَّـــا اتـعَـمَـــى ...؛
فـَـكِّ الـحِـراسَـــــة وخـان ...!
يـاهَـل تـَـــــــــــرَى يــاولاد ...
هِـىَّ الـعِـيـال شــــــــابـِت ...؟
واللا الـكِــبـير مِـســكيـن ...؟؛
فــوقِ الـسِّـــريـر عَـيَّــان ...؟!
**
تـاجِ الـعَـروسَــة اتـسَـرَق ..؛
واتـحَــطـِّ فى الـتـَّـــأمـيـم ...!
كـَتـبِ الـكِـتـابِ اتـحَـــرَق ..؛
والـخـُـلـع فى الـتـَّـعـتــيـم ...!
ياهَـل تـَــــــــــــرَى يـاولاد ...
بـِنـتِ الأصــــول عـابـِت ...؟
واللا الـبـِنـــوك قـافـلـين ...؟!
والـسِّرقـَة فى الـتـَّقـسـيـم ...؟!
**
( كاو بـوى ) يـِسـوق البَـقـَر ؛
( بـِج مـان ) يُـقـَف زِنـهـار .!
عَــشـــماوِى لـَمَّـا افـتـَــقـَر ..؛
فى الـحَـبـل عَـلــَّــــق فـار ...!
ياهَـل تـَـــــــــــــرَى يـاولاد ...
هِـىَّ الـجـِـــروح طـابـِـت ...؟!
واللا الـوَلـَــد مِـســكـيـن ...؛
مِـحـتـاجـلـُـه دَقـِّـــة زار ...!
**
راضِــــى وحَـمَــــد رَبـِّـنـا ..؛
رَغـم انـُّـه كـان مَـوجـوع ...!
وِســــط الـطـَّـابـور كـُلـِّـنا ...؛
فــيـنـا اللى مـات مِ الـجُّـوع .!
يـاهَـل تـَـــــــــــرَى يــاولاد ...
هِـىَّ الـحِـبـال دابـِـــــــت ...؟!
واللا انـتـوا مِـش فـاهـمـيـن .؟
أشـــرَح لـكــو المَـوضـوع ..!
**
القاهرة فى يوم الثلاثاء
6 ديسمبر 2011
*
تقدمت بشكاوى عن الفساد فى المستشفى التى أعمل بها
مشفوعة ببعض المستندات ،
إلى النيابة الإدارية بوزارة الصحة ،
وإلى مكتب النائب العام ،
كان ذلك بعد نجاح الثورة الأولى فى فبراير 2011
وانتظرت حتى نهاية شهر أكتوبر وأوائل شهر نوفمبر 2011
بين التهديد والتنديد والوعيد والجزاءات وغيرها من أسباب الترهيب ،
حتى ظهرت بارقة الأمل واستدعونى للتحقق من الشكاوى والتحقيق فيها ،
كان جميع المحققين يتألمون من فداحة ماأحكى وأثاره الفتاكة على حياة المرضى ،
وآثاره السلبية على العاملين فى مجال الصحة حيث يحرمون حقوقهم
ويسود فيهم ذوى النفوس الضعيفة والأيادى السوداء ،
وتشكلت اللجان التى تحقق وتبحث فى المستندات التى تقدمت بها فقط ،
ومازالت اللجان تعمل ،
ولكنى أكتشف كل يوم أن جميع القوانين واللوائح المنظمة للعمل
كانت مصنوعة بإتقان لحماية كل هذا الفساد ،
واكتشفت أيضاً أننا جميعاً كاذبين ، وأن المسؤلين هم الصادقون ؛
وأن النهاية قد تكون ...
مجرد لفت نظر للمسؤلين أو قد تصل إلى خصم خمسة عشر يوماً من الراتب على أقصى الحدود ...!
فهل كان هذا يستحق أن تضيع سنوات طوال من عمرى فى محاربة الفساد ...؟!
***
تحياتى وتقديرى لجميع المخلصين الساذجين ...
الطبيب الشاعر / د. محمد رزق
*