أغـانــى ... للطبيب الشاعر / د. محمد رزق ... متجدد .

أغـــــانـى الطبيب الشاعر / د. محمد رزق

***

الشـــَّجـَـر مَلـيان غـصــــــــون ..!

أغـنية ..

من كلمات

الطبيب الشاعر / د. محمد رزق

الوَداع شـُفـتـُه ف عـنيكى
لـَمَّا غابـِت فى الجفـون ؛

والخِـداع بايـِن عَـليكى

بَـس تايـِه فى الظنون ..!

والضـَّياع اهو كان مَصيرِك ،

ياللى قـَلبى ماحَـب غـيرِك

مِ الخِـيانـَة اللى لـَقـيـتها

لا انتِ طيرى ولاابقـَى طيرك ؛

والشـــجـــــــر مليان غـصــــــــون ...

شـَدِّنى ليكى ابتسامَة مِن عنيكى

شـُفـتـَها سَلـِّمت قلبى بين ايديكى

وابـتـَدينا سِكـِّة الأحباب ، مـشـيـنا

والـتـَقـينا والهَوا غـَلاَّب ، نِـسـيـنا

حـتى نِـسـأل عَن طـَريـقـنا

حُـبـِّنا كان بـِيـسابـِقـنا

لـَجل عـينِـك بـِتـناجينى

وابـتِـسامتِـك بـِتـنادينى

والحـنان بـيـنِـك وبـيـنى

بَـس تاه بـين الظـنون ..!

والضـَّياع اهو كان مَصيرِك

ياللى قـَلبى ماحَـب غـيرِك

مِ الخِـيانـَة اللى لـَقـيـتها

لا انتِ طيرى ولاابقـَى طيرك ؛

والشـــجـــــــر مليان غصــــــــون ... 

غـُصن تانى عَـليه وِقِـفـتى ؛

والأمانى الحِـلوَة بـِعـتى ؛!

ياللى انا حَـبـِّيـتِـك انتى

لـيه كِـدا مِلـتى وخـُنـتى ؟!

واتـقابـِلـنا ، مِن كسوفِـك

غابـِت العـين بـين جفونِـك

شئ مابيـنـَّا ، خـللا خوفِـك

يـقـتِل الـبَـسمَة ف عـيونِـك

مــــــــــش ح اعاتِـب ... !

إيه يفيد بـِيـنـَّا العتاب ؟!

مــــــــــش هاحاسِـب ... !

دا الزمَن فات عَ الحِـساب ؛

والضـَّياع اهو كان مَصيرِك

ياللى قـَلبى ماحَـب غـيرِك

مِ الخِـيانـَة اللى لـَقـيـتها

لا انتِ طيرى ولاابقـَى طيرك ؛

والشـــجــــــر مليان غصـــــــــون

من ديوان

قـلــــــــــــوب الناس بـِتِـتكـَبـَّـر

مع تحيات

الطبيب الشاعر / د. محمد رزق

مُـشـتاقـالـَـك ...

من كلمات

الطبيب الشاعر / د. محمد رزق

مُشتاقالـــَــــــــــك .. مُشتاقالـــَــــــــــــك

نِفسِى أخطـُر يوم فى بالـَـك

نِفسِى اقـولـَّـك مِحتاجالـَــك

لـَو تقولـِّـى تـَعالِى تِلقـَـــــى
قلبى زَى البَرق جالــَــــــك

مُشتاقالـــَــــــــــــــــــــــــــــــــــــــ ـــــــك

بـِالغـَرام قـَلبـِى نادالــَـــــــــك

قال تعالـَى يانـور عـيونــِـــى

أصـلـُه حالـُه زَى حالــَـــــــك

والمَـشاعِـر دَوِّبـونـِــــــــــــى

نِفـسِى تيجـِى لحَـــــد عـَنـدِى

فى الغـَرام ناخـُـــــــــد وِنِـدِّى

ياحـــــــــبـيـبى الــــــوِد وِدِّى

آجـى انا واطـلـُب وِصالـَــــك

لـَو تِـقولـِّـى تعالِـى تِـلقـَـــــى

قـَلـبى زَىِّ البَـرق جـالـَــــــك

مُشتاقالـــــَــــــــــــــــــــــــــــــــــــ ـــــــك

نِفـسِى أخطـُر يـوم فى بالـَـك

وِتـناديـنى تـقـول تـَعالـِـــــــى

لـَو صَـحـيح الحُــب جالـَـــــك ؛

لِـيه تِـسـهـَّرنِـى الليالـِــــــــى؟!

وانـتَ مِـش دارِى بغـَرامِــــى

بَـس بـِتـشـاغِـل مَـنامِـــــــــــى

لـَو فى يـوم تِـطلـُب سَلامِــــى

إيـدِى تِـحلِـف مُـشـتاقالـَـــــــك

لـَو تِـقولـِّى تـَعالِـى تِـلقــــَـــى

قـَلبـِى زَىِّ البَـرق جالـَـــــــــك

مُشتاقالـَــــــــــــــــــــــــــــــــــــــــ ـــــــك

مع تحيات

الطبيب الشاعر / د. محمد رزق



ديوان / أنـا ... ثـَـورَة ..! ( للطبيب الشاعر / د. محمد رزق ) .

بسم الله الرحمن الرحيم
***
ديــــــوان
أنــــــــــا .. ثــَــــــــــورة
*
أشعار عامية وأزجال وأغانى
للطبيب الشاعر / د. محمد رزق
*
*
*
بسم الله الرحمن الرحيم

إهــــداء
*
أهدى هذا الديوان إلى أصحاب الكلمة الحرة فى جميع أنحاء العالم ،
وإلى شباب مصر المخلصين الثوار الذين استطاعوا بعزمهم
دفع هذا الشعب العظيم إلى الثورة على الظلم والفساد ،
وإلى أصحاب القصص الحقيقية التى دونتها فى القصائد ،
وإلى جميع رجال الجيش المصرى الأبطال
الذين ساندوا الثورة وحموها وساهموا فى إتمامها ،
وإلى جميع الشهداء الذين ضحوا بأرواحهم
لينتصر الحق وينتشر النور ...
*
*
*
____________
مقـدمـــــة

***

كنا جميعاً نعانى من القهر والظلم والفساد ،
وكنا نقاوم فى مواقعنا على استحياء ، حيث كانت تصدنا وتقهرنا
اللوائح والقوانين التى وضعت جميع السلطات فى الأيادى السوداء ،
والتى كانت تساعد النظام على النهب فيساعدها النظام على
قهر الشرفاء؛ ويقتسمان معاً الغنائم .
وهكذا تحول الناس إلى شرائح بتقنيات ومفاهيم عديدة
وكان على كل مواطن اختيار شريحته تبعاً لقوة المقاومة التى اكتسبها ،
والمبادئ والأخلاقيات التى تربى عليها ، والفرص المتاحة لتفعيلها ،
ولكن السواد الأعظم من الناس آثروا الصمت وكتمان الأنين ،
وشغلوا أنفسهمبالبحث المضنى عن لقمة العيش .
·وعلى غرار هذا النظام المفروض كان لابد أن ينقسم المبدعون
وأصحاب الكلمة إلى :


- مؤيدين يمتدحون النظام فيسمح لهم بالظهور والسيطرة ، ويصبحون من الصفوة ،
ويتحكمون فى مقدرات الكلمة ، ويتربحون بالسماح فقط لمن يدفع أكثر بالولوج إلى ساحة الإبداع بغض النظر عن قيمته .


- ومحايدين يتأرجحون بين الصعود والهبوط ولايكتبون إلا ما يسمح النظام وأذنابه بمروره وقراءته .

- ومعارضين ينتقدون الأوضاع ويعبرون عن مشاعر الإستياء منها
عن طريق الهجوم المباشر على النظام ،
وكان لابد لهؤلاء من وجود ظهور قوية تحميهم من البطش ليستمروا .
أو يقتصر دورهم على مجرد التلميح والإسقاط فى أطر تحتمل التأويل ،
أو التعبير عن السلبيات فى الإطار الإجتماعى دون الترقى إلى النقد المباشر للنظام السياسى
إلا من خلال الصيغة الإجتماعية التى يلتزمونها .
وأغلب الظن أننى كنت من هذه الجماعة ؛ فكانت كتاباتى تطالب بالحب والتقاء القلوب
تعزيزاً لقوة المقهورين ؛ علهم يستطيعون المطالبة بحقوقهم المنهوبة ،
وكان لعملى كطبيب الدور الأكبر فى تعزيز هذه الخاصية ،
فوجدتنى مشغولاً بالمحاربة الفعلية للفساد الأصغر فى أماكن عملى بقطاع الصحة التابع للحكومة ،
والذى وجدته ينهار ورأيت آثار انهياره تنعكس على صحة الفقراء
من أبناء هذا الشعب المطحون الذى تصفه كتاباتى .
وحين قامت الثورة كان شغلى الشاغل هو الغوص فى مشاعر الناس
لتصوير الأسباب التى تراكمت فأنجبت الثورة ،
وكان هذا الديوان الذى كتبت قصائده منذ اليوم الأول للثورة
ونشرتها يومياً على الشبكة العنكبوتية ،
ولكنى أستسمحكم فى عرضها هنا عكسياً
فأبدأ بآخر قصيدة وصولاً إلى قصيدة اليوم الأول للثورة ...
*
مع خالص محبتى وتقديرى .
*
الطبيب الشاعر / د. محمد رزق
*___________________

فـين الثـورة يامَصـريـين ..؟!

***
شـُـفـتـُه بيـِكتِـب وبإحساسُه
كلمِة حُب ف لـَحن حَـزين
فـيها بيـِسـأل أهلـُه وناسُه ؛
كل حَبايـبُـه المَصــــريـين
قـُمت شاركتـُه الحُب ساعِتها
مااحنا ياناس كـُلـِّنا خايفين
قـَطر الثـورة الحُرَّة يفوتها
وَقت ساعِتها حَ نِسأل مين ؟!
وَقت الثورة ياصاحبى ماقامِت
كانِت نور فِ قلوب ملايين
لـَكِـن بعد الخـَلق ماشـافِـت
إنِّ الشـَّر شــــــديد ومَتـين
وانِّ الحَـق طـَريقـُه مَتاهَة
رافضين يـبقوا من الصابرين
واحِـد يـبنى البيت ويعَلـِّى
وسط الزحمة يرُص دورين
واحِـد تـانى عَـلـينا يغـَلـِّى
واحنا نشيل فوق روسنا الطين
واحِـد يسرَق ، واحِـد ينهَـب
واحِـد يقتل ، مِش راحمين ..!
واحِـد يطلـَع وِسط الهوجَة
يركـَب فوق كِتف التانيين
واحِـد لابـِد بَـس متابـِع
واحِـد شارى وناس بايعين
واحِـد راضِى بعيشتـُه وصابـِر
واحِـد رافِـض وِبـوِشـِّـين
بَـعد الثـورة الحَـق اتـَّاكِل
واتـوَحَّــد كـُل الخايـنـين
قِـدروا يهـِدُّوا الكِلمَة الحُرَّة
واحنا بـنِسـأل ، مِش فاهمين !
مين الصح ؟ ومين الخايـِن ؟
مين وَيَّانا ؟ ومين عَلـَى مين ؟!
عَـندك حَـق ياصاحبى تنادِى
فـين الثـورَة يامَصـريـين ؟!
***

الخميس 7 إبريل 2011
*
___________________

قومِـــــــــــــــــــــــــــــى ...

( الجزء الثانى )
***
قومِـــــــــــــــــــــــــــــى

كـَمِّـلى سَـكـِّتنا ثـورَة ... وامـنـَعى كل الفـَساد
حَـذ َّرينا مِ المِناورَة ... عَ المكاسِـب والوِلاد
عاملى أحبابـِك بـِرِقـَّة ... وِبعِـذوبَة وِبـوِداد ..
*
قومِـــــــــــــــــــــــــــــى
داانتِ للعالـَم منارَة ... للطـريق المُستـَقيم
وانتِ للظالِـم إشارة ... يـِتـِّقِـى شـَر الحَليم
والنهاردَة الثورَة فارقـَة ... والجديد غير القـَديم ..
*
قومـــــــــــــــــــــــــــــى
سَـلـِّمى نـَفـسِـك إلـينا ... نِـفـتِديكى بالحياة
واسنِـدى راسِـك عَـلينا ... وارفـَعى بـِينا الجـِباه
مِـش هـَنِـسمَح يوم بـِسِـرقـَة ... أو حَنِـسكـُت عَ الجُـناه ..
*
قومـــــــــــــــــــــــــــــى
شوفى جيشِـك ويَّـا شـَعبـِك ... والهلال وَيَّـا الصليب
كـُلـهم دايـبـين فِ حُـبـِّك ... واللى حَـبـِّك لـَم يخيب
مُـستـَحيل تِـبعِـدنا فـُرقـَة ... أو يفـَرَّقـنا الغـَريب ..
*
قومـــــــــــــــــــــــــــــى
كـُلـِّنا صابرين معاكى ... واللى يصبُر يوم ينول
أصلِـنا طالبين رِضاكى ... وابتِـسـامتِـك والقبول
اطلـُبى حَـقـِّك بـِجُـرأة ... وافرضى كـُل الحلول ..
*
قومـــــــــــــــــــــــــــــى
وافرِدى رايتِـك عَـلينا ... واحفـَظى إسم الشـَّهيد
وازرَعى أرضِك جنـيـنـَة ... واحصُديها مِن جديد
واكتِـبى عَ الليل مفارقـَة ... واحضـُنى الفـَجر الوَليد ..
*
قومـــــــــــــــــــــــــــــى
***


الجمعة 1 إبريل 2011
*
_________________

ولادِك نـَوَّروا القـَنديـل ...

***

بَحِبـِّك رَغم طول الليل

وفـَجرى اللى طِلِع مَهزوز
وبادعيلِـك تِـشِــدِّى الحِيل
وباوهِـبلِـك عيونى الجوز
*
واشيل الصبر فوق ضـَهرى
واصَبَّر قـَلبـِك المَجروح
وبادفـَع مَطلـَبـِك مَهرى
وباقـبـَل مِـنـِّك المَسموح
*
وعمرى ماقـُلت انا مِحتاج
وباسـأل إيـه بـِتِحتاجى ؟!
وجَرحى الصعب لازمُه علاج
وباهمِل جَرحى وعلاجى
*
وبازعَـل لـَو ألـَم صابـِك
واجيـبلِـك طـَقم ( كونسلتو )
يـِهَـدِّى بحُقـنـَة أعصابـِك ؛
غـَرامِـك صَعب وقـبـِلـتـُـه
*
فاتـورِة حُـب مِن دَمِّى
ومِش باسأل حَ تيجى منين
واشيل هَـمِّك وافوت هَـمِّى
وباضحَكلـِك وقـَلبى حَزين
*
وباتمَـنـَّاكى وَنـَّاسَــة
وقـَلبـِك بـِالهَـنا عَـمران
وناس بـِتقولـِّى دِى سياسَة
سياسِة إيه ؟ وانا إنسان .!!
*
ومِـترَبـِّى عَلى حُبـِّك
عَلى أرضِك ؛ على لـيلِـك
شِـبـِعت الحُب مِن قـَلبـِك
رِضِعت الشـَّهد مِن نيلِـك
*
ومَهما ادِّيكى مايكـَفـِّى
غـَرامِك وانتِ جُوَّايا
ولـَو حَاسقيكى مِن كـَفـِّى
واقـَدِّم روحى ضِـلاَّيَة
*
لِـشـَمسِك لـَمِّا يوم تِحمَى
وتِـلسَـع خـَدِّك الوَردى
تكونلِـك وقتـَها النِـسـمَة
عشان تِرتاحى وتعَـدِّى
*
سـنين الحَـر بـِالرَّاحَة
تِـحِـسِّـى الفـَرح مِن تانى
ولـَمَّـا تكونى مِرتاحَة
حَ يـِملا السَّـعد ألحانى
*
وغيرى كتير ياوَلاَّدَة
بـِيـِعشـَق رَملِك الغالى
ويرضـَى الصعب وزيادَة
ويـِعـزِف نـَفـس مَوَّالى
*
ويـِبذِل من حياتـُه ســنـين
بـِدون أغراض ، عشان خاطرِك
ولادِك يامَّا مَصريـين
بـِيـِبـنوا فى العُلا قـَصرِك
*
ويـِبـنولِـك فِ قـَلب الكون
مَكان مَأمون يلـيق بيكى
وعِـدِّى معايا كام مليون
قلوب وعيون بـِتِحميكى
*
من العادِى ، من الأوغاد
ومِن حاكِم يجور فيكِى
من الظالِم فى يوم لـَو عاد
وفـَكـَّر مَرَّة يأذيكى
*
نِوَّرِّيه الأسَى والويل
وتِـتـعَـدِّل مَوازينِـك
ولادِك نـَوَّروا القـَنديل
بـِكـُل الحب عايـزينِـك
*
تكونى للأمَل صورَة
وتِـبقى لِلعُـلا عِـنوان
تعيشى العُمر مَستورَة
وتِـبعِد عَـنـِّك الأحزان
*
ونور الفجر يبقـَى نهار
وتِـرجَع تانى أمجادِك
وتِـبقِى الرَّمز لِـلأحرار
وتِـبقِـى الحُضن لِولادِك
***


الثلاثاء 29 مارس 2011
*
____________________

يـامَـصــــــر عِـيـشـِــى ...

***


وِسـط الخـَشـَـب نـام الـوَرَق

غـَمَّـض عـيـنـيه تـَحـت الحـروف

لا الحِـلم مَـمكِـن يـِتـسَــرَق

أو حَـتـَّى كان حاسِـس بـِخـوف

والكِـلـمـَة كانِـت مِ الـقـلوب المؤمِنـَة

كان عـيد ميلاد مَـصــر الحـبـيـبَة أمِّـنا

صَـندوق كبـير بـِيلـِمِّـنا وبـِيضـُمِّـنا

أنـا قـُلت لأ ؛ يـمكِـن عـشـان ؛!

حَـسِّــيت أمان ؛

والحَـق حَـق ، وفى الـميدان ،

صوت الأدان ؛

جَـلجـِل وكان بـِيهـِزِّنا

يامَـصــر عـيـشِـى واخلـَعى توب السَّـواد

من عمرنا شوف كام سنة ضاعـوا ف حِـداد ؟!

بَـسِّ الـنـَّهاردَة ياحبـيـبتى الحُـب عاد

والفـَرحَـة عَـمِّـت فى الـبـِلاد ،

وَيَّـانا ياكـُلِّ الوِلاد

نِـفـتـَح صناديق عُـمرِنا

ونـرُدِّ كـُلِّ اللى اتـسَــرَق

نِـصــرُخ بـِأعلـَى حِـسِّــنا

تـَحـيا الإرادَة والعـَرَق

والقاضِى يـِكتِـب إســـمِنا

ناجـِــــح عَلـَى كـُلِّ الـوَرَق ...

***


السبت 19 مارس 2011
*
يوم الإستفتاء على تعديل الدستور
*
_____________________

لِـسَّــــــــــه خـايـِـف ...!

***


لـِسَّـه خايـِف ،
أصلِى شايـِف فى الضباب أشكال غـَريـبَة
كـُلـَّها مَكر وخِداع مَـدهون بـِطـيـبَة
عَ الوشوش اللى بـِتِـضحَك لِـلحَـبـيـبَة
والمُصــيـبَة ؛
إن انا ماعرَفـش أسلـِّم للأفاعِى ؛
صَعب عَ السَّـاحِر خِداعى ؛
أصلى باحلم طول زمانى
إنِّ كـُل الكون بـِتاعى ؛
وانِّ حَـقـِّى راح يعودلى
وانـِّى حَـاخدُه وبـدراعى ؛!
والدُّوسِـيه مَلـيان مَصايـِب مِ الـتـِّقـيلـَة
حَـق ناس ماتِـت قـَتـيلـَة
واللى جاعوا ألـف لِـيلـَة
واللى عاشوا بَـسِّ عانـوا ؛!
والقـلوب كانِت عَـليـلـَة
واللى غِـرقوا فى المراكِب
لـَمـَّا هِـربوا مِ القـَبـيلـَة
واللى مشيوا فى المواكِب
يهـتِـفوا ضِـد الـرَّزيلـَة
واللى تاهـِت يوم خـُطاهـُم
تـَحت أنقاض الحـقـيقـَة
واللى نازِل من بُـكاهـُم
دَمـع بـِيـوَلـَّـع حَـريقـَة
واللى كان يـِفرِق مَعاهُـم
يسـمَعوهـُم لـَو دقـيقـَة
لجل مايعيشوا بكرامَة ؛
لـَمَّـا تِـترَد السِّـريقـَة ؛!
وقـتـَها كانِـت وشوش الغـول بَـريـئة
كان بـِيـِتـبَـسِّــم ويغـمِـز لـِلمُذيعَة
كان بـِيـِلجأ لـِلخـَديعَة
أو لِحُـرَّاس الشـَّريعَة
لـَجـل يـِلقـَى جَـنب مِـنهـُم
لـِلفـساد مليون ذريعَة
والحَقايـِق فى الحَقيقـَة شـَكل تانى
واللى بايـِن مِنها دايمًا
شئ مُخالف لـِلطـَّبـيعَة
***
لِـِسَّـه خايـِف ؛
أيوَه خايـِف مِ الـدِّيابَـة
يـِنـهـَشـوا لـَحم الغـَلابَـة
يكتِـموا صوت الرَّبابَـة
يحبـِسـوا اللـَّحن اللى عايـِز
يـِتسِـمِع وَقت الكِتابَـة
والدموع ف عـنـَيـَّا بانِـت
غـَصب عن إحساسى يابَـا
وانتَ عارِف ، إنـِّى خايـِف
والكلام جـوَّايا ناشِــف
حَـتـَّى لـَو فـَكـَّرت أقولـُه
مِـش حَ تِـسعِـفـنى الشـَّفايـِف
أصلِى باكتِم جوَّا صِدرى
سِـرِّ وانتَ ماتِعرَفوش
خوفى يـِهرَب مِـنـِّى عُـمرى
والسـنـين مابـيـِرحَموش
لـَمَّا اشوف الناس بـِتـِجرى
لـَجل تِهرَب مِ الوحوش
دى الحقيقة الصح واللا ؟؛
دا الـزِّواق ، واللا الرتوش ؟!
واللا انا عايش فى حلمى ؛
وسط ناس مابـيـِحلـَموش ؟!
دَبَّـرونى يااهل مَصر الحق فـين ؟!
فـَسَّـرولِى النـُّوتـَة واللـَّحن الحَـزين
وَضـَّحولِى ياحَبايـبى الطـَّيـِّبـين ،
هوَّا انا خـَايـِف لِـوَحدِى ؟،
واللا فـيكـُم خـَوَّافـين ؟!
عَ المَعانِى الحِلوَة فِـينا
تِـخـتِـفى وِسـط المَعانِى
واللا رُبَّـان السَّـفـينـَة
يـبقـَى تايـِه فى المَوانِى
والوشوش اللى تعاديـنا
تِـترِسِم فوق وِش تانى
واللا تِـتكـَتـِّف إيـديـنا
والـسـنـين تِرجَع عَـجايـِف
لـَمَّـا تِـتخـَزَّق عِـنـينا
واعـتـِرِض لـَو كـُنت شايـِف ؛!
أيوَه عارِف مَصر حُـرَّة ؛
بَـس مين عَلى مَصر لايـِف ؟!
أيوَه قامِت فيها ثورَة
عَ الفـَساد ، عَلى كل زايـِف
بَـس خايف مِ المناورة
عَ الوِلاد ، انا لِـسَّـه خايـِف ...
***


الأربعاء / 16 مارس 2011
*
___________________

كِـلـــــمِـة حُـــب ...

***


لـَضـَمت النـُّور فِ دَلاَّيَـة ؛
وعَـلـَّقـتـُه عَلى صِـدرى
وشِـلت الحُـب جُـوَّايا ؛
وقـَعَّـدتـُه عَلى حِـجرى
سَـألتـُه : ليه تِـغيب عَـنـَّا ؟!
بـِتـِبعـِد عَـن قلوبـنا ليه ؟!
ورَدِّ الحُـب طـَمِّـنـِّى ؛
وضـَمِّ الرِّمش عَ النـِّنى ،
وقال : لـَو كـُنـتوا عايزِيـنـِّى
أكيد حَ تكونوا شايفِـينـِّى
فِ زَهرايَـة ، فِ نِـسـمايَـة ،
فِ سِـهرايَـة ، فِ ضِحكايَـة ؛
فِ هِـمسِـة طِـفل جُـوَّايـا ،
بـِيـِحلـَم يـِفـتـَح السَّـرداب ؛
ويـِشـغِـل قـَلب نِـجمايَـة ،
ويـِتمايـِل مَعَ المَـوَّال ،
ويـِسـهَـر حُـرِّ أو جَـوَّال ،
ويـِطـَّمـِّن ؛
إذا شاف النـَّهار راجـِع
يشـيل عَـنـُّه ألـَم واجـِع
ولـَمَّـا الغـَدر يـِتراجـِع ؛!
حَ تِـلقونى فِ وِسط النـَّاس
بـَاكـَدِّب كِـلمِـة الوِسواس ،
واقـَلـِّب أرضـُكـُم بـِالفاس
وتِـصبَـح بـِاللـُقا جَـنـَّة ؛
وبَاتـمَـنـَّى ؛ تـِلاغونِى
أناديـكـُم ؛ تِـلـَبـُّونى
بـِصُحبـِتكـُم تِـخـَلـُّونى ؛
أمَـل بافتـَح دِراعاتِى ،
واغـَنـِّى العِـشق بَـيَّـاتِى *،
صَـبا * ، أو رَست* ،
لـَحن جـديد ؛

والـَبـِّـس هِـدمِـتى للعِـيد ؛
عَـسَـى يفـرَح ويـِتعاجـِب ،
ويـِتمايـِل مَعَ الضـِّحكات ،
ويـِرمِى النـَّخل مِن خـِيرُه ،
بَـلـَح أمهات ،
بـِطـَعم الشـَّهد يـِحيـيكـُم ؛
يـِطـَهـَّركـُم ، ويـِشـفيكـُم ،
ويـِهديكـُم ؛ لِـسِــكـِّتكـُم ؛
ولـَحنى يـِبقـَى غِـنوِتكـُم ؛
على الأرغول ،وكِلمِتكـُم ،
لِـوجه الحقِّ، ونقولـها ؛
ومِش بـِنخاف
ولانِـعرَف سبب لِـلخوف ،
ولانِـخشـَى الصـِّوَر تِـنـشـاف
ونِـعرِضها عَلى المَـكشوف ؛
وخـَط القـُرب لـَو مَـوقـوف ؛
نِـحاوِل نِـفـتـَحو تانِى ؛
ونِـتواصِـل عَلى الإيـميل ،
وعَ المَـحمول ، وعَ الأرضِى ،
يصَـلـِّى جَـمعُـكـُم فـَرضِـى ،
ويـِتعانِـق ؛
تـُراب الأرض ، والـزَّهرَة ،
وتِـصبَـح أرضِـنا حُـرَّة ،
ونِـجمَع شـَمل إنسـانكـُم وإنسـانِى
تِـغـَنـِّى الشـِّمس ألحانكـُم وألحانِى ؛
ولانِـتـعَـب ، ولانـعانِى ،
ونِـقسِـم لـُقـمِـة المِـليار ؛
نِـغـَمِّـسـها ، بـِحَـبـِّـة مَـلح
مِن بَـحرى المُـحيط بـِيكـُم ،
ولـَمَّااغرَق ألاقـيكـُم ،
تِـمِـدولِى أياديكـُم ؛
ونِـتقابـِل ، على السـِّـكـَّة
تِـنـَوَّر قـَلبـِنا مَـكـَّة
تِـشارِكنا مَـحَـبـِّتـنا ،
ونِـتعاهِـد فِ سِـكـِّتـنا ،
ونِـقصـُد كـُلـِّنا عَـكـَّا ،
ومن حيفا ، على الجولان
نِـرُد الظلم والعدوان ،
ومِن لـِيـبـيا عَلى السودان
ومِن تونِس إلى لِـبنان
ومِـن بَـغداد ؛ وبالإيمان
نِـرُد المَـسـجـِدِ الأقصَـى
نِـحَـرَّر فـِيه كِـنـيسِـة مَـهد ،
ونِـتعاهِـد ونِـوفِى العَـهـد ،
وتِـتصادِر حواجـِزنا
ولاحاجـِز يـِعَـجـِّزنا
ونِـتعالِـج ، تِـخِف جراح ؛
قلوبنا باللـُقا تِـرتاح ،
وتِـهدَى الموجَـة عَ الإنسان ؛
وتِجمَع شـَملِنا الأوطان
ونِـحـمِد رَبـِّنا الـرَّحمـَان ؛
ونِـفـتـَح كـَلِّ باب مَـقـفول ،
وتِـتلاقـَى القلوب وعقول ؛
ونِـحمِى الصَّـح والمَـعـقول ،
ونِـرفـُض صُـحبـِةِ الـدَّلدول ،
ونِـقـفِل قـَبر خـَلاَّنا ، نِـحِس برُعب ؛
ونِـفـتـَح خـَط جـوَّانا
لِـكِـلمِـة حُـب ...
***


الإثنين / 14 مارس 2011
*
______________________

فـَتـَحت السِّـجن يا ( عادلى ) ؟!

***
فـَتـَحت السِّـجن يا ( عادلى ) ؟! ...
مِـسيرَك يوم حَ تِسـكـُن فيه
وحَقـِّى مسيرُه يـِتعادلى ...
وظـُلمَك كـُلـِّنا نِـمحيه
وشوف الفـَرق بين عَـدلى ...
وبين عَـهدَك حَ يـِعمِـل إيـه ؟!
***
أنا عَـدلى بـِحُكم الله ...
وحُكم الشعب تِـتحاكِم
وتِـحسِـب كـَبـتِـنا والآه ...
وبـِعت الشـَّعب لِـلحاكِم
وناهـِب حَـقـِّنا ويَّـاه ...
وثـَروِتـكـُم بـِتـِتراكِـم
***
وشعب يجوع ومِش لاقِـى ...
رغيف أو هِـدمَة يـِلبـِسها
وتِـقـتِـلنى بـِأخلاقِى ...
وكِـلمِة حَق تِـحبـِسها
تِـلـَخبَـط كـُلِّ أوراقِى ...
وثورِة حُب تِـوكِـسها
***
وتِـضرَب عَ الحَـبايب نار ...
وتِـبعَـت خيل تسوق فينا
تِـلـَوِّث بَـدلِـتـَك بـِالعار ...
وتِـرعِـبنا وتِـكفينا
نِـطالب كـُلـِّنا بـِالتـَّار ...
وحُـكم الشـَّرع يكفينا
***
ويـِكفينا كمان تِـفضـَح ...
رؤوس الشر والخيبة
وسِكـِّة شـَعبـِنا تِـوضـَح ...
ويعرَف يحبـِس العـيـبَة
وبـير الشـَّر لـَو يـنضـَح ...
حَ يـِسـكـُن ألف تـَخشـيـبَة
***
وكل اللى افتـَرَى لازِم ...
بـِحَق الله حَ يـِتحاسِب
وصوت الشعب لـَو حازِم ...
حَ يـِنجَح حَتـَّى لـَو راسِب
يَمين الله ؛ يَمين جازِم ...
حَ تِعبُـر مصر وتحاسِب
***
نِظام فاسِد خـَطـَف قـُوتنا ...
وضـَحضـَحنا ومَوِّتنا
وعَـلـِّم قـَطرنا يفوتنا ...
وغـَيَّـر أصل مَـنـبَـتـنا
وشـَقـلِـبنا وشـَتـِّتـنا ...
وضـَيـَّع كـُلِّ ثـَروِتـنا
***
وأمن الدولة كان دولة ...
بـِتِـحكـُم فينا وتحاكِم
تِـرَسـِّى الشر ف مقاولة ...
وتـِحمى الباطل الحاكِم
وكـُل مايخسَـر الجَـولـَة ...
يـخـَلـِّى الشعب يتلاكم
***
ويـِهتِـك عَـرض وحدِتنا ...
ويـِبنى عَ القلوب حاجـِز
ويـِجـهـِض حَـمل ثورتنا ...
ويـِلغى الحب ويحاجـِز
ويـِجعـَل حِـلم نـَهضِـتنا ...
قـُصاد غِـل القلوب عاجـِز
***
ويعـكِس غِـل جـوَّاكـُم ...
وكان لابـِد بَـقالـُه سنين
وسَـوِّسـكـُم وخـَلاَّكـُم ...
على كل الأصول دايسين
وضاع الحق وياكـُم ...
جموع الشعب مش ناسيين
***
بلاكـُم واللى كان مِنكـُم ...
وسور السِّـجن والقضبان
عَـمايـِلكـُم حَ تِـسـجـِنكـُم
وصوت الشعب بـُكرَة يـبان
ومهما تسِـدُّوا فِ ودانكم ...
حَ يوصـَلكـُم كما البُـركان
***
هِـنا بانِـت بشاير نور ...
ومصر الحب مَحروسَة
وغار الفاسِـد المَغرور ...
وعَـصر الظـُلم والكوسَـة
وكل الشر بُكرَة يغور ...
وتِـبقـَى الفـَرحَـة ملموسَة
***
ونـِبدأ عـَهد حُـر جديد ...
طـَريق الحِـلم قـُدَّامنا
ونِـلغِـى الشـَّجب والتـَّنديد ...
ويـِبقـَى الحق مَفهومنا
ونِـفرَح لـَمَّـا يـيجى العيد ...
ونِـرمِى الحُزن وهمومنا
***
ونـِتعَـلـِّم نكون قـُدَّام ...
ونِـتسابـِق على بُـكرَة
ونِـسـبَق زَحـمِة الأيَّام ...
ونِـجعَـل أمسِـنا ذِكرَى
ونِـبنى السَّـد والأهرام ...
ونِـجنى العِـلم والفِـكرَة
***
ونِـزرَع قـُطن لِـلتصدير ...
وتِـبقـَى صناعَة مصرية
ونـِبدأ حِصـِّة التـَّنوير ...
ونِعزِف لـَحن حُـرِّيـَّة
ونِـلغِى الغِـش والتـَّزوير ...
ويـِبقـَى الأمر نِـدِّيـِّة
***


البداية / الإثنين / 7 فبراير 2011
والنهاية / السبت / 12 مارس 2011
*
________________________

الخـَريف جـوَّايا ســـافِـر ...!

***


كـُنت بازعَـل مِنـِّى لـَمَّا كـُنت اخاف .!
كـُنت بارضَى الـذ ُّلِّ ، عايش عَ الكفاف
وانـزِوى فى الـرُّكن واحِـد مِ الخِـراف
واسجـِن الأيَّـام فِ قـَهرى وانكِـفى ...
***
وافـتـَح الـبـير اللى جـوَّايا واشـوف
هـوَّا انا تـَرتـيـبى إيـه بـين الألوف ?!
وابـتِـدى فى العَـدِّ : واحِـد ؛ كام خروف .!
واسأل الدُّنيا : عَـساكى تِـنصِـفى ؟!.
***
واحـنِى راسِى تـَحـت ذ ُل الخوف وانام
واخـتِـفى مِـن نـَفـسى تايـِه فى الـزِّحام
لـَجـل خـوفى هَـدَّنى وشـَـدِّ الـلـِّجام
خـَلـَّى روحى من جروحى تِـنطِـفى ...
***
وِان حاوِلـت افـتـَح عـيونى عَ الـسَّـبـيل
ألـقـَى مِـيـت مِـلـيون يـقـولوا مُـسـتـَحيل
وانـزِوى فى الـضـَّلـمَة تـانى ألـف لـيل
واحضـُن الحـِلم ف خيالى واكتِـفى ..!
***
كـُنت عاشِـق بَـس مـين يـِقـدَر يقـول ؟!
كـُنت حالِـم بَـس مِـش باعـرَف أنـول ،
كـُنت عارِف بـَس أنـصافِ الـحـلـول .!
كان فِ نِـفسى مَرَّة اوَضـَّح مَـوقِـفى ..!
***
وامَّـا باصــرُخ يـبقـَى جـوَّايا الأنـيـن
وامَّـا بافـرَح بالقـَى عِـيـنى مدَمَّـعـين
كـُنت عايـِش فِ الأسَـى تايـِه حَـزين
والسعادَة من حياتى بـتـِختِـفى ...
***
كـُنت باحـلـَم زَىِّ غِـيـرِى بـِالحَـياه
كـُنت باكـتِـم جـوَّا نـَفـسى ألـف آآه
كـُنت باغـرَق ؛ بَـس مَكـتوبلى الـنـَّجاه .!
أصل جَرحى سِـر موتى ؛ لـَو شِـفـِى ..!
***
لـَمَّـا اعـيش بـِالذ ُّلَّ تانِى ألـف موت ؛
كـُلِّ ماادفـِن عُـنـفـوانِى فى الـتـَّابوت
بَـعـد مايـكـتـِّفـنى خـيط الـعَـنـكـَبـوت ؛!ّ
ياأمانى ، كـُنـتى ليه بـِتزَيـِّفى ..؟!
***
رَغـم إنـِّى كـُنت جامِـد مِـش ضـَعـَيـف
كـُنت شاب وقـَلبى عايـِش فى الخـَريف
المُـهـِم وبَـس اكون إنـسـان شـَريف ..!
يامَـبادئ : ألف مَرحَب ؛ شـَرَّفى ..!
***
بَـس لـيـلـَة شـُفـت حِلم اخضَر جَـميل
ان انـا خـَفـِّـيـت وقـَلـبى مِـش عَـلـيـل
وان مَـركِـب دُنـيـِتى بـِيعـوم فِ نـِيـل
يامراكِب : لـِ الشواطئ جَـدَّفى ...
***
أصل شـَمـس الحُـب زادِت ألــف نـور
كـُل زَهـر الفـَرح طـارِح بـِالســـرور
وادى كـُلِّ الـشـَّعـب خـارِج مِ الـقـبـور
يامَخاوِف : خايفـَة ليه ؟؛ وِبـتـُرجـُفى ؟!
***
فـَجر طالِـع ؛! مِـش مِصَـدَّق ؛ مِـش أكـيد ؟!
رَغـم إنِّ الـصُّوم بـِيـيـجى بَـعـدُه عِـيد .!
والمعانى ، شكل تانى ؛! شئ جديد
يابـِلادى عيشى حُـرَّة وانضـَفى ...
***
وِافتـَحى فى الـزَّحـمَة لِـيـَّا ألـف بـيت
وانسِـى إنـِّى كـُنت خايـِف واختـَفيت
يابـِلادى : يالـلى انـا بـِيـكِى اهـتـَديـت
مِ السـعادَة ياللا عَـبـِّى واغـرِفى ...
***
شـَقِّ خـوفـِى الخوف وغادِر مِـن سُـكات
وانـتـَصَر صـوتى اللى هادِر عَ الـسُّـكات
والخـَريـف جـُوَّايا سافِـر ، وَلـَّى ، مات .!
لـَمَّـا شـُفـتِـك من ورودى بـتِـقطـُفى ...
***
والـرَّبـيع الوَردى فـَتـَّح فى الـمـيـدان
والـجَـمـوع الحُـرَّة كانِـت صوت أدان
والـنـّهوض مِ الكـَبوَة لازِم لـُه أوان
شـَرَّفينا ، ياللا بـينا اتشـَرَّفى ...
***
والـفـَسـاد عارِف طـَريـقـُه لـِلهـُروب
’’ حُـسـنى ‘‘ واحِـد بَـس كان عامِل ’’ جروب ‘‘
يـحـكـموا عَ الـشـَّعـب كـُلـُّه بـِالـغـروب
وانتِ مِـنهـُم كـُنـتى بَـرضو بـتِـنزِفى ...
***
يالـلا غاروا ؛! بَـسِّ لازِمـهـُم حِـساب
لـَجل غاروا عَ الـوِلاد زَىِّ الـكِـلاب
والـلى ضـاعـوا مِـنـِّنا أغـلـَى الـشـَّباب
إوعِى يامَّـا بـحَد مِـنهـُم تِـرأ ُفى ...
***
دا القِـصاص مَـطـلوب ولازِم نِـرضَى بـيه
والـلى يـِحـكـُم حُـكـم عادِل حَ يـلاقـيه
والـلى يـِظـلـِم ظـُلـمُه يوم حَ يـرُد لِـيه
قولِى كِـلمَة نِـرضـَى بـيها ، واحلِـفى ...
***
ياشـَباب الـنـِّيل تـَحِـيَّـة والـزهور
ثـَورِة الـيـوم الأبـِّيَـة ؛ والـعـبـور
مِ الـعـلامات الـبَـهـِيَّـة فى الـعـصور
بـِيها كل الـدُّنـيا بـينا بـتِـحتِـفى ..
***
بَـعـد نـَصرِتـنا الـقـَوِيَّـة عَ الـوحوش
نِـهـدِى مِـيـت مِـلـيـون تـَحِـيَّـة لِـلجـِيـوش
والـسِّـنـيـن الـِحلـوَة جَـايَّـة ماتخـافـوش
مُسـتـَحيل الحَـق تانى يـِختِـفى ...
***
وَعـد مِـنـِّى مِ الـنـَّهاردَة مِـش حَ اخاف
مُـسـتـَحـيـل اتـعـَدِّ تـانِـى مِ الخِــراف
بَـعـد مالِـبـسِـت بـِلادى تـوب زِفـاف
ياللا يادُنـيانا غـَنـِّى واعـزِفى ...
***


الخميس 3 مارس 2011
*
_____________________

دروس فى الثـورَة ...!

***

بـِتِـبنى الثورَة كام طوبَة ؛...
وكام طوبَة يـِهـِدُّوها
ويـِمشـوا فوق جـِبال الخوف ؛...
خـُطـَى مشاوير يرُدُّوها
وتِعزِف آه جـِراح النـَّاى ؛...
وفى المَـوَّال يغـَنـُّوها
وتِرقـُص دَمعِـتى عَ العود ؛...
ولـِمَّا تعود يخـَلـُّوها
تِـبان معقودة فِ جبـينى ؛...
مُحِبـّيِنى يصُـبُّوها
وتِفضـَل جَرح فوق الليل ؛...
وجَنب النيل يحُطـُّوها
يقوم يرفـُسها ألف شراع ؛...
ومَركِب ضاع بـِيـِنسوها
وتِعلا الموجَة فوق شـَطـِّى ؛...
ومِن بَختى يرُصُّوها
على أمواج بـِتِـتراكِم ؛...
وكام حاكِم يحاكموها
وحُكم اليأس مِش عازِر ؛...
سنين فى الذُّل عِشتوها
وصبرى لبُكرَة مِش قادِر ؛...
وميت فاجـِر يزُقـُّوها
ومُخلِص قال كلام مَعقول ؛...
وألف رسول بـِيـِتلوها
ويـِخلـِف كِلمـِتـُه ويعود ؛...
يقول مَعلِشِّ عَدُّوها
نِعَدِّيها عشان خايفـين ؛...
من اللايمين يـِضـُرُّوها
ونِرجَع تانى نِـتخـَلـِّف ؛...
ونِرجَع تانى لِـ التـُّوهَـة
وقـَلب الأم نـِفـسُـه يعيش ؛...
بـِوِحـدِتكـُم هـَتِـحيوها
بلاش نِطمَع ونِـتخانِق ؛...
بلاش بالشـَرِّ تِـبلوها
بلاش نِقتِل فِ بَـعضيـنا ؛...
بلاش الهَـدم وابنـوها
بلاش فى الزَّحمَة نِـتسابـِق ؛...
بلاش بـِسهامكوا تِرموها
وقـُدَّامنا البلاوى كتير ؛...
بلاش فى العَـد تِـنسوها
وتِـنسوا الأصل والعِنوان ؛...
وإيد الخير تِـعَـضـُّوها
إذا اتمَـدِّت أمَل وَنـَّاس ؛...
أصول الناس يساعدوها
عشان بُـكرَة يعود بـِالنـُّور ؛...
ومَوكِب حور يـِزِّفـوها
ولـَو مَرَّة تقول الآآه ؛...
بـِكـُلِّ الغالى يـِفدوها
وتِـرجَع تانى ضِحكِتـها ؛...
بـِصوت أحباب يـِقـَوُّوها
وتِـزرَع فى السَّـما أنوار ؛...
بـِإيد ثِـوَّار؛ و يـِهدوها
بـِكـُلِّ الحُب لـِلأحرار ؛...
دروس فى الثورَة يـِقروها
***


الأربعاء / 2 مارس 2011
*
______________________

بَـاعـيش فى الحِـلم ...!

***

أنا مِن كـُتر أحلامى ،
باعيش فى الحِـلم
وباعشـَق صَـبر أيَّـامى ،
وِطـَعم السِّـلم
وبارسِـم صورَة للحاضِر ،
ولِـلماضى ، ولِـلأيَّـام
وباكتِـب عَ السنين " حاضِـر "
ومِش راضِى ، سِوَى الأحلام
عَشان الحِـلم مِـترَتـِّب ،
ومـترَكـِّب ،
عَلـَى حِـلمِـى ، عَـلـَى أمَـلى ،
عَـلـَى كـُلِّ اللى فِ دماغِـى
ولـَو حَ انساه فِ يوم يـِمكِـن
يحاكِـمنى ، ويـِهـزمنى
يحَـطـَّمنى ، يجيـب داغِـى
ويسبَقنى عَلـَى قـَبرى ،
ويـِدفِـن ذِكريات عُـمرى ،
ويجـرَح صورِة الأفراح ،
ويطرَح مُـرِّ فوق شـَجَرى ؛
ولـَو فـَجرى طِلِـع ، يلغِـيه ؛!
ويكتِب فيه ،
قـَصيدِة عِـشق للمَجهول ،
وبين العقل والمعقول ،
تكون توهَة ف طريق مأهول
ويـِقـفِل باب شـُعاع الشـَّمس فى المَـوَّال ،
ويفتـَح سِـكـِّة الأهوال ،
وتصبَح بِسمِتى زِلزال ،
واعيش تايه ، ومِش رَحَّـال ،
ويـِشغِـل مُهجـِتى بالآآه ،
يـهـِدِّ الحِـلم مِن جـوَّاه ،
يـبَعـتـَرنى فِ أرض الله ،
والـَملـِم نـَفسِى مالقاشـِى ،
سِـوَى أشلاء ،
تِـتوه واحِـد ورا التانى ،
يعيش واحِـد ، تموت أجزاء
ويـنشـَف ضِـرع حَـدُّوتـَة ومَنسِـيـَّة ،
وبين ساقيَة وبين توتـَة وبين غِـيـَّة ،
تِبان الضـِّحكـَة مَـنحوتـَة ومَلغـِيَّـة ،
ويخرُج سَهم مِن يأسى ، يعود لِـيَّا ،
ويـِدفِن جـوَّا أرضِى البور ،
شعور يجـرَح بـِألف شعور ،
وسيف الضـَّلمَة يلغِى النور ،
ويـِكفى القِـدرَة عَ المَـستور ،
وينشـُر فى الفضا متاريس ،
تـِحَـوِّل حِلمِنا كوابيس ،
وتِـقفـِل قـَلبـِنا تـَرابـيـس ،
وتِمنـَعنا ؛
نقابـِل بَـعض فى الأحلام ،
ويـِبقـَى الحُب ليه ؟؛ وبكام ؟!
وتِغرَق فى الأسَـى الأيَّـام
تِـمُر سنين عَلى التوهَة
وقِصـِّة حِلم مَشبوهـَة
ووقت الناس ماينسوها
حَ تِـتعَـب ، تِـترِمى وتـنام
وتِـتـبَدِّل معانى الشـَّك جوَّايا
وتـتـعَـدِّل حروف السَّـرد فِ حكاية
يـسَـلـِّم شـَرِّنا الرَّايَـة ،
ويملا الحُب أيَّـامى
وتِـرجَع كـُل أحلامى
واعيش فى الحِـلم ...!
***


الخميس / 24 فبراير 2011
*
_________________________

يامسـؤلـين عَـن حَـقـِّنا ...

***

هَاحكى الحِكايَة كـُلـَّها ؛... وانتوا بصراحَة تِحكموا
لـَو حَـد شـايف زَيَّـها ؛... ياريت ياناس تِـتكَلـِّموا
والثورَة جايَّة ف وَقـتـَها ؛... إصحوا عَـشان تِـتقـَدِّموا
***
مُستـَشـفـَى شـَعبى وِسط ناس ؛... غـَلبانـَة عايشـَة عَ الكـَفاف
مِش لاقيَة تاكـُل فى الأساس ؛... يمكِن بـِتاكـُل عـيش وحاف
ومديرها طاح فيهُم وداس ؛... كان المَثـَل فى الإنحراف
***
وموظـَّفين مالهُم عَدَد ؛... والمَظـلومين مِـنهـُم كـُتار
ومديرها واخِد ع الهَدَد ؛... لامِـم شِـوَيَّة مِ التـَّتار
بـِيضَيَّعوا خير البَـلـَد ؛... ويقـَسـِّموا وَيَّـا الكـُبار
***
صَندوق كِلـَى مَنهوبَة فيه ؛... أموال كِـتير ومتـَلـتِـلـَة
أمَّا المَكـَن بايـِن عَـليه ؛... بايـِظ وعامِل مُشـكِلـَة
وان قـُلنا ياناس صَلـَّحوه ؛... مايـنوبنا غـير البَهدَلـَة
***
تـَشطيب حضور واللا انصِراف ؛. واخبَط دِماغـَك فى الحيطان
والشاكى لازم يـِقـرِفـوه ؛... ويعَـلـِّموه مَعـنـَى الهـَوان
ويقـَطـَّعوه ويعَـلـَّقـوه ؛... زَىِّ الدِّبـيحَة فى الميدان
***
خـَصم المُـرَتـَّب والجـِزا ؛... قـَطع الحَوافِـز كـُلـَّها
واللى يقول ماذا وإذا ؛... يـِتقالـُّه لازِم وانـتـَهَى
والحَق عايـِز مُعجـِزَة ؛... تِلغِى الشرور من جـِدرَها
***
بـِتفوت سَنة مِن غير فلوس ؛... يمكِن تزيد شـَهرين كـَمان
واللاَّيحَة ضايعَة والنصوص ؛... عَكس اللى حاصِل واللى كان
وعصابَة مِن حَبـِّة لصوص ؛... تِـنهَـب فلوس المَهـرَجان
***
رَيِّـسها شاطِر فى الطقوس ؛... قاعِـد وماسِـك صَولـَجان
فى السِّـرقـَة مِـدِّيهُـم دروس ؛... ومقـَفـِّلـين كـُلِّ البـيـبان
أما احنا فى الآخِر نلوص ؛... ونطـَقِّ وِنـدوق الهـَوان
***
والوِحدَة يـِبلوها بمُدير ؛... دَلدول مايفهَـم فى الكِلـَى
زَىِّ اللى نايم أو ضـَرير ؛... مَربوط بـِحَـبل وسِـلسِـلـَة
خـَدَّام لِـمَولانا الأمير ؛... وعصابَـة لِـيه مِتـشـَكـِّلـَة
***
والناس ياناس مِـتأخـَّرَة ؛... وتموت مَعاهـُم كـُلِّ يوم
مُـسـتـَشـفـَى آخِـر مَسـخـَرَة ؛... والـشـَّر زايـِد والهموم
والمَـيَّـة مِش مِتفـَلـتـَرَة ؛... والناس تِقـَطـَّع فى الهدوم
***
مِ الهَرش مين يعرَف ينام ؟ ؛... أصل السموم زَىِّ الجَرَب .!
أصرخ واقول ظـُلم وحرام ؛... وِحدِتـنا بُكرَة حَ تِنخـَرَب
آخر ماباتعَـب مِ الكلام ؛... ماالقاش طريق غـير الهَـرَب
***
وابعِـد ومِن كـُتر الهموم ؛... تِعبـِت ياناس نـَفـسِـيـِّتى
واكتِـب قـَصيدَة كـُلِّ يوم ؛... تِوصِف حِكايتى وقِـصـِّتى
مِن كـُتر مااتوَجـِّهـلِـى لوم ؛... أصبَحت كارِه دُنـيـِتى
***
وحكايَة تانيَة مِن زمان ؛... مِصعَد صَرَف مليون جنيه
أوضتين سويسى بـِالدِّهان ؛... ضاعِت كمان مليون جنيه
وان كـُنت واخِد عَ الرِّهان ؛... راهِـن بكام مليون جنيه
***
حَبـِّة خـَشـَب كـَسر البـيـبان ؛... تـَعريشـَة تِـتكـَلـِّف ألوف
ورخام مِكـَسَّـر عَ الحيطان ؛... والسِّـعر يـِعلا فى الكِـشوف
وأدارَة بـِتسَـجِّل كـَمان ؛... كـَشف احتياطِىِ للظروف
***
وِحدِة كِـلـَى ، حَـبـِّة بَـلاط ؛... تِصرِف ملايـين وَحدَها
والأصل فيها خـُد وهات ؛... وهدِيـَّة تيجى ف وقـتـَها
وحكايَة مِن وِسط حكايات ؛... دايماً بَـاعَـبَّـر عَـنـَّها
***
تـَرقـَيَّة تِـتأخـَّر سـنين ؛... وبنـَفـسى رُحت وجـِبتـَها
قـَدِّمـتـَها رَغـم الرُّوتين ؛... واتـقالـِّى أصلـَك سِـبتـَها
والحَق ضايـِع مِن سنين ؛... والناس بـِتِـلعَـن بَـخـتـَها
***
يامسؤلـين عَـن حَـقـِّنا ؛... هاتوا الدَّفاتِـر تِـنقـَرا
شوفوا اللى ضايع مِنـِّنا ؛... شوفوا العذاب والمَسخـَرَة
لـَو تِـنصِفونا كـُلـِّنا ؛... حَ تكونوا فِـعلاً مَـفخـَرَة
***
لِـلمَظلومين والمَطحونين ؛... والصِّحَّة نِـرفـَع شـَأنـَها
نِـنصِف ألوف العَـيَّـانـين ؛... مِن ناس بـِتِـسرَق حَقـَّها
نِـلغِـى الفـَساد والمُـفسدين ؛... والـثورَة تِـبقـَى ف وَقـتـَها
***


الجمعة / 18 فبراير 2011
*
_____________________

ياشـَمس بُـكرَة قـَرَّبـِى ...

***


حَ يفيد بإيه ؟! تِفضـَل تِـأجـِّل فى الرَّحيل ؛
حِ يفيد بإيه ؟! فِـكرَك حَ نِسكـُت ؟ مُستـَحيل .!
مِستـَنـِّى إيه ؟! رايد تِـسـَـلـِّمنا لـدَخيل ،
لأ يامُبارَك والنبى ؛
دا الشـَّعب ثابـِت كـَالنـَّخـيل ..!
***
حَ يفيد بإيه ، تِـفضـَل تقول مااعـرَفش أنا ؟!
والحَـقِّ بايـِن لِـلعـقول المؤمِنـَة
عَـذِّبـتِـنا وبَهـدِلـتِـنا من كام سَـنـَة
والشـَّعب فاهِـم مِـش غـَبى ؛
والـثـَّورَة قـُدَّامَك دَلـيل ..!
***
فـَتـَّح عـينـيك ، سَـلـِّم وبـِأديك الـسِّـلاح
وارفـَع إيـديك ، يـِمكِـن نِـفـَكـَّر فى السَّـماح
كل اللى ليك ، تـِرجَع وتِـندَم عَ اللى راح
مِن غـير تـَدَخـُّل أجنـَبى ؛
مِن غير وساطـَة أو عَميل ..!
***
لـَو كل سارِق مِـنـِّنا رَجَّع لِـنا
نِـقـدَر نِـسـامِح كـُلـِّنا مِن قـَلـبـِنا
والجـيـش معانا والحدود مِتأمَّـنـَة
والحـَقِّ دينى ، ومَذهـَبى ؛
حُـرِّيـَّة ، مِش عايز بَديل ..!
***
خِلصِت خـَلاص والشـَّعب عارِف سِـكـِّتـُه
رايـِد خـَلاص ؛ عَ الظـُلم إيه حَ يسَـكـِّتـُه ؟!
إلاَّ الخـَلاص م الماضِى كـُلـُّه بـرُمِّـتـُه
ياشـَمس بُـكرَة قـَرَّبى ؛
بالحب للشـَّعب الأصيل ..!
***


الثلاثاء / 8 فبراير 2011
*
_____________________

الثـورَة لازِم تِكتـَمَل ...

***


غـَنـَّى الشهيد غِنوِة أمَل
والشعب رَدِّد غِـنوِتـُه
والثورَة لازِم تِكتـَمَل
لازِم تِحَـقـق رَغـبـِتـُه
الله مَعاكـُم ياشباب
الله مَعاكـُم
إنتوا اللى طايلـين السحاب
واحـنا وَراكـُم
فاتحـين قـلوبـنا للأمَل
والثورَة لازِم تِكتـَمَل
***
غـَنـَّى الشهيد غِـنوِة صمود
والحُـب جابُـو
شايل عَلى كفوفـُه الورود
والغـَدر صابُـو
والعَـدل لازِم ياشباب
يـِبلـُغ نِصابُـو
والحلم حاصِل مِش سراب
والكون رحابُـو
نِـرفـَع بَـلـَدنا بـِالعَـمَل
والثورَة لازِم تِكتـَمَل
***
ياكـُل تايه فى الطريق
ارجَع لِـناسَك
أو مِـد إيـدَك للصديق
مَصرَك أساسَـك
شارِك ، ياتِـبعِـد عَـنـِّنا
رَأى الجَبان مايهـِمِّـنا
واللى جَـمَعـنا كـُلـِّنا
مَصر الحَـبـيـبَة أمِّـنا
مَصر العُـلا ، مَصر الأمَل
والثورَة لازِم تِكتـَمَل
***


الأحد / 6 فبراير 2011 *
_____________________

يـاشـَعـب حـاسِـب ...!

***

اطلـَع يا ( حُـسـنى ) قول لِـنا :
سامحوا ، نسامحك ..!
أصل انتَ مَصرى زَيـِّنا
حَـتـَّى ف مَلامحَـك ..!
بَـس انتَ ناهِب حَـقـِّنا
وازَّاى نِـصالحَـك ..؟!
***
كـُنت انتَ واكـِل
والجَـميع مِـش لاقِى لـُقمَة
كـُنت انتَ لابـِس
والجَـميع مِـش لاقى هِـدمَة
طول ماانتَ شايـِف
مِـش مُـهـِم الباقِى يـِعـمَى ..!
***
كـُنت انتَ واخِـد رِزقِـنا
مِـدِّيه لِـناسَـك
وان يوم فـَتـَحنا بُـقـِّنا
تِـنزِل بـِفاسَـك
طول السنين بـِتهـِدِّنا
وتـقـيم أساسـَك ..!
***
بَـس المِـسامِح رَبـِّنا
لـَو كـُنت عايـِز
رَجَّـع حـقوقـنا كـُلـِّنا
يـِمكِـن وجايـِز ..!
نِـصفـَح ونِـفـتـَح قـَلبـِنا
وانتَ اللى فايـِز
***
هات اللى كـُنت مهـَرَّبُـه
رَيَّـح ضـَميرَك
فوق المَلايكـَة بيـِحـسِـبوا
والموت مَصـيرَك
وازَّاى تدوم لـَك ؟ ،
عُـمرَها دامِـت لِـغـيرَك ؟!
***
نـَفـَّض جـيوبَـك م الرَّصيد
إنتَ ورجالـَك
وابدأ معانا مِن جـِديد
قِـصـِّة نِـضالـَك ..!
دا الفـَجـر هالِـل مِـن بَـعيد
وبـإيـد عِـيالـَك
***
الله عَـليكـُم ياشـَباب
مَـصر العَـظيمَة
أحلِـف بـِرَبى والكتاب
إنـتـُم غـَنـيمَـة
وانتوا اللى فـُزتوا واللى خاب
( شـَمـشـون ورِيـما ) ...
***
ياخـَلق فـوقوا وافهـَموا
أصل الحِـكايَة
لـَمَّـا النهاردَة تسَـلـِّموا
تِـبقـَى النـِّهايَة
والحَـق نِـبقـَى بنِـعـدموا
وتكون بـِدايَة
***
لِـلظـُّلم تانِى مِن جـِديد
وِلكـُل غاصِـب
يـيجـِى القـُرَيـِّب والبَـعيد
ياخدوا المَناصِب
حاسِـب عَـلـَى الفـَجر الوَليد
ياشـَعب حاسِـب ...!
***

السبت / 5 فبراير 2011
*
______________________

أنـا .. ثــَــــورَة...!

***


مِـحَيَّـرنى ،
غـَرامِك ياامَّـا حَـيَّـرنى
وخايف من بحور الدم
لِولادِك تِغـَيَّـرنى
وبَاهتِف وِسط كـُلَّ الناس
ومين فيهُـم يـِعَـبَّـرنى ؟
بلاش نِـقتِل فِ بَـعضينا
بَلاش فى الشـِّدَّة تِـخسَـرنِى
بلاش تِكسَـر مَجاديفى
وتِـكتِمنى وتِقـهَـرنى
ولـَمَّـا افتـَح دِراعاتِـى
حرام تِـبـعِـد وتِهجـُرنى
أنا ثورَة عشان أمَّـة
أصول الأمَّـة تِـنصُرنى
وساعِة ماشـتِـكِى مِ الآه
وكـُتر الحُـزن يـِعـصُـرنِى
أشوف إيدَك بـِتِـسـنِـدنِى
تِـلِـم الكـَسر ، تِـجبُـرنى
وتِـعرَف ليه أنا بابكِى ؟!
تِـشوف الـدَّمع ، تِـعـذ ُرنى
وتِـهتِـف زَيـَّـى بـِالـوِحدَة
وبـِهـتافـَك تِـكـَبَّـرنى
ونِـتكـَتـِّل عـَلـَى الظالِـم
ولـَو يـِقـتِـلنى تِـقـبـُرنى
وتِـرفِـع رايَـة مِـن بَعدِى
تِـجيب نـَصرى ، تِـحَـرَّرنى
مِنِ اسـتِعباد وطال عَـهـدُه
ولـُه أنـياب بـِتِـجـزُرنى
ولـُه أذناب حَ نِـقطـَعها
وبَعد النـَّصر تِـأمُـرنى
أطيع أمرَك والـَبِّـيلـَك
ولـَو فى الجُـب تِـأسِـرنى
وتِـعبـُر أمِّـنا الأزمَة
وكـُلِّ الخـَلق تِـنظـُرنى
وتِـعرَف إن انا مَـصرى
وأعـدائى تِـقـَدَّرنى
وتِـسمَـع كِـلمِـتى الحُـرَّة
ومِ الغاصِـب تِـطـَهَّـرنى
***


الجمعة / 4 فبراير 2011
*
_________________________

قـَضـِــــيِّـة حَــــق ...

***


جموع الشعب بـِتسابـِق
وبـِتراهِن على كـَسبان ،
وبَعض الشعب بـِينافِق
ويرضـَى الذُّل والحِرمان ،
نِظام فاجـِر بـِيـِحرَقهم
ويـِنكِر لـَو ظـَهَـر دُخـَّان ،
وخوفِى عَ البَلـَد تِـخرَب
ويسكـُن عِـشـَّها الغِربان ،
وتِـبقـَى الثورَة والهوجَـة
مُـجَـرَّد ( زَوبَـعَـة ف فِـنجان ) ...!
***
( ورِزق الهـِبل عَ المَجنون ) ..!
وناس تِصطاد عَذاب شـَعبى ،
وناس تِـلعَـب على المَـضمون
وناس بـِتعانى وتخـَبـِّى ،
وناس تِـتعَـب ومَـهما يكون
تقول الحَق وتلـَبـِّى ،
وِحُـبـِّى لمصر حُـب جنون
وكِلمَـة باقولها مِن قـَلبى ،
هَـحارِب أىِّ حَـدِّ يخون
ولا حَ اترُك فِ يوم دَربـِى ...
***
ولا حَاقبَـل فِ يوم تـَرويض
لِـدينى أو لأخلاقِـى
ولا حَ اسمَـح يعانى مَريض
عَشان غـَلبان ومِش لاقى ،
وطالِـب شئ وبـِالتحديد
مِـجَـهـِّز كل أوراقى
ولاعُمرى باخاف تـَهديد
وبَاهـزِم كـُل أعدائى
وراضى الصَّـح والتجديد
وخير مَوفور لأبنائى
وحَ اخـُد حَـقـِّى والتعويض
مِـنِ الظالِم ومِـش باقى
سِوَى لـَحظـَة ويـيجى العيد
ويجمَع كـُل أشلائى
***


الأربعاء / 2 فبراير 2011
*
_________________________

بـَلاش الخـَـلط فى الأوراق ...!

***

وبان الخـَلط فى الأوراق ،
وبان الشر مِن أصلـُه ،
وغـُمِّـيضـَة وزيف وريـاء ،
وطـَبلـَة وحَـدِّ يـِرقـُصلـُه ،
وصاحِى الشـَّعب مِـش نايم ،
وكان فى الماضِى هَـيَّـصلـُه ،
وقاصِد خـير ،
وعايز مَركِـبـُه تِعـبُـر ،
وسَـلـِّم دَقنـُه وبإيدُه ،
وسَـلـِّم قـَلبُـه للمَـكتوب ،
ولـَكِن بَـعد ماسَـلـِّم ،
خِـسِر أمنـُه وعاش مَـرعوب ،
ولـَو يفتـَح فِ يوم بـُقـُّه ،
حِسابُـه يـبقـَى بـِالمَـركوب ،
وحَـسِّ الشـَّعب بالخيـبَـة ،
وبـِالوَكسَـة وبات مَغلوب ،
سنـين فاتِـت وبانت ناس ،
كتير فى الكادر والصورَة ،
وعِـليـِت فوق كِتاف النـَّاس ،
بـِزيف الفـَن والكورَة ،
ولـَمَّـا الناس فِ يوم تِـنداس ،
تـثور عَ الذ ُّل ؛ مَعذورَة ،
وحاولوا يـِخمِـدوا الثورَة ،
وجابوا عصابَة مأجورَة ،
تِـبـِث الرُّعب وِسط الناس ،
وتِسرَق مَـجد أجدادى ،
وتِسرَق ثـَروِة الصَّـابرين ،
وتِـلهـِى الشـَّعب بـِالسِّـكين ،
وتِـبقـَى الثورَة نـَهب ودين ،
وبَـسِّ الشـَّعب كان واعِى ،
وواخِد بالـُه مِ الحاصِل ،
يصون الحَـق ويراعِى ،
وحالِف بَـرضوا حَ يواصِل ،
وهِـربوا كتير مِنِ الخايـنـين ،
ولـَكِن لِـسَّـه باقى كتير ،
وبـِتنا كـُلـِّنا صاحيـين ،
وشـُفـنا الحَـل فى التـَّغـيـير ،
نِظام فاسِد وبات مَرعوب ،
وشاطِر بَـسِّ مِـش مَوهوب ،
وراكِب بَـغـلـَة بـِالمَقلوب ،
ويهرَب فين ؟ ، مَـعادشِ هروب ،
ولازِم يـِحـصَل المَكتوب ،
ويتحاكِم رؤوس الـشـر ،
ويـِتلاقـَى الكلام الحـُر ،
كـَلام حَـصرِى ، يكون مَصرى ،
يصون مَصرى ، يجـيب نـَصرى ،
ونـِبدأ تانِى م الأوِّل ،
وتِـتشابـِك أياديـنا ،
وتِـتقابـِل مَعانـينا ،
ونـِظهـَر تانى فِ الصـُّورَة
بـِكِـلمِة حَـق مَـنصورَة ،
ومِش مِحتاجَة أى زواق ،
بلاش الخـَلطِ فِ الأوراق ...!
***


الإثنين / 31 يناير 2011
*
_______________________

رِجــــــال الجـِيـش ...

***


رجال الجيش ؛ حَـبايـِبـنا ،
طِـلِـعتوا بـجَـدِّ أغـلـَى رجال ،
بـِحُب كبير محاوطـِينـَّا ،
معاونـِينـَّا عَـلـَى الأهوال ،
ولـَجل الحَـقِّ سـايـبـينـَّا ،
نقول كِلمِـتنا بـِاستِـرسال ،
وثـَروِتـنا بـِتِـحموها ،
مِـنِ السِّـرقـَة ، مِـنِ الأندال ،
ومِـن فاسِـد بـِيـِنهَـبها
ويـِكنِـز فِ الدَّهَـب والمال
ويـِفـتـَح سِـكـِّةِ الباطِـل
ويـِقـفِـل سِـكـِّةِ الأبطال
كلامِى كتير ومايكـَفـِّى ،
أقول فـيكـُم مِـتـين مَـوَّال
***
حَـرامى اندَسِّ وِسطينا ،
عشان يسرَق دَهَب وفلوس ،
ورَغم انِّ الخـَشـَب أبيـَض ،
بـِيـِنخـُر بَـرضوا فـيه السوس ،
ووِسط الزَّحمَـة بـِنقابـِل ،
كِـتير أشراف ، وحَـبـَّة لصوص ،
وفاكرينـَّا بـِنِـتظاهِـر ،
حِـجارَة أو بَـشـَر مَرصوص ،
مَنـَعناهُـم مِنِ السـِّرقـَة ،
وقـُلـنا الكِلـمَـة بـِالمَـحسوس ،
لـَقـينا الجيش بـِيـِحمـينا ،
ويـِمنـَع سِـرقِـة المَـخصوص
ويـحرُس مَـجد أجدادى ،
وهـوَّ الحَـىِّ والمَـلموس
***
وكـُلِّ الشـَّعب بـينادِى
فِـداكى العُمر يابلادى
تعيشى مَـصـرِنا حرة
لأولادى وأحفادى
وتـِتـباهِـى على الأزمان
ويـِرجَـع مَـجد أجدادى
وتِـنسِـى المُـرِّ والأحزان
وتِـفـرَح تانى أعيادى
ونِـزرع ورد فى البُـستان
ونِـبدُر حُـب فى الوادى
ويـِبعِـد عَـنـِّك العِـدوان
وِلـَو جالِـك فِ يوم عادى
يـِدوق الـذ ُّل وِالحِِـرمان
ويـِعرَف سِـرِّ أمجادى
***


السبت / 29 يناير 2011
*
___________________

ومِـن حَـقـَّــــك ...!

***


أنا شـُفتـُه وانا مَـقهور ،
بـِيـِضرَب إبنـِّى بالجَّـزمَة
وفى فـَقـرَة مِنِ الدستور :
بـِمَـنعِ العُـنف فى الأزمة
كلام مَكتوب صحيح لـَكِن
مَعَ الأوباش مالوش لـَزمة
وبـِنـطـَبَّـق أصولِ الغاب ،
بـِنود الغـَدر بالأحباب ،
تِعافِـر تِـنقِـطِع راسَـك ،
تِطاطيلِى حَ نِـبقـَى اصحاب ،
ومن حَقـَّك صَحيح تاكـُل ،
ولو مالقِـتـشِ ؛ سِــفِّ تراب ،
ومِن حَقـَّك كمان تِـلبـِس ،
وتِـحلـَم والأمَـل كـَدَّاب ،
ومِن حَقـَّك تكون عالـِم ،
ونِـرفـَع سِـعر كـُل كتاب ،
ومِن حَقـَّك تكون دكتور ،
وتِـغرِز فى المَـريض أنياب ،
ومِن حَقـَّك تِـقول رَأيَـك ،
ومِن حَـقـِّى أقول إرهـاب ،
ومِن حَقـَّك تِـقابـِلنى ،
ومِن حَقـِّى أسِـدِّ الباب ،
ومِن حَـقـَّك تِـحاوِرنِـى ،
وبَـس بخوف .!، بألف حساب ..!،
ومِـن حَقـِّى أسوق فـيكـُم ،
واقول عَـنكـُم هَـمَج وِكلاب ،
شـَباب مَـقهور وبـِيعانِـى
ويصـرُخ فين حقوقى ياناس ،
ولاة الأمر مانعانى
أعَـبَّـر عَن مَـرار الكاس ،
ولا انطـَق كِلمَـة بـِلسانِى ،
ولا اكتِـب كِلمَـة فى الكـُرَّاس ،
وصوت الشـَّر بـِيلـَعلـَع
وصوت الخير هِنا بيـِنداس ،
وأرضى الحُـرَّة تِـتشـَقـَّق
ومِش بَاقـدَر أشيل الفاس ،
حُـماة الشـَّعب جايـبـينهُـم ،
يكونوا لِـلظـَلام حُـرَّاس ،
ولـَكِن رَبـِّنا يـقـدَر ،
يخـَلـِّى الجيش أمَل لِـلناس ،
ونِـقـدَر نِـعبُـر الأزمَـة ،
ونِـقـدَر نِـغلِـب الخـَنـَّاس ...
***


الجمعة / 28 يناير 2011
*
____________________
 
حَـرام الأرض تِـتقـَسِّــم...!

***


وعهد الله أنا مصرى باحب الأرض
وصـُنت العَـهد من صُـغـرِى وصُـنت العـَرض
وباتحَـمِّـل سـنـين قـَهرى واصَلـِّى الفـَرض
***
وبادعى رَبـِّنا يـِســتـُر وبَاقرا الوِرد
وبازرَع فوق جَـبـَل خوفى بذور الوَرد
أمَل بابـنـيه فِ ليل حِلمى حَـرام يـِتهَـد
***
واقول يمكن فِ يوم بُكرَة حَ يطلع نور
واعيش مرتاح خِلال يومى وابات مَستور
والاقى اللـُّقمَـة تِـكفيـنى واعَـدَّى السور
***
لِـبَـسـمِـة فجر مَجروحَـة وحِـلم سـنين
بـِصَرخة صَمت مَـبـحـوحَة مِـن المِـسـكين
وسِـرقِـة أرض مَـسـموحَة ، وبـِالسِّـكـِّين
***
نِـفوت الحزن ونـبَـدِّل سَـواد الليل
نِـكـَبـَّر تانِـى ونهَـلـِّـل بـِنور قنديل
نـِصَحِّـى الحُب ونكـَمِّل غـُنا عَ النيل
***
ووسط الـزَّحمَـة كام واحد وحالهُـم حال
شـَباب عَ الجَـدِّ كان واخِـد وكان شـَـغـَّال
وِخـَضـَّر رَملِـة الصَّـحْرا وشاف أهوال
***
وبَـعد الحِلـم ما اتحَـقـَق بـِقـَهـر وديـن
حُـماةِ الشـَّر هَـدُّوهُـم فِ غـَمضِِـة عين
وباعوا الأرض من تانـِى لناس تانيـين
***
ويـِشكوا لمين ؟ ؛ ومِ الباطِل حَـكـَم مَسـؤول ؟!
دِراع الحَـق مِش طايـِل وبات مَـشـلول
نهاية قِـصَّـة مَـعـروفـَة ؛ يَـمامَة وغـول ..!
***
لصوص الأرض مَصـُّوها ، وتـَعـلـَب فات
ونـَفـس القِـصـَّة تِـتكـَرَّر سَـبَع مَـرَّات
ويـيجى البَـنك ويطالِـب ، يقولـَّـك : هات ...!
***
ولاد الناس بـِتـِتـبَـهدِل عَشـان أخيار
يخافوا الشـَّر يسحَـبهُـم ، يروحوا النار
ولاة الأمر باعوهُـم ، لناس تـُجَّـار
***
و ( يوسُـف ) يرضـَى بـِالتـُّهمَـة عشان بـِيـخاف
وجوَّا السِّـجن يـِتغـَطـَّى بـِنـُص لحاف
وعَـند الرَّب يـِتبَـرَّأ ، وِدا الإنصاف ..!
***
معانا الحَق ؛ خـَلـُّونا نعود أحرار
بلاش فى الحَـر تِـرمونا فِ وسط النـَّار
تِـعيشوا ف قصر وولادِ البلد فِ الغار
***
حـرام الأرض تِـتقـَسِّـم ، كِفاية نـهيب ..!
بـِناكـُل سِـم نِـتـسَـمِّـم ، وتاكلوا زبـيب
ونِـطلـُب حَـق نِـتكـَمِّـم ، وبـِيكوا نشـيب
***
مِـسير الحق بالثورة ، وبـِينا يعود
ونِزرَع أرضنا الحرة ، فـَرَح وورود
وياخـُد حَـقـِّنا منكم ، إلاه مَـعـبود ...
***


الخميس / 27 يناير 2011
*
_____________________________
 
لازِم نـِثــــــــــور...!

***


يـاااااااه ياوطن ؛ باعوك لمـين ؟!
وتساوى كام وسط الـزِّحام ؟!
رغم التاريخ الحر وألوف السنين ،
اللى انت فيها فوق جبين الكون وسام ،
والشعب عايش والسلام ،
والكل فاكِر إنـُّه نام ،
وف لـَحظـَة قام .....!
نـَفـَّض تـُراب الخوف وثار ،
غـَيَّـر مَلامِح لِـنكِـسار *، ( * الإنكِسار )
شـَمَّـر دِراع الفـَـقـر بانوا العَـضمتين ،
والدم ناشِف م العَـطـَش طول السنين ،
وَحِّد كلامُـه القـَهـر والدَّمع الحزين ،
لازم نثور ع الذُّل ، ونفِـلِّ الحَديد ،
لازم شموع العَدل فى العالـَم تقيد ،
لازم يعود الحب تانى من جديد ،
وصحينا عَ الفجر الوَليد ،
نِسأل جموع الشعب ، نِعرَف مَطلـَبُه ،
واحد يقول : إبنى الكبير
عِشرين سنة خِرِّيج ياناس ،
مالقاش وظيفـَة عَ المَقاس ،
إكمِـنـُّه طـَيـِّب مِ الأسـاس ،
رافِض يكون خايـِن ويكتِب مِن سُـكات ،
رافِض فـنون اللعبَة ؛
( باصِى وخـُد وهات )..!
رافِض يـزَوَّر فِ حسابات ،
راجـِع وراهُـم قام كـَشـَف ،
( مليون ) فِ واحِد م الخانات ،
واشحال بَـأه باقى الخانات ،
وبسرعة قامت مَعرَكة ،
بيـنـُه وبين المَسؤلين المَسنودين ،
بَـس انـتـَصَر فيها الروتين ،
واللى انـكـَسـَر فيها الأميـن ،
قالوا اختـَلـَس مال الحكومَة برُمِّـتـُه ،
تـُهـمِة خِيانـَة ولـَبـِّسـوها لـذِمِّـتـُه ،
قالوا ياإمَّـا السَّـجن إمَّـا تـَستـَقـيل ،
قام استـَقال والدَّمع غـَرَّق سِـكـِّتـُه ،
والخوف عَـلينا سَـكـِّتـُه ،
مِن يومها صار الحُزن ساكِن دُنـيـِتـُه ،
رافِض يعيش ،
رافِض ينـَشـِّف دَمعِـتـُه ،
بس النهاردَه لـَمَّـا قامِ
الشـَّعب جَـدِّد هِمِّـتـُه ،
عايز يقيد فِ الظـُّلم نار
حالـِف مايـِرجَع فِ القـَرار ،
إلاَّ إذا عاد العَـمار ،
وانزاح عَن الناس الجـِدار ،
م ِالخوف وقـَسوِة لِـنتِـظار *، (* الإنتِظار )
والعدل ساد بين الجميع ،
يـِبقـَى الصُّـغار زَىِّ الكـُبار ،
صَحِّـت قلوب الناس أوام
حَـبـِّة مآسِى ف قِصـِّتـُه ،
كان الهـِتاف : يَسـقـُط نِظام
فاجـِر ودابـِح أمـِّتـُه ...
طـَبِّ الوَلـَد وِسط الزحام ،
إيد الحبايب ساعدِتـُه ،
وبرَغم كـُل الحُـزن قام ،
عَ الوش راسِم بَـسمِـتـُه
بـِالبَـسـمَـة قال أجمَـل كلام ...!
*****


الأربعاء / 26 يناير 2011
*
____________________________

إشـــــــــــغال طـَريق ...!

***

شـُفتـُه بـِيـِبكِى وف إيديه ،
ماسِك عِيالـُه المَحرومين
مِن كـُل مَعنـَى للحياة ،
للحُب ، للعيشـَة الحلال
بَـكـِّتـنى كِلمَة م العِـيال ،
بـِتقول حَـرام ، عايزين نعيش ،
عايزين نِـبات يوم جوَّا بـِيت ،
عايزين علاج للجرح واحنا مجروحين ،
عايزين غطا م البرد والله بردانين ،
عايزين نِحِـس ان الوَطن حُضن ودَفا ،
عايزين أمان ، عايزين حنان ، عايزين وفا ،
عايزين فلوس تكفينا يوم ،
عايزين كِتاب ، عايزين هدوم ،
عايزين قيامِة حق عَ الباطِل تِقوم ،
وسمعت واحد من بعيد ، بـِيقول بـِلوم ،
سـيب العيال فى البيت حرام ،
خايف تِـتوه وِسط الزِّحام ،
قام بَـصِّـلـُه والدَّمع فوق الخـَد سال ،
قال لـُه أنا مااملـُكشِ بيت ،
يقفِل بيبانـُه عَ العيال ،
كل الحكاية أوضة مَبـنـَيـَّة بصَفيح ،
أو عِشـَّـه بالمَعنـَى الصَّـريح ،
إكمِـنـُّه مَصرى لِـلنـُخاع ،
رافِض يبيع زَىِّ اللى باع
والإسمِ واحد م الرعاع ،
قـَصدى الرَّعِـيـَّة المنكوبين ،
عَ الظـُلم صابـِر والأنين
رغم انـُّه مِش لاقى الغموس ،
لـَكِن بـِيـِدفـَع للدروس ،
ويوَطـِّى عَ الـرِّجلين يبوس ،
لـَجل العِيال تِـلقـَى العَلام
تِقدَر تِعافِر والسَّـلام
وبرَغم ذُلـُّه والمَلام ،
يـِلقـَى الجميع بيقول بـِكام ؟!
والأمر مُر وحالـُه حال ..!
قام بَـصِّـلـُه التانى وقال :
سامحنى مِش قاصِد ألوم ،
ماالكـُل غـَارِف مِ الهموم
خايف تِطول المَهزَلـَة ،
يـِتـبَـهدِلوا فيها العيال .
قال لــُّه العيال مِـتبَهدِلين ،
من يوم ماباعوا شِركِتى
وادُّونى قِرشين م الفـُتات ،
واتقـالـِّى رَوَّح مِن سُـكات ،
رَوَّحت يومها بـدَمعِتى ،
وادِّيت فِلوسى كـُلـَّها لـ ام العِيال
قـُلت اصرفى ع الأد يمكِن رَبـِّنا
يكرمنى والقـَى شـُغلـَة تانية تلِمـِّنى ،
داريت دموعى عَـنـَّها ،
ولقِـيتها قايمَـة تضـُمِّـنى
قالِـتلى خـُد شئ م الفلوس ،
روح اشتِرى حَبـِّة خـُضار
وافرش هِنا فـَرشـَك وبـِيع ،
دا القِرش لـَو يقعـُد يضيع ،
قـُلت امـَّا اشوف ..!
وسهِرت افـَكـَّر فى الكلام ،
قـُصرُه لـَقيت الفجر قام ،
صَـلـِّيت قـَوام ،
ورجـِعت بيتى وقـُلت انام ؛
لـَكِنـَّها حَطـِّت فِطار ،
وَيَّـا الفلوس لـَجل الخـُضار
خـَدت الفِلوس قـَبل المَلام ،
أو كِلمَة صَعبَة مِ المَدام ،
ومشيت قوام قـَبل الـنـِّقاش ؛!
خير البَـلـَد دِى ماانتـَهاش ؛
جَـرَّب ؛ ومين بالحُـزن عاش ؟!
قـُصر الكلام ، جـِبت الخـُضار
ورجـِعت تانى عَ الديار
صَحصَح معايا فِ اللى دار ...؛
قاعِـد فِ حالى والـتـَقيت المـُخبرين ،
لـَمُّـوا البُـضاعَة كـُلـَّها ؛
إشغال طـَريق ..!
واصرُخ واقول : ياناس برئ ..!
يااهلِ العقول ..! ، فين الطريق ؟!
وازاى اخـُش الحَجز وَيَّـا المُجرمين ؟!
صارت قـَضِـيَّـة والمحاكِم رُحتـَها ،
عُـمرى ف حياتى كـُلـَّها لم زُرتـَها ،
بَس انكـَتـَبلى إنـِّى اكون مِن أهلـَها ،
قالوا بكـَفالـَة والكـَفالـَة جـِبتـَها ...!
لـَجل يسيبونى بَس أخرُج مِنـَّها ،
والحُكم صادِر حَجز عَ البيت والعِزال
ضاعِت فلوسى كـُلـَّها وضاعوا العيال ،
آدِى الحِكاية ياابن عَمـِّى كـُلـَّها ،
وادِى الـسـبَـب ، وادِى اللى جابنى بـِالعِـيال ؟!.....
*****


الثلاثاء / 25 يناير 2011
*
____________________________

ياإسرائيل مالكيش وجود ...

***


ياإسرائيل ماتفـَكـَّريش
إن العرب عَـنـِّك بعيد
ماتِعتديش ..؛ ماتِفتِريش ..؛
لـَو خايفـَة مِ العَـهد الجديد
واللى افـتـَرا مابـيـِتـنِـسيش
حَـتـَّى اسألى دَمِّ الشــهـيد ..!
حالِـف بـِقـُدرة رَبـِّنا
لازِم نِحَـرَّر قـُدسِـنا
نِـخلـَع جدورِك مِن هِـنا
ياللا افتِـرِى ، هل من مَـزيد ؟!
***
ياإسرائيل مالكيش وجود
حَـبـِّة رِعاع مِـتـشـَـرَّدين
واللى يـِمـِدُّولِـك حـدود
مالهُمش زِمـَّة واللا ديـن
رَبـِّى حَ يـِسخـَطهُم قرود
وانتِ وباقى المُعتـَدين
بأدينا حَ تشوفوا الهوان
ويعود إلينا الصَّولـَجان
( والبادِى أظلـَم ) ، واللى خان
مالهوش مكان بين مُخـلِـصين
***
فى الأصل شـِلـِّة أغبيا
ياسَـعـرانين زَىِّ الكِلاب
ياللى قـَتـَلـتوا الأنـبـِيا
ياشعب مَلعون فى الكتاب
أيَّـامكوا طـين ياأشـقـِيا
وِسـْـنـيـنكـُم الجايـين هِـباب
ساكتين عليكـُم من زمان
وشبـِعنا من ذل وهوان
غـَزَّة وحيفا والجولان
حَ يعودوا بـِأديـن الشباب
***


الجمعة 8 إبريل 2011
*
_______________________________

إلاَّ الـنـَّبـِى يامُجـرِمـين ...!

***


إلاَّ النـَّبى يامُجـرمـين ...!
جَـنب النـَّبى تِـبقوا انتوا مِـين ؟!
حَـبـِّة رِعاع مالكوش تـَمَن ،
أو حَـتـَّى مِـلـَّة واللاَّ دِيـن ؛
أمَّـا النـَّبى دا المـُصطـَفـَى
أحـمَـد إمام المُـرسَـلـين
زَوجاتـُه يـِشـهَـد رَبـِّنا
أطهَـر نِـســاءِ العالـَمـين
***
كان النـَّبى صادِق أمـين
كان المَـثـَل ، كان المَـنار
كان المِـسـامِح والكـَريم
كان الأمَـل ، كان العَـمار
كان الهـِدايَة والـتـُّقـَى
كان المُـجير لـ اللى استجار
بَـلـَّغ رِســــالِة رَبـِّنا
خـَلـَّى الضـَلام أصبـَح نـَهار
***
إلا النـَّبى ؛ ماسمَحـلـِكوش ؛
غِـير إنـِّكوا تصـَلـُّوا عَـلـيه
وان كـُنتوا لِـسَّـه ماتِـعرَفوش
شوفوا حَ نِـقدَر نِـعمِل ايه ..!
مِن بُـكرَة حَ نجـَيـِّش جيوش
تِـنصُـر نـَبـينا وتِـفـتِـديه
ونرُد كِـيد المُـعـتـَدِى
والجانِـى حَ نـخـَزَّق عِـنـيه
***
يامُسلمين ياللا انصروه
قاطعوا البَـضايـِع كـُلـَّها
واللى افتـَرَى إوعوا تسـيـبوه
بـِالسَّـهل يـِخـرُج مِـنـَّها
حُـكـَّام بـِلادُه يـِعـدِموه
أو يطردوه من أرضها
لـَو يـسـكـُتوا أو يـِسـنِدوه
يـِقـدَر إلاهـِى يهـِدَّها
***
تـَبَّـت يَـدا غاشِـم لـَعـين
يـِرسِـم صِـوَّر أهل النـَّبى
ويهـِز صورِة مؤمِـنـين
صانـوا الحقوق لِـلأجـنـَبى
والمُـسـتـَباح مِـش بَـس دِيـن ؛!
دِيـنى ويَـقـيـنى ومَذهـَبى
واحلِف بـِرَب العالمين
حَ اهـزِم عَـدِوَّك يانـَبى
***


الخميس 28 إبريل 2011
*
_____________________________

هذا الديوان

***

كانت عقيدتى منذ صغرى ألا أقدِم على شئ إلا قبل دراسته والتأكد من جدواه ،
ولهذا فإننى لم أفكر مطلقاً فى الخروج للتظاهر إلا مرة واحدة فى عهد الزعيم الراحل / أنور السادات ،
بعد أن أقنعنى بالخروج بعض زملائى فى الكلية حيث كنت فى سنوات دراستى الأولى بالجامعة ،
وفى هذا اليوم رأيت أشكالاً كثيرة للمتظاهرين وأسباباً شتى لخروجهم ،
وكانت أهم أسباب خروج الشباب من الجنسين وقتها هو التعارف ،
أو هكذا خـُيِّل إلىَّ حيث انفصل الزملاء الذين دعونى للخروج عن المظاهرة مع بعض الفتيات
وطلبوا منى مصاحبتهم ؛ ولكنى رفضت ،
وعدت إلى منزلى أفكر فى هذا الأمر وأحاول الوقوف على المعنى الحقيقى للسياسة
ومايمارسه من يطلقون على أنفسهم أرباب السياسة ،
وبدأت المتابعة والمراقبة لمن أعرفهم عن قرب ،
ومن لاأعرفهم إلا من خلال الراديو والتليفزيون والصحف ،
واكتشفت تلك الإزدواجية فى القول والفعل عند جميع من تابعتهم من السياسيين ،
وكان لمقتل الزعيم الراحل / أنور السادات ..أثر كبير لتعزيز ثقتى بأن
السياسة هى لعبة الغش والخداع والإزدواجية بين القول والفعل .
ومن يومها لم أفكر فى الخروج فى مظاهرة ولكنى كنت متابعاً جيداً لما يجرى على الساحة
من ظلم وجور وفساد وكان طريقى الذى اتخذته منهجاً هو مواجهة الفساد من حولى بالطرق السلمية
والمحاولة الجادة لحث الجميع على المحبة والترابط والتزام الأخلاق والمبادئ لتخفيف حدة الألم ،
ولكننى كنت أعانى أشد الألم لأن الفقراء والمطحونين كانوا يأكلون بعضهم بعضاً ،
ويمتنعون عن التلاقى والمحبة ،
والكبار من الساسة ينتهزون الفرصة ويزداون ظلماً وجوراً ويملؤن بطونهم بالحرام ،
وكانت كتاباتى جميعاً تصب فى الحب للأرض التى أعشقها والتراب الذى أقدسه ،
وطريق الحب الذى كنت على قناعة ويقين أنه الطريق الوحيد للخلاص ..
وكان الفساد فى المستشفى التى أعمل بها وماعانيته من الجور والظلم فيها
سبباً قوياً لخروجى فى مظاهرة يوم الثلاثاء 25 يناير 2011 ،
يوم بداية الثورة ،
خرجت للتنديد بولاة الأمر فى المستشفى ومديرية الشئون الصحية ووزارة الصحة ،
بعد أن وصلت إلى مرحلة يتساوى فيها الموت مع تلك الحياة القاسية المؤلمة التى أعيشها ،
خرجت لأهتف بسقوط الظلم والظالمين ،
وكنت على قناعة أن الثورة ستنجح وأقسم أننى لاأعرف أسباب هذه القناعة حتى اليوم ،
وكان شغلى الشاغل التأريخ لأسباب التظاهر لتأكيد قناعتى بنجاح الثورة والقضاء على الظلم والفساد ،
وكتبت فى الأيام الأولى للثورة قصصاً حقيقية لبعض المتظاهرين ،
وكان ليوم الجمعة المشؤم الثامن والعشرين من يناير 2011
ومارأيت فيه من العنف والقتل ،
بالغ الأثر فى خروجى عن المألوف فى كتاباتى ،
فوجدتنى أواجه ولاة الأمر وأخاطبهم خطاباً مباشراً
وأنشر ماأكتب أولاً بأول على الشبكة العنكبوتية قبل وبعد عودتها ،
نعم ؛ تركت الحرص والخوف حين وجدت ذلك الحب والترابط الذى ظللت عمرى أنادى به
بين الناس جميعاً فى جميع الشوارع ، وظللت فى كتابة رسائل الثورة والتى تضمنها هذا الديوان
حتى تغيرت الصورة الرائعة للقلوب وتحولت إلى تلك الصورة القديمة القاتمة ،
وعاد الجميع إلى سابق عهدهم من الأنانية والحرص على المصلحة الشخصية
بغض النظر عن المصلحة العامة ...
وهنا فكرت فى طباعة ونشر الديوان لعله يعيد إلى الأذهان أسباب الثورة وأسباب نجاحها ،
ويحذر من البعد عن الحب والترابط الذى قد يعود بنا إلى ماكنا عليه من الظلم والهوان ...
عاشت مصر حرة كريمة بترابط أبنائها ومحبتهم ،
وحرصهم عليها ورغبتهم فى رفعتها وسموها ونهضتها وانتصارها ...


الطبيب الشاعر / د. محمد رزق

*

_____________________

عنوان المراسلات :

6 شارع محمد حسن سالم - عزبة الصغير – القصيرين - الزاوية الحمراء – القاهرة .
د. محمد رزق عبد الحليم .


محمول / 0105578453 _ 0129300201
*
البريد الإلكترونى :


elshaer_eltabib@yahoo.com
elshaer_eltabib@hotmail.com

*

المدونة الإلكترونية :


ركن الطبيب الشاعر / د. محمد رزق
http://elshaereltabib.blogspot.com/
*
البحث على جوجل :


الطبيب الشاعر / د. محمد رزق
*
على الفيس بوك :


http://www.facebook.com/home.php#!/profile.php?id=1033926653

Elshaer Eltabib
*

على الـيو تـيوب :


elmdawy


أو


الطبيب الشاعر / د. محمد رزق
http://www.youtube.com/my_videos?feature=mhum


***
مع تحيات
الطبيب الشاعر / د. محمد رزق
*