الثلاثاء، أغسطس 30، 2011

كل عام وجميع أبناء الأمة العربية والإسلامية بخير وسعادة ونصر مبين بإذن الله ..




إخوتى وأخواتى الأحباء زوار مدونتى

لكم جميعاً



و





تـَذكـَّروا دائمًـا أن





مع خالص محبتى وتقديرى وأجمل باقات الورود




أخوكم المحب فى الله
الطبيب الشاعر / د. محمد رزق
*


الجمعة، أغسطس 26، 2011

مَـلـحَــمِـــــة / لـَمـلِــم فـروعَــــــك .. يـاوَطـَن ..


‎*
مَـلـحَــمِـــــة
لـَمـلِــم فـروعَــــــك .. يـاوَطـَن ..
***
من كلمات
**
الطبيب الشاعر / د. محمد رزق
*

** مُـقـَـدِّمَـــــة ..
*

مِـتـبَـعـتـَريـــــــــــــــــن ..!

جـوَّاكِى لـَكِـن كـُلـِّـنا ..؛

مِـتـفـَرَّقـيــــــــــــــــــن ...!

تايهين بعيد عن حلمنا ،

مِـسـتـَعجـِلـيـــــــــــن ...!

ماسـكيـن شـَواشِى بَـعـضِـنا ،

مِـتـغـَرَّبـيــــــــــــــن ...!

عَـن كـُل شئ بـِيـلِـمِّـنا ،

حَـتـَّى الحَـنـيـــــــــــن ...!
*

مِـتـمَـسِّـكـيــــــــــــــن ...!

بـِالحُـب ، .. يـِمكِـن ..!؛ ..

مِـش أكــيـد ..!

مِـتـقـَيـِّديـــــــــــــــــن ...!

وِالحَـبل مَـصـنـوع مِـن حَـديـد ..

مِـتـفـَرَّطـيــــــــــــــن ...!

وِالكـُل عايـِز يـمـشِـى وَحـدُه .. ف سِـكـِّتـُه ؛

وِبـشِــلـِّـتـُه ،

يـِفجُـر ، ويـِفـعَـل مايُـريـد ...!
*

** نِـــــداء ..
*

لـَملِـم فـروعَـك عَ الـشـَّجَـر ،

لِـم الـوَرَق وَقـت الخـَريـــــــف ..

وَفـَّر دمـوعَـك لِـلـسَّـفـَـــــر ،

وِالغـُربَـة لـَمَّا تكـون ضـَعـيـف ..

وَحش الفـُراق اللى انـطـَلـَق ؛

جُـوَّا الـمَـدايـِـن شـئ مُـخــيـف ..

وِان كـُنت شـاعِـر بـِالـقـَلـَـق ،

واجـِه جَـبان عامِـل شـَــريـف ..
*

صـوتـَك ، رِهانـَك عَ الألـَم

حِـــبر الـقـَلـَم ، ناشِـــف .. ، عَـنـيـد ..!

حَـتـَّى الحَـكيـم اللى احـتـَكـَم

لِـلحُـب فـِيـنا كان بَـلـــيد ..!

عَــــدِّ الخـَلايـِق كـُلـَّـها ،

لـَكِـن نِـسِـى يـعِــد الـوَلــــيد ..!

وِالـمَهـد فاضِـى مِـن زَمَــن ،

وِالـمؤتـَمَـن .. شـــارِد بَـعـــيد ..!
*

** عِـتـــــــاب ..
*

آخِــر طموحَـك ياوَطـَـن ..

بـِتـنادِى كـُلِّ الـطـَّبالــــين ...!

صــوت الإذاعَـة مِن زَمَـن

رافِـض يكــون لـلطـَّيـبـــين ..

 والـدِّيـب بـِيـِهجـِم عَ الـغـَنـَم ،

والـشـِّبـل كامِـن فى الـعَـريــن ..!

بُـركان وفايـِـر ؛ والحِـمَـم ،

طالِــت رِقـاب الـمُـســـعِـفـين ...!
*

ضاق البَـراح لـَمَّا اتـَّسَــع ..؛

والخـَلـق تاهِــت فِ الـبَـــــراح ..!

والـقـَـلـب عاشِـــق واتـوَجَـــع ،

حَـس الأمَـل ، سَـلـِّم سِــــــلاح ..!

صابـِر وكاتـِم أنـِّـتـُه ،

راسِـم أمانـُه عَ الصَّـباح ..

ضاعِـت مَـلامِح سِــكـِّتـُه ،

بـين اللى ضــــــايـِع والـمُـتاح ..!
*

** الأمَــــــل ..
*

يـِمكِــن كـَلامِى يـِتـفِـهـِـم ،

يائِـس وبَـالـطـُـم عَ الخـــدود ..!

وِالحَـــــق لازم يـِحـتِـرِم ،

دَم اللى ماتــوا عَ الحـــــــدود ..

صَحـصَـح وِلادِك يابَـلـَــــد ،

مَـدُّوا الأيـــادى بـِالعـهـــــود ...

جَـنـِّة خـلــودَك ياوَلـَـــــــد ؛

مَـزروعَـة بَـعـدَك بـِالـورود ..!
*

آادِى الحِـكايَــة كـُلـَّــها ؛

شـَـــبـكِـة عَـروسَــة ، بـِالحَـلال ..

مـين اللى يـِدفـَع مَـهـرَها ؟

بـِالـفـَجـر ؛ لـَـو هَـلِّ الهـِلال ..؟!

والـنـُّـور يـِعاوِد طـَلـِّـتـُه ،

بـِالـحُـب فِ قـلـــوب الـرِّجــال ..

والـشـَّـعـب لـيـلِــة حِـنـِّـتـُه ،

يـِفـرِش ورود فـوق الجـِــبـال ..!
*

الأحد 21 أغسطس 2011
21 من رمضان 1433 هـ
*

بانت بشاير النصر ياأبناء الأمة العربية الشرفاء
والفساد ذاهب إلى غير رجعة بإذن الله
فتمسكوا بالوحدة فهى صمام الأمان لدوام الإنتصار بإذن الله تعالى ..
دمتم ودامت بلادنا العربية فى عزة وكرامة وشموخ .
ولكم جميعاً خالص محبتى وتقديرى وأجمل ورود النصر .الطبيب الشاعر / د. محمد رزق

*

الاثنين، أغسطس 22، 2011

ياشـَباب العِـشــق هـَــدِّى ...

  ياشـَباب العِـشــق هـَــدِّى ...
***
من كلمات
**
الطبيب الشاعر / د. محمد رزق
*
*
*
مين يـِراهِـن عَ اللى باقـِى
مِن سنين العِـشق فـينا ، والحنين ..؟!
مين يـِصَـدَّق إن قـَلب الأ ُم حاسِـس
بـِالقـلوب المَجروحـيـــن ..؟!
والمَـدابـِح ، والمَشـانـِق
فوق رِقاب الخـَلق لِـسَّـه مَـنصوبـين ؛
والمَـلامِـح ، والمَـعالِـم ،
واللى حاصِـل ، واللى واصِـل
لِـلخلايـِق .. شـئ مُـهِـيــــــن ...؟!
*

ياشـَباب العِـشــق هَـــدِّى
خـَطوِتـَك ، وافتـَح إيـديـك ؛
قـَبل ماتـشـــيب المَـعـانى ،
والجـِراح تِـتقـَل عَـليــك ...
والسنين المُـرَّة تِـرجَـع ،
تِـترِسِـم قـُـدَّام عِـنـيك ..
واوعـَى تِـفهَـم مِن كـَلامِـى
إنـِّى بـِعـتـَك ،
واللا يوم فـَرَّطت فِـيــك ...
*


أصلـِى راضِـع قـَبل مِـنـَّك
مِن تـُراب الأرض دِيـَّـا ،
عـُمـر فات ..
كـُنت صابـِر لـَجل تِـكبـَر ،
حـَتـَّى لـَو حَـاكـُل فـُتـات ..!
عُـمرى مااتألـِّمت مَـرَّة ،
مهما حَسِّـيت بالآهات ..
بَـس نـَبض الثـَّورَة فِـيَّـا ،
عُـمرُه مااتـأثـَّر ومــات ...
*


وامَّـا شـُـفـتـَك بـِتـنادينى
لِـلأمَـل ، لـَبـِّـيت نِـداك ،
وابـتـَديت السِّـكـَّة قـَبـلـَك ،
جَـنب مِـنـَّـك ، مِـش وَراك ..!
وافـتـَديتـَك بـِاللى عَـندِى ،
حِـلم وَردى ،
وبحَـنانِـى ، .. كان معاك ..
ماانتَ مِـنـِّى ، وانتَ ضِـلـِّى
حَـتـَّى نورِى مِن ضِـياك ...
*


والسنـين فى الصـَّبر كانِـت ،
آيـَة بـِتعَـلـِّم كِـتـير ..؛
والمُهِـِم تكون عِـصامِـى ،
مِـش مُـهِـم تكون أميـر ..؛
والمَـثـَل قال : لـَجل تِـكبَـر ،
خـُد عَـلامَـك مِن كِـبـير ..؛
وانتَ إبنى ، لـَجل تِـبنِـى ،
إسأل الأب الخـَبـير ...!
*


ماتعاديش الـرِّيح ، وطاطِـى ،
بِـس جَـهـِّز لـِلـدِّفاع ...!
واوعَـى تِـبعِـد عـَن إيـمانـَك ،
والأمَل .. خـَلـِّـيك شـُجاع ..
وامسِك المِـجداف معايا ،
مِش حَ يـِنفـَعنا الصـِّراع ..!
والحقوق دايماً بـِتِـرجَع ،
بـِالعقول قبل الـدِّراع ...!
*


يـِبـقـَى تِـفهَـم مِن كـَلامِى
إن انا مَـسـنود عَـليك ..
وان قـَلبى جَـنب مِـنـَّـك ،
بـِـيراعـيلـَك ؛ ويراعيـك ..
وانـِّى عايـزَك تِـبقـَى جاهِـز ؛
تِـبنى بُـكرَة وبـإيـديك ..
والنـَّهاردَة يـِبقـَى لِـيـنا ،
بَـس باقِـى العُـمر لِـيــــك ...
*


وانـتوا ياأخـيار بَـلـَدنا :
إحضنوا فِـكر الـشـَّباب ..
عَـلـِّموهُـم بـِالهَـداوَة
يَـعنِـى إيـه عِـشق الـتـُّراب ..
فـَهِّـموهُـم إن بـِيـنـَّـا
ناس بـِتِـســعَـى لـِلخـَراب ..!
وان بـيـنـَّـا عَـهد باقِـى
بـِالمَـحَـبـَّة والعِـتاب ...
*

يابـِلادِى صَـدَّقينى
بُـكرَة حَ يعـود الأمان ..
وانتِ قادرَة تـعَـوَّضـينى
بـِالـرِّعايَـة والـحنان ..
عُـمر ضـايـِع مِن سنـينى
فِ المَـذ َّلـَة والهَـوان ...!
وان حاوِلـتى تِـظلِـمينى ..؛
حَ تـلاقـينى فى المـيـدان ...
***

البداية فى يوم
الإثنين 1 أغسطس 2011.
الأول من رمضان 1433هـ
*
والنهاية فى يوم
الثلاثاء 16 أغسطس 2011
السادس عشر من رمضان 1433هـ
*

خالص محبتى وتقديرى لجميع الشرفاء من أبناء الوطن العربى الحر .
الطبيب الشاعر / د. محمد رزق
*

حَـبـِّـة كـَلام مالـهـوش لِـزوم ...


حَـبـِّـة كـَــلام مـالـهــــــــــــوش لِـــزوم ...
***
من كلمات
**
الطبيب الشاعر / د. محمد رزق
*
*
*
كـُترِ المَـلام خلـَّى الكـَلام ، مالهـوش لِـزوم ؛
والـفِـعل حَـبـِّة بـَلطـَجَـة أو ناس تِـزوم ؛
أهلِـى وأهلـَك ياوَطـَن مِـتكـَتـِّفـين ..!
وتقول يامين ؟
أو تِـشـتِـكِى جَـرحَـك لِـمين ...؟!
وِالكـُلَّ ماسِك مَطـرَقـَة
بـِيـدُق بـيها عَ الأمَل يـِمكِـن يقــوم ..!
وِازَّاى يقــوم ؟!
وِالكـُره نازِف مِن شـَواشِى قـَلـبـِنا ، والـدَّم عـُوم ..؟!
بـِيدَحرَج الحِلم اللى واقِـف عَ الجَـبَـل ،
وِيكـَتـِّفـُه بمِـلـيون رُباط ،
يـِضرَب خيالـُه بـِالـسِّـياط ،
إكـمِـنـُّه ماشِى ف سِكـِّتـُه رَغم الألـَم ،
لـَكـِن بَـطئ ..؛
شايـِف طـَشاش ، ضـَىِّ الطـَّريـق ..!
وِيـمِـد إيـدُه مِن حِـبال الـصَّبر يـِمسِـك فى الأمَـل ؛
رَغـم الهـِموم ..،
يـِندَه عَلى الـحُبِّ اللى ضاع ، يـِمكِـن يعـود ؛
يـِزرَع بَـسـاتـين اللـُّـقـا ، تِـطرَح ورود ،
يـِفـرِد شِـراعُه لِـلجَـميع ،
بـِالحَـقِّ ويعـود الرَّبـيع ...،
يـِفـتـَح شـَرانـِق عُـمرِنا ، يـِغـزِل هـِدوم ،
تـِكسِى العَـرايا مِنـِّنا وِالمَحرومـين ،
وِيحُـطـِّ كـُلِّ المُجـرِمـين جُـوَّا الـقـَفـَص
وَقـت الـقـَصاص ،
يـِضرَب عَـليهـُم بـِالـرُّصاص
وِالـمَشـنـَقـَة تِحصُد رِقابِ الظـُّلم وِتـرُدِّ الحقـوق ؛
لـيه تِحكمونا بـِالهـَبَـل ، وِتمَـجـِّدوه ؟!
لـيه تِحرِمونا مِ الأمَـل ، وِتـكـَتـِّفوه ؟!
وِانـتوا اللى شـُفـتوا ذ ُلـِّنا وَيـَّا اللى راح ؛
وِانـتوا اللى غـَطـِّيـتوا الجـِراح ،
وِانـتوا اللى كـُنـتوا جَـنـبـِنا وَقـت الخـَطـَر ،
وِالـدَّمِّ سـايـِل مِـنـِّنا زَىِّ الـمَـطـَر ،
وِانـتوا اللى عَـلـِّمتوا الصَّـبـِى مَـعنـَى الثـَّبات ،
وِانـتوا اللى كـَفـِّنـتوا اللى مات ؛
وِالموت حَـقـيقـَة فـوق رِقاب كـُلِّ الـبَـشـَر ،
بَـسِّ الـبَـشـَر دول أ ُمَّـهات ..!
ضايـِع ضـَناها _ إبنـَها أو بـِنتـَها _ مِن غـير تـَمَن ،
بـَسِّ الـتـَّمَن مُـمكِـن يكـون ،
نورِ الـشـُّعاعِ اللى اتـوَلـَد ساعِة خـَلاص ؛
يـِبقـَى الـتـَّمَن هُـوَّ الـقـَصاص ..!
وِالـشـَّعب قايـِل كِـلمِتـُه ، لـيه تِكتـِموه ؟!
لـَو تِحكـُموا بـِالحَـقِّ يـِمكِـن تِـحكموه ..!
أو تِطلِـقوه ، يـِرفـَع جـِبـينـُه لِلأبـَد ،
يـِطلـُب مِنَ الله الـمَـدَد ،
وِان كـُنـتوا شاطرين فى العَـدَد ..!،
عِـدُّوا اللى ماتـوا مِـنـِّـنا وَقـت العـبور ،
عِـدُّوا اللى عاشوا ؛ بَـسِّ عاشوا فى القبور ،
عـِدُّوا اللى واقـفيـن فى الطابـور ..!
عِـدُّوا الضـَّحايا فى الـسَّـفـَر والاغـتِراب ،
عِـدُّوا اللى قاعِـد عَ القـَهاوِى مِ الـشـَّباب ،
عِـدُّوا اللى واكِـل لـُقمِـتـُه مِن غير غموس ،
وِسط الـزِّبالـَة والتـُّراب ،
عِـدُّوا اللى بايـِع ذِمِّـتـُه لـَجل الفِـلوس ،
عِـدُّوا اللى رايـِد لِـلخـَراب ..!
عِـدُّوا اللى قافِـل سِـكـِّتى ، قاطِع طـَريق ،
عِـدُّوا اللى واقِـف وِسطِـنا ، عامِل صَديق ،
عِـدُّوا اللى عاموا عَ الشطوط ، عِـدُّوا الغـَريق ،
عِـدُّوا اللى قاتِـل شـَعبـِنا ،
وِالحُكم فى الآخِـر بَـرئ .....!
عِـدُّوا الطيور اللى اتهـَدَم يوم عِـشـَّها ،
عِـدوا الـوِلاد اللى اتقـَتـَل نـور حِلـمَها ،
عِـدُّوا المِحَـن ، عِـدُّوا البَلاوِى كـُلـَّها ،
وِان يوم تِـعِـبـتوا مِ العَـدَد ،
هاتـُولـنا حَـدِّ يعِـدَّها ...
*
ياااه ياوَطـَن ، هـَمَّـك تِـقـيل
وِالكـُلَّ مِش عايـِز يـشـيل ،
خايـِف يـِراهـِن عَ الأمَل يـِطلـَع سَـراب ،
عايـِز يـِداهـِن أو يتاجـِر بالعَـذاب ؛
وِانتَ اللى ضايـِع وِسـطِنا ..!
وِمكـَتـِّفـينـَك بـِالحِـبال ،
وِمقـَسِّـمينـَك عَ الـمِلـَل ، وِمتـَوِّهـينـَك فى الجـِبال ،
وِانتَ اللى كابـِش نار عَـدِوَّك وِالـصَّديق ،
وِانتَ اللى عايـِم فى الغـَريق ،
وِانتَ اللى رافِـض تِـنحِـنى لِـلظـُّلمِ فـيك ،
وِانتَ اللى شارى ياوَطـَن ، مين يـِشـتِريك ؟!
وِانتَ اللى دايمًا نِـشـتِكيلـَك ، وَامَّا تِـسكـُت نِـشـتِكيك ؛
وِانتَ اللى حابـِس دَمعِـتـَك ، وِانتَ الأسير ،
وِانتَ اللى كاتِـم أنـِّتـَك ، وِانتَ الكـَسـير ،
وِانتَ اللى قايـِل كِـلمِـتـَك ، وِانتَ الكبـير ،
وِانتَ اللى زارِع لـُقمتك فوق سِـن فاس ،
وِانتَ اللى صانِع ثـَورِتـَك ، وِانتَ الحَماس ،
وِانتَ المؤسِّـس لِـلعُلا وِانتَ الأساس ،
وِانتَ اللى فارِد بَـسـمِتـَك ، سِـكـِّة أمَل ؛ رَغم الغـيوم ،
وِانتَ اللى ماشى ف سِـكـِّتـَك ، وِانتَ اللى كاسراكِ الهموم ،
وِانتَ اللى رافِع جَـبهـِتـَك طولِ الـزَّمَن وِسط الـنجوم ،
وِانتَ اللى صاحِى رَغم إنِّ الكـُلِّ نـام ،
وِانتَ الأسـود المُخلِـصين وَقـت الحروب ،
وِانتَ القـلوب الطـَّيـِّبـين وَقـت الـسَّـلام ،
وَانتَ اللى مَهما قـُلـت فـيك مايكـَفـِّيـنـيـش كـُلِّ الكَـلام ..
بَـسِّ اللـِّئام خـَلـُّوا الكـَلام ، مالهـوش لـِزوم ..
والـفِعـل سَـمُّوه بَـلطـَجَة ، أو ناس تـِزوم ..
***
**
*
القاهرة فى يوم
الأحد 10 يوليو 2011
*
مع تحيات
الطبيب الشاعر / د. محمد رزق
*

أنــا رَمَـضـــــــان ..

أنــــــا رَمَـضــــــان ...
***
من كلمات
**
الطبيب الشاعر / د. محمد رزق
*
*
*
أنا رَمَضان باناديكـُم ، فـَهَـل سامعيــن ؟!

وهَـل فاكرين مَعانيكـُم ؛ ويوم الديــــــن ؟!

وهَـل جاهزين لأيَّـامِى ؛ وهَـل عـارفيــن ؟!

بـِإن الخير بـِيـِتسابـِق مَعَ الصايـمـيـــن .!

وإنِّ الصُّوم حَ يـِحميكـُم مِنِ الخاينين .!

وإنِّ الغـَدرِ مِـتكـَتـِّف بـِحَبل مَتـين .!

وإنِّ الكِلمَة مَوزونـَة ؛ وفى المَوازين ،

عَمَل صالِـح يشيل عَنـكـُم بلاوى سنين ؛

ويـَفتـَح طاقـَة لِـلصـًّايـِم سنين جايين ،

ويـِملا السَّعد أيَّـامُه ، فـَهـَل عايزين ...؟!

تِكونوا مِن أحِبـَّائى ، وِهَـل جاهزين ؟!

تِـنولوا الفـَضلِ وتكونوا مِنِ الفايزين ؟

أنا رَمَضان وِبُـشراكـُم أياصايمين ....

***

كل عام أنتم جميعاً بخير
*

مع تحيات
الطبيب الشاعر / د. محمد رزق

مَـوكِـــب نـــــــــــــــــــــور ...

مَـوكِــــب نـــــــــــــــور ...
***
من كلمات
**
الطبيب الشاعر / د. محمد رزق
*
*
*
عَـلـَى عَـتـَبـِة جـِدار الـشـَّمس ،

طـَـلِّ الأمس ، قابـِلـنى ..!

وحَـجـِّز عـَنـِّى شُــوف بُـكـرَة ،

وقاللـِّى اسـتـَنـَّى فِ الأوِّل : هَـنِـتحاسِـب ،

نـشوف مين اللى لِـيه الحَـق ،

يـِرجَـعـلـُه ، ونِـتعـاتِـب ...

عَلى كـُلَّ اللى كان حاصِل ،

ونِـتواصِل ؛

ونِـفهـَم أصل حَـدُّوتِـة وِلاد آدم ،

وإيه عايـزيـن ...؟!

ومين فـيهُـم بـِيـِفـتـَح قـَلـبُـه لِـلمَكـتوب ؟،

ومين غالِـب ؟ ؛ ومين مَغـلـوب ؟،

ومين نِـقـدَر نِـطـَبطـَبلـُه ؟،

ومين نِـدِّيلـُه بـِالـمَركوب ؟!،

ومين راكِـب حُصان أبيَـض ؟،

ومين راكِـب حُـمار مَقـلـوب ..؟!

ومين قاصِـد يعـيـب فـيهُـم ؟،

ومين بـِيصَـلـَّح الـمَعـيـوب ..؟؛

ومين داخِـل ؟، ومين خارِج ؟،

ومين بـِيخـَطـَّط الـمَلعـوب ؟،

ومين قافِـل ؟، ومين قاتِـل ؟،

ومين حاسِـب ؟، وإيه مَحسوب ؟!

ومين عايـِش ومِطـَّـمِّـن ؟،

ومين خايـِف ؟؛ ومين مَرعـوب ..؟!

سِـمِعـت كلامُه بَـصِّيـتـلـُه ؛

وقـُلـت ازَّاى تحاسِـبـنى ،

عَـلى أفعال وِلاد آدم ؟!

أنا واحِـد وهُـمَّ كـتير ،

وِوِسـطـيهُـم ...

ألـوف بـِتـنادِى بـِالـتـَّحـرير ؛

وناس بـِتـنادِى بـِالـتـَّعـمـير ؛

وناس تانـيـين بـِتـِتلـَوِّن ،

وناس بـِتنادِى بـِالـتـَّغـيـير ،

وناس ماشيين مَعَ الـموجَة ،

وناس مَشـغـولـَة بـِالـتـَّفـسـير ،

وناس بـِتعُـك فى الهوجَة ،

وناس بـِيخونهُـم الـتـَّعـبـير ،

وناس تِخلِـص لِـبَـعـضِيها ،

وناس يـِلـزَمهُـم الـتـَّطهـير ،

وشئ واجـِع وشئ مَوجوع ،

وناس تاكـُل وناس بـِتجوع ،

وناس مَحرومَة فى الأوِّل وفِ الآخِـر ،

وناس تِـلـبـِس حَرير فاخِـر ،

وناس مِ الـشـَّـرِّ بـِتـقـَرَّب ،

ووَقـت الخير بـِتـِتـَّاخِـر ..!

وانا مِحتار فِ وِسـطِـيهُـم ،

أصَدَّق بَـسِّ مين فِـيهُـم ؟!

واصاحِب مين ؟!

واعِـدِّ الـيوم وَرا الـتـَّانى ، كإنـُّه سـنـين ..؛

واحارِب تـُوهَـة فى الـسِّـكـَّة ،

واقـَلـِّب صَـفحِـة الـتـَّايهـين ،

واطـَهـَّر جَرح قـَلب الـنـُّور ،

وابـيع الحُبِّ لِـلعاشـقـين ،

وِبـِيجولِى ، يـِباركولِى ،

ونِهـمِس كـُلـِّنا يـِمكِـن ؛ عَـشان خايـفـين ...!

وِدان الكـُره تِـسـمَعـنا ، تِـرَجَّـعـنا ؛

نِـفارِق بَـعض مِن تانِى ،

نِعـيـش فى الـبُـعـد مِش حاسِّـين ؛

بـِقِـيـمِة لـَمِّةِ الـعِـيلـَة ، وضـُلـِّيلـَة ،

تِـداوِى الـقـَلـب مِن خـوفـُه ،

ومِن ضـَلـمِة سـنـين جايـين ،

لـَقـيت الأمس بـِيطـَبطـَب عَلى كِـتـفِى ؛

ويـِكشِـفـلـِى ،

شـُعاع مِن بُكـرَة بـِيـحاوِل يـِبان فِ الليل ،

وقاللـِّى اسمَعـنِى لـَو عايـِز تعـيـش يومَك ،

وتِـنسَى الويل ،

وحَطـِّ ف إيـدِى كام وَردَة ، وقاللـِّى ازرَعها فى الأيَّـام ،

وحاوِل بَـسِّ تِـرويـها بـِنور صَبـرَك سـنـين قـُدَّام ،

وحاسِـب تِـنجـِرِح إيـدَك وبَـطـَّل نـوم ؛

وضاعِـف وَقـت أحلامَك ، حَ تِكسَـب يوم ،

وصَحـصَح لـ اللى كان حاصِل وصَلـَّح فـيه ؛

وفـَكـَّر فى اللى كان ناقِـص ، عَـشان تِـبـنيه ،

وماتخـَوِّنـش يـوم صاحبَـك وماتـبـيعـهـوش ،

وحَـرَّر طابـيـِتـَك مِـنـُّه ، وجَهـِّزها ؛ وماتكِـشـُّوش ،

وبـِالـرَّاحَة عليه خالِـص ، وخـَلـِّى اللعب عَ المَكشوف ،

وحاسِـب أىِّ فيـل يـِهجـِم بـِدون ماتشوف ..!

وحاول تِـتـِّقِـى شـَرُّه ، وتِـتعادِل مَعاه فى الـدُّور ،

وساعِـتها تكون مَنصور ،

وقادِر تِـكشِـف الـمَسـتـور ،

وتِـفـتـَح سِـكـِّة العُـودَة لِـضـَىِّ الـشـَّمس مِن تانى
وتـدخـُلها بـِمَوكـِب نـــــــــــــــــــور ..

***
الأربعاء 27 يوليو 2011
*
مع تحيات
الطبيب الشاعر / د. محمد رزق
*