السبت، فبراير 25، 2012

وَفــَّــــــقـوهـا ...!


وَفــَّــــــقـوهـا ...!

***

من كلمات

**

الطبيب الشاعر / د. محمد رزق

*
*
*

وَفــَّـقـوها ..، لـَصَّــموها ..، والحَـقايــِق زَيــِّـفـوها ...!

مَـصـرِنا قامِـت بـِثـَـورَة ، وانـتوا عايـزين تِـخـمِـدوها ...!

*

يالــِّلى فاكرين البـَـلـَد دِى .. زى نـَعـجَـة بتـِحـلِـبـوها ...!

واللا فـَوضـَى ..؛ واللا شِــركة ..؛ واللا تِــركة بتـِورثـوها ...

واللا هِـيـصَـة ..؛ واللا هُـوجَـة ..؛ واللا موجَـة بتِـركـَبوها ..

مَـصر أمِّ الـدُّنـيا دِيَّــا .. ياللى عايـزين تِـخـربـوها ...!

*

وَفــَّـقـوها .. طـَبطـَبوا عَ الظـُّلم تانى ..؛

رَجـَّعوها لـلطـريق الأوَّلانى ..؛

لـَصَّـموها ورَدِّدوا نـَفـس الأغانى ..!

زَيـِّـفـوها .. واقـتِـلـوا كـُلِّ الأمانى ،

بَـسِّ والله ِ اللى حامِى شـَعـبـِنا ،

واللى قادِر يـِنـتِـقِـمـلـو ..؛ وف ثـوانى ..؛

مَهما كانِـت قِـوِّة الغـَدر اللى فـيكـُم

مُـسـتـَحيل يـوم تِـقـتِـلـوها ..

*

لِـسَّــه طالـبـين الـمَـعـونـَة .. والـمَـذ َلــَّة مِ الأعادِى ..؟

واللى كانـوا بـيـِنهَـبـونا .. هـَرَّبـوا فـلـوسهُـم ، وعادِى ..؟

مِـن زَمَـن بـِتـجَـوًَّعـونا .. رَغـم دا بـِنـقـول : بـِلادِى ...!

لـيه كِــدا بـِتـتـوهـونا ..؟؛ والـبَـلـَد بـِتـقـَسـِّـموها ...؟!

هِـىَّ كِـلـمَة واحـدَة باقـيَـة .. بَـس يـاريـت تـِفـهـَموها ..!

حَـرَّروها أو سِــيـبوها .. والـشـَّــباب حَ يـنـَـضـَّـفـوها ...!

*

القاهرة فى يوم
الثلاثاء 21 فبراير 2012
*

كتبت هذه القصيدة رداً على من يبحثون عن رئيس توافقى للبلاد

عملاً بالمثل القائل :

( يابَـخت مِن وَفــَّق راســــــين فى الحلال ) ...!
*
مع تحيات
الطبيب الشاعر / د. محمد رزق
*

الاثنين، فبراير 06، 2012

*** حـَـــــقِّ الـشـَّـــــــهـيد ...



حـَــقِّ الـشـَّــهـيد
***
من كلمات
**
الطبيب الشاعر / د. محمد رزق
*
*
*

حَـقِّ الـشـَّهـيد مِـش كِلـمِـتـين ،

يـِتـقـالـوا قِـصَّــة وتِـتحِـكِـى ..؛

مِـش لـَـطـم عَ الـخـَـدِّين ولا ،

نِـفـضـَل نِـهاتِـى ونِـشــتِـكِـى ...

حَـقِّ الـشـَّـهـيد يَـعـنِـى الـخـَلاص ،

يَـعـنِـى الأمَـل فى يـوم جـِديد ..؛

يَـعـنِـى الـكـَرامَة والـقـَصاص ،

مِـن كـُلِّ غـادِر بـالـشـَّـهـيد ...

آه يا (أنـَـس ) قـَلـبى انـفـَطـَر ،

وَيَّـا ابـتِـســامـتـَك ، رِقـِّتـَك ..؛

وانـتَ اللى رايـِح لـِلخـَطـَر ،

والـغـَدر لـَجـلِ يـمَـوِّتـَك ...

حَـقـَّـك عَـلـينا كـُلـِّـنا ،

وِأديـنا مِـتـعاصَة بـدِمــاك ..؛

قـاعـدين بـِناكـُل بَـعـضِـنا ،

نـِرمِى اللى زَيَّــك فى الهَـلاك ...

مِـسـتـَسـهِـلـين سِــكـِّة نـَـدَم ،

مِـسـتـَصـعَـبـين سِــكـِّة أمَـل ..؛

والحَـبِّ لـَـو يـوم يـِتـهَـدَم ،

عُـمر الجـِـراح مابـتِـنـدَمَـل ...

لــيه يـا ( أنـَـس ) ياابـن الـرَّبـيع ،

زَهــر اللى زَيَّــك يـِتـقـِطِـف ..؟؛

تِـحـلـَـم وفى الآخِــر تِـضـيع ،

والـحِـلـم مِـنـَّـك يـِتـخِـطِـف ...؟!

ويـوَدَّعـــوك بـِالـمَـهـزَلـَة ،

ويـرَكـِّـبوك فـوق الـلـَّـغـَـم ..؛

ويـعَـلـِّـمـوك الـوَلـوَلـَة ،

تِـضـحَـك تِـبان الـضـِّـحـكـَة غـَــم ...!

آه ياحَـبـيـبى خـَوِّفـوك ،

مِـن ضِـحـكِـتـَـك وَقــتِ الـنـَّـهـار ..!؛

وبـلـون دِمـاهُـم لـَـوِّنـوك ،

يـِمـكِـن تِـحِـسِّ بـلِــنـكِـســار ...!

يـاكـُلِّ عـاشِــق لـِـلـبَـلـَد ،

إفــتـَح دِراعَـك ..، ضُــمَّـها ..؛

وافــتـَح طـَريـقـَك لِــلـوَلـَد ،

بـِـالـحُـبِّ لـَـجـل يــرُمَّــها ...

واكـتِـب عَـلى قـَـبر الـشـَّـهـيد ،

فـاكِـر حِـكايـتـَـك لِــلأبـَـد ..؛

وِان تـُهـت فى الـعَـهـد الـجـِديـد ؛

دَمَّـك حَ يـِـبـقـالِـى الـمَـدَد ...!
***
**
*
القاهرة فى يوم
الأحد 5 فبراير 2012
*

أهدى هذه الكلمات لروح الطفل المصرى الشهيد ( أنس )
وروح الطفل اليمنى الشهيد ( أنس )
وإلى أرواح جميع شهداء الغدر فى جميع بلاد العالم
مع خالص عزائى لأهالى جميع الشهداء فى معارك الحرية والكرامة
*
الطبيب الشاعر / د. محمد رزق
*

السبت، فبراير 04، 2012

سِـــــــــــكـِّة نِـضـــــــــــــــــــــــــــــــال ...!



سِـــــكـِّـة نِـضـــــــــــــــــال ...!
***
من كلمات
**
الطبيب الشاعر / د. محمد رزق
*
*
*
الحُـب موت ، والهَـجر موت ،
الفـَرح موت ، والجَـرح موت ،
الجَـد موت ، واللـِّعب موت ،
الصِّـدق موت ، والكِـدب موت ،
مين اللى قاصِـد يـشــتِـرى ،
للشمس والفجر اللى طالِـع يابَـلـَد ..؛
مِـليون تابــوت ؟!
مين اللى قادِر عَ الســـكوت ؟! ،
مين اللى خارِب للـبـيوت ؟! ،
مين اللى قالـِّـك غـَرَّبينى ف سِـكـِّـتى ؟!
مين اللى عايــزِك تِـهـرَبى ..، وتِـتـشـَـتــِّتى ؟!
مين اللى راسِـــم دَمعِـتـِك عَ الخـَد خال ؟!
مين اللى طابـِع أنـِّـتِـك صـورَة وخـَيال ؟ ،
مين اللى بـِيحاوِل يـِشـَـوِّه بـِالألـَم ... سِـكـِّة نِـضال ؟ ،
يامَـصـــــر : وِحـياة غـُربـِـتِـك ،
إبنِـك حَ يـحـضـُـن كِـلمِـتِـك ،
وان مَـوِّتـونى ..، لـَجل تِـرجَع بَـسـمِـتِـك ..،
حَ اقــبَـل ...؛ وامــــــــــــــوت ...
***

الخميس 2 فبرلير 2012
بعد أحداث الشغب المدبرة فى مباراة الأهلى والمصرى بمدينة بورسعيد
*
مع تحياتى وأخلص التعازى لأهالى الشهداء
الطبيب الشاعر / د. محمد رزق
*
أحداث بورسعيد

.
جانب من مظاهرات بورسعيد




الأربعاء، فبراير 01، 2012

قصـــــــــيـدة / حِــــلـم تـايــِـــه مِــن سَـــنـَة ...!


حِــــلم تـايــِه مِـن سَــــنـَة ...!
***
من كلمات
**
الطبيب الشاعر / د. محمد رزق
*
*
*
عَـدُّوا القـَصـــايـِد ..؛ هـَـدِّموا كام بـيت ..!
شـُـفـت اللى حاصِـل ..؛ قـُمت انا اتخـَضـِّـيـت ..!
وبـقـَـلب خايـِف ..؛ عَ الـســؤال رَدِّيـت ...
مين اللى قاتِـل .. حِـلم تايـِه من سَـــنـَة ..؟!
قـُـلـت الحَـقـيـقـَة ..؛ نِـمت واتغـَطــِّيت ...!
*
طـَب كـَـفـِّـنونى ..؛ واســتـروا عارى ..!
أو خـَـرَّجونى ..؛ حـَتـَّى من دارى ..!
لـَـمَّـا انـتوا بـِعـتوا ..؛ كـُنـت انا شــارى ..!
وانتوا اللى خـنـتوا فى النهايَـة .. عَـهـدِنا ..!
( مصر ) اللى نادِت ..؛ لِـ الـنِــدا لـَبـِّيت ..
*
طالِـب حقـوقى ..؛ مش بـإحـســانكـُم ..!
عـَـدل وكـَـرامَـة ..؛ زَىِّ أحـسَــــنكـُم ..!
عايـِش حَـياتى ..؛ كـُـلـَّـها بـيـنكـُم ..؛
صـابـِر وســاكِـت ، بَـسَّ بادعى رَبـِّـنا ..!
وفـضِــلـت اعافـِر ..؛ عُـمرى مااتهـَنـِّيت ..!
*
إبنى اللى نـادَى ..؛ قـُـلـتِـلـُه : وَيَّـاك ..!
قال انـُّـه خايـِف ..؛ قـُـلـتِـلـُه : إيَّـاك ..!
إحـلـِف يَـمينـَك ..؛ خـُد يـِمـينى معاك ،
( واللهُ أكبر ) ..، وابتـَديـنا كـُلـِّـنا ..!
رَغـم الخـِيانـَة ..؛ والله مااتهـَزِّيت ..!
*
والـدم سـايـِل ..؛ والعَـدو قـَـنـَّاص ..!
شـايـِل فى إيـدُه ..؛ قـُنـبـِلـَة ورصاص ..!
والغـَـدر خايـِف ..؛ بَـدلِـتـُه تِـتعاص ،
والأمـر صـادِر ..، والأيادى منـَشـِّـنـَة ..!
صـابـِت عـيـونى ..؛ شـُـفـتـَها وعـمـيت ..!
*
صوت الـرُّصاصَة ..؛ هَـزِّنى طـَبـلـُه ..!
والكـُلِّ شــاهِـد ..؛ بَـسِّ طـَبطـَبلـُه ..!
والموت بـِيـِهـرَب مِ اللى بـِيقـابـلـُه ،
إمَّـا الـشـَّـهادَة ..؛ أو نِـرَجَّـع حَـقـِّـنا ..!
بـِيـسَــبـِّـلونى ..؛ عَ النـَّبى صَـلـِّـيت ..!
**
*
القاهرة فى يوم
الأربعاء 25 يناير 2012
ذكرى مولد الثورة المصرية المباركة
*
الثورة مستمرة بإذن الله حتى تتحرر مصرنا الحبيبة من جميع أنواع الفساد ..
وكل عام ومصرنا الحبيبة وجميع بلاد الوطن العربى الحرة بخير وسعادة
*
مع تحيات
الطبيب الشاعر / د. محمد رزق
*