الثلاثاء، فبراير 26، 2013

الـمَــم أهـَــــــم ...!


الـمَــم أهـَــــــم ...!
***
من كلمات
**
الطبيب الشاعر/ د.محمد رزق
*
*
*
الـمَـم أهَـــم .. ارحَـمنا ياعَـم ..
أسـعار بـتـزيد والحالة تـغـُـم ..

وازاى بـتـطـبطـب عَ الأشـــرار
وتـســيب الشـر عـلينا يعـُـم ..؟

رَبَّـك خـَلاك حارس عَ المــــــال
والمــــال مَـوجـود بس بـيـِتـلـَـم

ياتفـوق وتجـيب حَـق المَظـلـوم
وتصـون الناس وتقـَـوِّى العَـزم

ياتقـول بصـراحة الحِـمل تقـــيل
خـَـلـِّـينا نشــيل وَيَّــاك الهَـــــــم

كل اللى بيحصَــل دا وصابـرين
والصَّبر خلاص بَقـَى زى السُّـم

وعـيالـنا بتِـتـبَـهدل وتـمــــــوت
لــو سَـــهل القـوت كانت تِـتـلـَم

والقِرش ف إيد القِـرش سـلاح
واحنا المحاريم ، طافحين الدم

قـبل ماتِـتـكـَلـِّـم عن إصــــــلاح
أكـِّـلـنا ياعَـم .. المَـم أهـَـم ...!
*
القاهرة فى يوم
الجمعة  22 فبراير 2013
*
هذه هى رسالة البسطاء إلى رئيس الجمهورية
*
مع تحيات
الطبيب الشاعر/ د.محمد رزق
*







الأحد، فبراير 24، 2013

من رباعيات الطبيب الشاعر/ د.محمد رزق



مصر تقـــــــــــــــول ...
*
لسه برضوا بتقتلونى وتحرمونى حتى زادى ..؟،

غصب عنى صدقونى ، ياللى ضاع فيكم مرادى ..،


مستحيل حتسلمونى لقمة سهلة للأعادى ..،

وان قدرتوا تسلمونى تبقوا فعلاً مش ولادى ...!
*

القاهرة فى يوم
الخميس 21 فبراير 2013
*

من رباعيات
الطبيب الشاعر/ د.محمد رزق
*

نصيحة ...


ارفـَـع قــناع الـشـَّــر .. وَضـَّــح سِــكـِّـتـَـك ..؛
وافـرد ايـديـك لـلخــير ولـلنـور والـصَّــــلاح ..

قــول الكـلام الـحـُــرِّ .. إيـه حَ يـسَــكـِّـتـَـك ..؛
تِـلـقـَـى الـضـَّـلام بـِيـمُـر ويــبان الـصَّــــباح ..
*


تحياتى لجميع الأحبة ..
*

الطبيب الشاعر/ د.محمد رزق
*

من رباعيات الطبيب الشاعر/ د.محمد رزق *


قلبى اللى قايل كِـلمِـتـُه فوق شـَـط نيـــــل ،

عََــــدِّت سحابة وشـَـدِّتـُـه للمُـســــــتحيل ..؛

مَــثــِّــل فصــول المسـرحية ..؛ بَـس مــات ..!

والـثــورَة ضــاعِـت ، والوطـــن راقِــــد عَـلـيل ..
*
 

القاهرة فى يوم 
الخميس 21 فبراير 2013
*
مع تحيات
الطبيب الشاعر/ د.محمد رزق
*

من رباعيات الطبيب الشاعر/ د.محمد رزق

يعنى ايه كلمة وطن ..؟!
*

يعنى الفلوس راحت خلاص مالهاش رجوع
والشعب مات بين سفسطة واهمال وجوع
يعنى الغنى يفضل غنى ، ومن مال حرام
بس الفقير صابر ورافض للخضوع
*

 
القاهرة فى يوم
الإثنين 19 نوفمبر 2012
*
مع تحيات
الطبيب الشاعر/ د.محمد رزق
*
 

حين انتظرتك ..


حين انتظرتك ..
لم يكن قط انتظارى لـ اللقاء
كان وشماً لاغترابى وانتهاء
من ترانيم هوانا حين شـَوَّهت الغناء
ويحَ لحنى ضاع منى ، فى تراتيل العَناء
رغم أنى فى انتظارى .. كنت أحيا بالرجاء ..
ها أنا ذا لاأبالى .. باللـِّـقا أو بالفناء ..
*
مع تحيات
الطبيب الشاعر/ د.محمد رزق
*

الأربعاء، فبراير 20، 2013

أغنية / لِـسَّــه بَـحِـب عـيونـَــك ...



لسه بحب عيونك ...
***

من كلمات
**

الطبيب الشاعر/ د.محمد رزق
*
*
لسه بحب عيونك .. أيوَه ..؛
لسه بادوب فِ هواك ...
مهما تزيد فِ عنادك .. حَ ارضـَى ؛
واسهر واستناك ...
ياللى بدأت الحب معايا ..؛
مش مُمكِن حَ انساك ...
بس صراحة انت محيرنى ..؛
ومغلبنى معاك ...!
*

لسه بحب عيونك قولـِّـى ..؛
ليه تبعد وتغيب ..؟
نفسى أشوفك مرة داخـِلـِّـى ..؛
نفسى تكونلى قريب ..
واسهر ويا الشوق فى الجنة ..؛
وقت مااكون وياك ..
ماانت حياتى وقلبى وروحى ..؛
بس الأمر غريب ..
أيوَه صراحة انت محيرنى ..؛
ومغلبنى معاك ...!
*

ليه بتصد القلب النابض ..؛
بالحب وتنساه ..؟
قولها صراحة بإنك رافض ..؛
إحساسك بهواه ..
وانت البادى وقلت بحبك ..؛
وانا رديت .. باهواك ..
واتألمت ، وباطلب ودك ..؛
رغم الخوف والآه ..
رغم الشوق اللى معذبنى ..؛
ومغلبنى معاك ...!
*

القاهرة فى يوم
الأربعاء 9 يناير 2013
*
مع تحيات
الطبيب الشاعر/ د.محمد رزق
*


مـش حَ ابــيـــــــــــــع ...!


مـش حَ ابــيـع ...!
***

من كلمات
**

الطبيب الشاعر / د. محمد رزق
*

مـين مَعاكِى يابَـلـَـد فى الحَـــق مـين ..؟

وانـتِ ضـايعة يابَـلـَـد بـين مُجـرمـين ..!

مَـصـمَـصــوكى يابَـلـَـد زَىِّ الـكِــــلاب ..؛

واللى بـاقِــــى يابَـلـَـد حَ يكـَفـِّى مـين ..؟!

*

لـيه قـَضـــاكِى يابَـلـَـد خـــان العـهـــود ..؟

لـيه بـِيـقـطـُف مِ الـشـَّـجَـر أجـمَل ورود ..؟

رغـــــــم إنـُّـــه فى الحَـقـيـقـَة مـؤتـَـمَـن ..!

عَ الكـَــــــرامَـة والأمـانِـى والخــــــلـود ...!

*

مِـن زمَـن صـابـِر وسـاكِت لـَجـل اعيش ..؛

والـبَـلاوى والـمِـحَــــــن مابـتِـنـتِـهـيـش ..!

الـمُـهـِـم ان ابـنـِى يـِعـــرَف سِـــــــكـِّـتـُه ..؛

فـَرحِتى لو يوم كِـبـِر وطـلِـعـلـُه ريـش ...!

*

وف يـنـايـِـــــــــر ثـَـــورتـُـه كانِــت أدان ..؛

والـحَـبـايـِـب كـُلـُّـهُـم راحـــــوا الـمـيدان ..!

كـَبـَّـروا عَ الـظـُّـلـم ، عاشــوا مِـن جـِديد ..؛

وانـتـَـصَــــرنا عَ المَـذلـَّـة والهَــــــــوان ...!

*

ياحَـبايـِب كـُلـِّــــنا رافـضــــــين شـَـفـيـق ..؛

واللى زيـُّـــه ، واللى ســــادِّين الطـَّـريق ..؛

واللى طـَبطـَب واللى داهِـن واللى خـان ...!

واللى طـَـفـُّـوا الشـَّـمع فى اللـيل البَـرئ ...!

*

يـابـِـلادى صَـــــدَّقـيـنى مِـش حَ ابـيـــــــع ..!

والـشـَّـــهـيد الحُــرِّ مِـش مُـمكِـن يـضـــيع ..!

والأمَــــــــــل حَ يـعـيـش مَـعــــانا كـُـلـِّــــنا ..؛

وبـإيـديـنا نِــزرَعُـه ويـِطـــــــــرَح ربـــيع ...!

*
افـتـَـحِـى يامَـصـــــــــر عـيـنِـك عَ الـــولاد ..؛

واحـفـَـظِـى عَـهــــــــد الـكـَـرامَـة بـِالـوداد ..!

واعـزِفـِـــــى لـَحــن الـمَـحَـبَّـة مِـن جـــديـد...

واحـكـُـمِـى عَ الـنـَّـدل يـِـرحَـــل مِ الـبـِـلاد ...!

*

القاهرة فى يوم
الخميس 7 يونيو 2012

بعد تصريحات المستشار الزند الكريهة
*


ستنجح الثورة المصرية والثورات العربية بإذن الله رغم كيد الكائدين
فلا تتراجعوا ياأصحاب الحق ولاتيأسوا من رحمة الله
*

مع تحيات
الطبيب الشاعر / د. محمد رزق
*


من رباعيات الطبيب الشاعر/ د.محمد رزق


ياللى هنا كلكم ، زَوِّدتوا مِقدارى ..

قلبى اللى بيحبكم بيبوح بأسرارى

وبنور وجودكم أنا فرحان ومتهنى

بالود وبحبكم قادت شموع دارى ..
*
القاهرة فى يوم 
السبت 12 يناير 2013
*
مع تحيات
الطبيب الشاعر/ د.محمد رزق

من رباعيات الطبيب الشاعر/ د.محمد رزق


قـَـدِّمت قلبى إليكى .. ليه قـُـلتى مِـش عايزاه ..؟

والحب كان بين إيديكى .. ماعـرَفش ليه رافضاه ..!

خوفِـك من اللى مَضــَـى حَ يطـَـفـِّى مِصـباحِـك ..؛

والعِـشق يهجُـر بلادك .. وانتى اللى تجرى وراه ...!
*
القاهرة فى يوم
الأحد 13 يناير 2013
*
مع تحيات
الطبيب الشاعر/ د.محمد رزق

من رباعيات الطبيب الشاعر/ د. محمد رزق


عديت نجوم السما .. ونجومها عدونى ..؛

بُست الكفوف كلها .. فى الكف عضونى ..!

حَ ابكى على اللى جرى ؛ واللا اللى جاى لسه ..؟

فى الحزن بيقربوا ..؛ فى الفرح عَـدُّونى ...!
*
القاهرة فى يوم
الأحد 13 يناير 2013
*
مع تحيات
الطبيب الشاعر/ د. محمد رزق

من رباعيات الطبيب الشاعر/ د. محمد رزق


القطر تـَكتِـك عَ القضيب .. هـَز الشجر والتوت

والأب شاور عَ الغريب .. خايف يلوم عَ الموت

ياسامعين كِلمتى .. دِلونى عَ السكة

إمتى الرصيف يـِتبـِنى .. قبل القـَدَر مايفوت ..؟!
*
القاهرة فى يوم
الثلاثاء 15 يناير 2013
*
مع تحيات
الطبيب الشاعر/ د. محمد رزق
*
 

من رباعيات الطبيب الشاعر/ د.محمد رزق


عازِف على غـُربتى .؛ والحزن فى المَـوَّال ..!

تايه وطول سِـكـِّتى بَـحـلـَـم براحِة بــال ..؛

طال البـِعاد واســتـَوَى ، قلبى على نـَـخلى ؛

وبـيـكتـبوا ف قِـصـِّـتى .؛ كان الشـهـيـد رَحَّــال ...!
*
القاهرة فى يوم
الثلاثاء 15 يناير 2013
*
مع تحيات
الطبيب الشاعر/ د.محمد رزق

من رباعيات الطبيب الشاعر/ د.محمد رزق


ماتصدقوش الملام .. وتكدبوا الإخلاص

مايهزكوش الكلام .. لو ييجى من هَـجَّـاص

طول الليالى باشوف .. نجم السما ثابت

والوقت لجلِـن يفوت .. لازم يكون رقاص
*
القاهرة فى يوم
الثلاثاء 15 يناير 2013
*
مع تحيات
الطبيب الشاعر/ د.محمد رزق

من رباعيات الطبيب الشاعر/ د.محمد رزق


عَـجز الموازنة فـَلـَس ..؛ والعجز كان من إيه ..؟!

والغدر لما اتحبس ..؛ لـَمِّ اللصوص حواليه ...!

ياتنـَفـِّـذوا خِطـِّـتى .. ياتسَــمَّـعونى صريخ ..؛

والعيشة لو بطيخ .. شـَـمَّام بيزعل ليـــه ...؟!
*
القاهرة فى يوم
الأربعاء 16 يناير 2013
*
مع تحيات
الطبيب الشاعر/ د.محمد رزق

من رباعيات الطبيب الشاعر/ د.محمد رزق


ياأرض ماتصدقيش ، ساقية ومش يتدور ..!

يانفس متوسوسيش ، قـَرَّب عليكى الدور ..!

حـزن السنين اتكـَتـَـب ..؛ واللى اتكتب حَـيكون ..؛

وان كنت لازم تعيــش ، حاول تـموت مَـســــتور ...!
*
القاهرة فى يوم
الثلاثاء 15 يناير 2013
*
مع تحيات
الطبيب الشاعر/ د.محمد رزق

من رباعيات الطبيب الشاعر/ د.محمد رزق


ماتعَـلـِّـميــش القـلم يكتِـب كلام جَـــــرَّاح
ماتعَــوِّديش الألـَـم يقـفِـل على الأفــــراح
ماتجَــرَّحيــش اللى كان فارد جـِـناحاتـُـه
ماتجَـرَّبيش الندَم سيبى اللى فات يرتاح
*
القاهرة فى يوم
الأربعاء 16 يناير 2013
*
مع تحيات
الطبيب الشاعر/ د.محمد رزق
*

من رباعيات الطبيب الشاعر/ د. محمد رزق


مادِد إيديه فى الهَوا .. ماسِك شَـواشِى الخوف ..
والحُـب مِـنـُّـه الـدَّوا .. بَس العَـتـَب عَ الشـُّوف ؛
ماتصـَـدَّقـيش ان انا .. حَ اصـبُـر على هَـجـرك ..
صَـدِّك جَـرَح مُهجـِتى .. والقلب كان ملهوف ...!
*
القاهرة فى يوم
الأربعاء 16 يناير 2013
*
مع تحيات
الطبيب الشاعر/ د. محمد رزق

من رباعيات الطبيب الشاعر/ د.محمد رزق


من فوق جبين القمر .. طالِـل شعاع نورك ... 
صَـعـبان عَـليه السَّـهَـر والتوهة ف بحورك ... 
قولـتـيلـُـه حُـبَّـك هِـنا ، قـَـرَّب ماتِـبعِـدنـيـش ... 
قـَـرَّب وشــاف الهَـنا والسَّــعـد فِ حضـورك ...
*
القاهرة فى يوم 
الأربعاء 16 يناير 2013
*
مع تحيات
الطبيب الشاعر/ د.محمد رزق
*

من رباعيات الطبيب الشاعر/ د.محمد رزق


النـَّـدل لو يـخـتِـشى .. مايجـِبش أى عيال ..!

والخـس لو يتحِـشى .. يـتـباع بنـُـص ريـال ..!

والكوسَــة من فـُـجرها .. قالت أنا المُـمبار ..؛!

مولـِـــد ودَقــِّــة زار .. والمهـرجان شـَــغـَّـال ...!
*
القاهرة فى يوم
الخميس 17 يناير 2013
*
مع تحيات
الطبيب الشاعر/ د.محمد رزق
*

من رباعيات الطبيب الشاعر/ د. محمد رزق


ماانـتِــش غريبة ، بس ليه متغربة ..؟!

وانتى الحبيبة ، لما تِـبقِــى مقـَـرَّبَـة ...

ماتفـَـكـَّـريش البعد عن نفسِــك بـراح ..

طعم الجراح جارح فى أول تجـربـَـة ...!
*
القاهرة فى يوم
الجمعة 1 فبراير 2013
*
مع تحيات
الطبيب الشاعر/ د. محمد رزق
*