لاتــَـذكـُــــــــــريـنى ...! ( للطبيب الشاعر/ د.محمد رزق ) ...

لاتــَـذكـُــــريـنى ...!

***

من كلمات

**

الطبيب الشاعر/ د.محمد رزق

*

*

 

لاتـَذكـُرى عِـندَ الـرَّحـيلِ مخـاوفى ..... 

ولـتـَذكـُـرى قلبى يخــوضُ هواكى

حيــــن التـَقـيـنا كُـنتِ كلُّ معارفى ..... 

هاجَ الهـــــوا فى مُـهجَـتى بـِلـِقاكى

هل تذكُرين الشـوقَ فى ليل الجَـوى ؟... 

والقـلـب يرجـــو عِــزَّهُ وعَــزاكى

هل تذكُرين الدمع فى عـين الأسَـى ؟...   

فاضـَت ســنينى قـَـسـوةً بـجـفاكى

هل تذكُرين رســــالةً مِن صَــبـِّـكِ ؟... 

دارت على نـَجـمى وفى أفــــلاكى

كُنـتى جـُـفاءًا راحِـلاً لايَـسـتوى ..... 

كُنـتى عَـنـاء الـقــلـبِ ماأقـســــاكى

فالـيـومَ أرجـو مِن غـرامى لحظةً ..... 

كَى أسـتـكـين وأحـتـوى ذِكـــراكى

خـيـرٌ لـقـلـبىَ أن يـداوىَ جُـرحَـهُ ..... 

لا أن يكـون مُعَــذَبـًـا أو شــــــاكى

لاتـذكُـــريـنى ، أهـدِرى أيَّــامَــنـا ..... 

لاتـكـتـَـوى يـومًــا بـنـار أســــاكى

إنـِّـى هـَجَـرتـُـكِ كَـى تكـونى حُـرَّةً .... 

فى طـردِ حُبى ، أغـلِـقى شِـــبـَّاكِى

***

**

*

القاهرة فى يوم

الأربعاء 19 ديسمبر 2012

*

مع تحيات

الطبيب الشاعر/ د.محمد رزق

 *

  

جـــــــوَّا الـطــــــــــــــــابـــور ...! ( للطبيب الشاعر/ د. محمد رزق )

جـــــــوَّا الـطــــــــــــــــابـــور ...!

***

من كلمات

**

الطبيب الشاعر/ د. محمد رزق

*

*

*

جـــوَّا الطـــــابـــور ..

والقــلب نازل زقــزقـة .. 

زى الطــــــــــيور...!

ســـــانـِد دراعى عَ الهـــوا .. 

وباصِـــص بعـــــــيد

شــُـــفت الـوشـــــوش مِـتـقـَـلـِّـبَة ،

زَى الجــــنود فى الـمـعـرَكة ..!

زَى الـشـــــهـيد اللى اتـقـَـتـَل ؛

يـمـكِـن نـعـيـش ..!

حَـطـيت لِـســـانى جــوَّا سَــقـف الـمَعـمَعـَة

والـمَـجـدَعَـة

قالِـت خلاص اكتِـب ( نـَعَـم )

ماتـرُدنـيـش ..

ياشـَعـب واقِـف يـرتِـجـِف جــوَّا الطــابـور

خايـِف من البَـرد اللى واكِل جـِـتـِّـتـَـك

أو م الغــــرور ..؛!

عَـلـِّـم على صـفـحِـة حـياتـَـك بـالأمل

وافـتـح قــنايَـة لـزرعِـتـَـك ؛

وافــتح طـــريق ...

وارفـع جـناحـك وافـردُه ، وخـَـلـِّـيك جَـرئ

واطـلع من الـقـُـمـقـُـم ورَفـَّـص فى الغـَريق ..!

دا الـمــوت جَـــبان ..

يـحـسِـــب حِـســـاب كِـلـمِة وطـَـن

لـــو فـَـجـر بــــــــان ..!

وانـتَ اللى كابـِـش ولـعِــتـَـك

وانـتَ اللى حابـِـس دَمـعِـتـَـك

والـصــبـر مِـش حَ يـمَـوِّتـَـك

ازرع وجَـهـِّــز لـُـقـمِـتـَـك

وارفــع جـبـيـنـَـك لـلـســـــــما 

وارفـَـــــــــــــع أدان ...

الله أكــبَـر يابـَـلـَـد ع َالـمُـعـتـدِى

الله اكــبَـر يابـَـلـَـد لــو نِـبـتِــدِى

نِـفـتـح فـصـول الـمعـرِفـَـة ؛ 

ونكتب .. أمـــــــــــــــــان ..

آن الأوان يادُنـيـتى نِـنـسَــــى الهـــوان

ونـقـابـِـل الـشــر اللى قـافِـل صِــدرنا 

ف وســــط الــطـــريـق

ونــرَوَّضـُـه ..؛ ونـهـَـذبـُـه ..

بـالحق نِـقـدر نِـغـلِـبـُـه 

ويـرجَــع صَــديـق

ونـكـَـتـِّـف الحُـزن اللى عَـشـِّـش عـنـدنا 

طــــــول الـســـنـيـن ...

يامَصـرنا ماتصـدَّقـيـش ان احنا مُمكِن نِـقـتِـلِـك

نـفديكى يامَصـر بـدِمانا وانـتى مايـلـَـة ونِـعـدِلِـك

والنيل ، بَـراحِـك والـسَــما 

والأرض فيكى بـنِـمـتِــلِـك

والقـلـب لـَـبـيَـض والــولاد الطـيـبـيـن

يامَـصـــــــــــرنا .. 

حِـنـِّــى عـلــيـنا وطـَـبـطــبى

وايِّــاكِى يــــوم تـِـتـغـَـرَّبــــى

أو تِـــهـرَبــــى

مِـن حُـضــــنِــنا

أو م الـطــــــــــــــــــابـور ...
***
القاهرة فى يوم السبت 
15 ديسمبر 2012
بعد العودة من الإستفتاء على دستور مصر الجديد
*
مع تحيات
الطبيب الشاعر/ د. محمد رزق
*
    

مُـحـال يـامَـصــــــر حَ نـســـــــيـبـِـك ..! ( للطبيب الشاعر / د. محمد رزق ) .

مُـحـال يـامَـصــــــر حَ نـســـــــيـبـِـك ..!
***

مِـن كلمات
**

الطبيب الشاعر / د. محمد رزق
*
*
*
وِثـَـــــورِة شـَــــعـب مِـن تـانِــى عَـلى الـظـَّـالِـم ،

عَـشــــــــــــــان الـغـَـدر يـِتراجـِـع ويـِتـحـاكِــم ..؛

ونِـعـرَف مـين سَــرَق عُـمـر الـشـَّــهـيد فيـهُـم ..!

ولـيـه ســــــايـبـين فـلــول الـشـَّــــرِّ بـِـتلاكِــم ..؟!

***

ومين مَحكوم ؟.. ومين حاكِم ؟.. ومين جانِى .؟!

ســــيـناريـو الـخـيـبَـة يـِتـكـَــرَّر ، ومِـن تـانى ..!

يـِـبان الـنـَّـدل مِـتـبَـسِّـــــم عَـلى الـشـَّـــاشـَــــة ..؛

ومَـصـــــــــر الـحُــــرَّة تِـتـكـَحَّــل بـِأحــزانـى ...!

***

بَـلاش فِ الـهـوجَـة نِـتخانِـق ، بَـلاش نِـتـهان ..؛

بَـلاش نِـفـتـَح طـَـــريـق تـانى لِـ كـُنـَّـا وكــــان ..!

ونِـســـمَـح لِـ اللى خـَـوزَقـنا يـِضــيف خـَـوازيق ،

ويـِتـسَــــحَّـب فِ وســـــطـيـنا كـَـما الـتـِّعـبان ...!

***
ويـِســـــــحَـبـنا نِـعــــاج نِـركـَــــع لأمـريـكــــــا ..؛

ويـِمـسَــــــــحـنا مِـن الـعـالـَــم بـِأســـــتـيـكـــــا ..!

ويـِـرفـَــــــــــع دَمِّــــــــنا رايَــــــــة ويـِـتــدَّارَى ...

فِ حُـضـــن الـثـَّــــورَة يـِـتـمَحـَّـك بـِـتـمحـيكـَة ...!

***
إذا كـُــنـتـُم ولاد الـنـِّيــــــل بَــــــلاش تـَماحــيـك ..؛

عِـنـيكـُـم كـُـلـِّـكـُم لازم تِـكــــــون شـَـــــــــبابـيك ..!

بـِـتِـفـتـَح عَ الأمَــــل تـانى ، وعَـهـــد الـخـــــيـر ...

وتِــعـزِف لـَحــــــن حُـــرِّيَّــة عَـلى الـمَـزازيـــك ...!

***

وتِـقـطـَــــع دابـِــــر الـفاسِـــــــــــــد وأعـوانـُـــــه ..؛

وتِـقـفِــل سِـــــــــــكـِّـة الـمـاضــــــى وأحــــزانـُـه ..!

وتِــزرَع أرضِــــــنا بَـهـجَـــة وحُـــــب ونـــــــور ...

وتِــبـنى الـمَـجـــد وتـثـَـبـِّـتــلـُــه أركـــــــــــانـُــه ...!

***

مُـحـال يـامَـصـــــر حَ نـســيـبـِك فِ إيــد أشـــرار ..؛

تِـحـابـِـى الـظـُّــــلـم ، وتـحــــاكِم شـَـــباب ثـــوَّار ..!

فِـــداكِـى كــُلـِّـــــنا .. عـيـشــــــى بأمـجــــــــــادِك ...

ورايـــِــــة حَـــقِّ مَـرفــــــوعَـة بـِـإيـــد أحــــرار ...!

***
**
*
القاهرة فى يوم
السبت 2 مايو 2012
يوم المسرحية الهزلية المسماة محاكمة القرن
*

الطبيب الشـــاعر / د. محمد رزق
*

أنـــــــــــــا الـــعَـــــــرَّاف ...! ( للطبيب الشاعر / د. محمد رزق ) ..

أنـــــــــــــا الـــعَـــــــرَّاف ...!

***
شعر
**
الطبيب الشاعر / د. محمد رزق
*
...


يـنام الـحِـلم لـَو صاحِـى ..؛ عَـلى الـمِـجـداف ..!
ويـِتـسـابـِق لِـبَـرِّ الـشـُّـــوف ، يـقـابـِلـنى ..!
ويـِدَّثـَّـر مِـن الخايـِن بـِألـف لـحاف ..!
ويـِتـعَـلـِّم يـكـون هـادِى ، بـِرَغـم الـويل ..؛
ويـِبـدُر حُـب فى الـوادِى ، يـِشِـــد الـحـيل
ويـِتـكـَلـِّم بـِصوت واثِـــق ، ومِـش بـِيخـاف ...؛
وانا حِـلـمِـك ، ومِـش نايـِم ،
ومِـش تايــِه ، ومِـش لـَفـَّاف ،
ولاضاع الـطريق مِـنـِّى ، ولـَكِـنـِّـى ..!؛
باحَـقـَّق حِـلـمِى بـِالـرَّاحَـة ، وفى الآخِــر ..؛
وشـَمـس الـحُـب فـَضـَّاحَة ، بـِتـِتـفاخِــر ..؛
وتِـكـشِـف كـُل شــئ فاسِـــد ، ويـِتـَّـاخِــر ..؛
وصـوت الـعَـقـل لـَـو صـادِق يـِبان شـَــفـَّاف ..!
وانـــا إبـنِـك ، أنــا المصرى ، وانــا الـعَــرَّاف ...!
***
أنـــا الـعَــرَّاف ..؛ أنــا إبـنِـك ..؛ أنــا الـمَـصـرى ...!
وميـن يـِعـرَف يـغـَنـَّـيـلِـك عَـلى لـَحـنى ..؟!
رَفـَعـت الـرَّايَـة وجـبـيـنِـك ، وانـا مَـحـنى ..!
ومِـش رايـِـد سِـــوَى إنـِّـك تِـضـُمِّـيـنى ،
تِـدِلــِّيـنى عَـلى جَـرحَـك ،
وانا حَ اقـدَر أكـون فـَرحِـك ،
ألـَمـلِـم كـُلِّ أحـزانِـك ، واطـَيـِّبها ،
واشـَخـَّـص كـُلِّ آلامِـك ، واطـَبـِّبها ،
واداويكى ،
واطـير بـيكى ،
واعَـدِّيكى الأمانى بـحــور ،
وافـَـرَّح مُهـجـِتِـك بـِالـنـُّور ،
ويـِكـفـينى أكـون مَـســـتـور ،
وانـا فِـيكـى ..؛
وادَفـِّـيكى ، بـِكـُلِّ الـحُـب ،
وَافـديكـى ..؛ بـِكـُلِّ الـغـالِـى ،
واحـمـيكى ،
وارُصِّ الـفـَرح مَـوَّالِـك ،
وارُدِّ الـغـَـدر لـَـو جـالِـك ،
واحِـبِّ الـصَّـبر لـَـو كانِـت ســـنـيـنى عـجاف ..!
وانا حِـلـمِـك ، ومِـش نايـِم ،
ومِـش تايــِه ، ومِـش لـَفـَّاف ،
ولاضاع الـطريق مِـنـِّى ، ولـَكِـنـِّـى ..!؛
باحَـقـَّق حِـلـمِى بـِالـرَّاحَـة ، وفى الآخِــر ..؛
وشـَمـس الـحُـب فـَضـَّاحَة ، بـِتـِتـفاخِــر ..؛
وتِـكـشِـف كـُل شــئ فاسِـــد ، ويـِتـَّـاخِــر ..؛
وصـوت الـعَـقـل لـَـو صـادِق يـِبان شـَــفـَّاف ..!
وانـــا إبـنِـك ، أنــا المصرى ، وانــا الـعَــرَّاف ...!
***


القاهرة فى
الجمعة 11 نوفمبر 2011
*


حبى وتقديرى واحترامى لجميع الشرفاء فى وطننا العربى الحر بإذن الله .
*


الطبيب الشاعر / د. محمد رزق
*

قـَـرَّب وجَــرَّب حُـبـِّـنا ...! ( للطبيب الشاعر / د. محمد رزق ) .

قـَـرَّب وجَــرَّب حُــبـِّنا ...!
***
من كلمات
**
الطبيب الشاعر / د. محمد رزق
*
*
*
هوَّا انتَ ليه خايف تكون من صُحبتى ..؟
والحب إيه غير الجنون فِ محَـبـِّـتى ..؟
قرَّب تعالـَى وحِـب ؛ صَـدَّق كِلمتى ...
شوف النعيم اللى احنا فيه ...!
قلبك بيعند بس ليه ..؟
وان كنت خايف مننا ..؛ قرَّب وجرَّب حبنا ..؛
قلبك حَ يـِبقـَى ف وِسطنا وحَ نخاف عليه ...
*
ليه تـِبتـِدِى سكة لـُقانا بالظنون ..؟
هىَّ المشاعر تِـحـلـَـى من غير الجنون ..؟
إفـرد جناحك وامشى ويانا الطريق ..؛
واسعد صباحك باللقا ويَّـا الصديق ..؛
وافرح معاه واتهنى بيه ...
قلبك بيعند بس ليه ..؟
لـَو كنت خايف مننا ..؛
قرَّب وجرَّب حبنا ..؛
قلبك حَ يـِبقـَى ف وِسطنا وحَ نخاف عليه ...
*
طب مااحنا زيَّـك مجروحين ، والحب لـوَّع قلبنا ..؛
ياما اشتكينا م الحنين ، ياما بكينا لوحدنا ..؛
وطلعنا منه كسبانين ، نِـعـرَف نِـطـَيـِّب جرحنا ..؛
نكتب روشتة بالدوا ،
ونعلم الناس الهوا ،
وازاى تعيش مرتاحة فيه ...
قلبك بيعند بس ليه ..؟
لـَو كنت خايف مننا ..؛
قرَّب وجرَّب حبنا ..؛
قلبك حَ يـِبقـَى ف وِسطنا وحَ نخاف عليه ...
*


القاهرة فى يوم الأحد
8 إبريل 2012
*
بالحب نرَى الوجودَ جميلا
فمرحبـًا بالحب والأحباب ...
*
*
الطبيب الشاعر / د. محمد رزق
*

الشعراء فى حداد على الشهداء : ( إبنك هيحضن كلمتك - للطبيب الشاعر / د. محمد رزق ) .

الشعراء حدادا على الشهداء : ابنك هيحضن كلمتك

***

محيط - خاص
من هناء مجاهد


واصل مخيم الإبداع حداده على الشهداء بمعرض القاهرة الدولى للكتاب ليوازى يوم الحداد فى ميدان التحرير وميادين مصر المحروسة.


وفى لقاءات شعرية متواصلة أدارها كوكبة من الشعراء


محمد محمود عباس
وعبدالعليم إسماعيل


والشاعر الطبيب محمد رزق




وعزف فيها الشعراء على أوتار الحزن
وأنغام وداع الشهيد
ووجع الوطن
والأحلام المحلقة لوطن معافى.


حاول الشعراء فى قصائدهم التعبير عن آنات الوطن
وهو يصرخ من تتابع أحداث قاسية تعيد أبنائه لنقطة الإحباط مجدداً،
كانوا قد عبروها فى ثورة يناير المجيدة
ولكن استمرار مسلسل الفوضى وإراقة دماء زهرات الشباب تعكس حقيقة
أن الحرية مازالت مصرة على أن تأخذ مهرها من دماء تراق فتصفى وهج الشباب والأمل فى كل المواقع، وبالضرورة فإن الشعر جزء أصيل من لحظة ألم يستشعرها كل أبناء الوطن
وهم يتجرعون كأس الحداد على شهدائهم فى بورسعيد.


وقدم الشاعر / عبدالعليم إسماعيل
يتوحد فيها مصر الوطن عبر قصيدته «الصبح»:


الصبح شروع فى قتلى
والليل ستار من وجع
والشعر سفين بيحرض
التيار
ويملؤنى وجد
أهجر مدناً من خوف
أصعد حلماً من ألف
أتوسط تاريخى
أمنح للنفس براءتها
وأجدد عهدا
أزرع للوقت سياجاً
يحمى أزهارى
من بطل ورقى
يترصدنى حقداً
ينصت سمعى لطيور الحكم
حتى لا يشرع صبحى فى قتلى
أوريح تعصف بى
فالشجر الصامت مذبوح
والناطق مأخوذ كمدا
يا من يصدق مثلى
هل يرضيك مآلى
مجدك من مجدى
وشرابك أن كان أجاجاً
أبدله بدمائى
ليعيد إليك ضياء مفتقداً
قيدك الوعد
فتوسط تاريخك مثلى
حى لا يأتيك الحلم مريرا
والعدل نشيداً مرتعداً
أدخلتك صرحى المائى بلابل
فأصدق فى الوعد
ترنح بالحلم
تبلغ منزلة لا تعرف حدا
تسكن جنبات لا تشعر فيها أبداً
*

وقدم الشاعر
الطبيب الشاعر محمد رزق




قصيدته : إبنك هيحضن كلمتك


الحب موت ، والهجر موت ،
الفرح موت ، والجرح موت ،
الجد موت ، واللعب موت ،
الصدق موت ، والكدب موت ،
مين اللى قاصد يشترى
للشمس والفجر اللى طالع يا بلد مليون تابوت ؟!
مين اللى قادر ع السكوت ؟
مين اللى خارب للبيوت ؟
مين اللى قالك غربينى ف سكتى ؟
مين اللى عايزك تهربى ؛ .. تتشتتى ؟
مين اللى راسم دمعتك ع الخد خال ؟
مين اللى طابع أنتك صورة وخيال ؟
مين اللى بيحاول يشوه بالألم سكة نضال ؟
يا مصر وحياة غربتك
ابنك هيحضن كلمتك ،
وإن موتونى لجل ترجع بسمتك ...
هاقبل ... وأموت ..!
*


وقال الطبيب الشاعر محمد رزق أيضاً
يصف موقعة الجمل


هاج الجمل لما اختاروه ، يدخل معانا المعركة !..
صوت السيوف لو تسمعوه ، هادر وعامل تكتكتة !
شد الجمل ودن الحصان
ضاع اللى راهن والرهان ..!
كان الشباب اللى اغتالوه ، رافض حياة الصعلكة ..!
*






وعزف الشاعرأحمد جمال


على روح الشهيد قصيدة «كفن ثائر» يقول فيها:


شموس محروقة فى النيران


نجوم مطموسة من سجان


طيور مجروح فى الجنة


بتستنى


سما صافية توكن وافية


عشان أحلامها فيها تطير


دموع أنار ما بتجفش


عشان تروى غيطان غيرها


عشان ضحكة عيال جيلها


وصوت مصلوب فى أرض البور


بيطرح كلمة تتفتح فيقطفها جناينى الزور


أمير و عبيد ف ليل سكوت






من الأشباح


ما يرحمشى خيوط بيضة


فانول أمل الصباح طله






وقدم الشاعر أحمد سالم قصيدة «السجين» يعبر فيها عن فضح النظام البائد وأحلام الثورة.. يقول فيها:






أصل الحكاية يا ناس


عهد وخلاص ولى


وسنينه كانت عجاف


قاسية قوى ومرة


لازرنا يوم فرحها


ولا شفنهوش مرة


نا كدة بخاف


نعمل فى يوم واجب


وإذا قلنا ده


اللى يكونيبقى الرأى


مش عاجب






وقدم الشاعر مصطفى خلف قصدية «هير الوطن» يقول فيها يا شهيد يا شهيد اسمك أغلى


بدم لحماسك أعلت البناء والشيد


25 تاريخ ميلاد الكل






آن الآوان ننسى الذل


شمس الحقيقة علينا نظل عطرنا كفن بلمسك والغل.






وقدم الشاعر حسين علام السوهاجى عدة قصائد «مربعات من فن الواو» و«لهم الخيار» ومن قصيدته «لهم الخيار» يصدح فيها:


من كتب ما بسمع خياركم


صبحت كاره للخيار


والفزع والفتى وكل أنواع الفيشار


وحلفت بمنع زرعته فى أرضنا


وأرع فى طينك يا وطن


شطة وتسعير


وأرزع فى طينك يا وطن


كل السلاح


يمكن يفوق يوم الضمير


أو يتولد فينا صلاح


يمكن نغير ونحس يوم على دمنا


ولا نثور


والنخوة تطرح عندما تطرح شجاعة


ونحرر القدس الشريفة والوطن من كل أشكال النطاعة






ومع الشهيد وذكراه لا يمكن أن ننسى الأمل والحلم فى تحقيق حلم الشهيد فى وطن غالى وهذا ما عبرت عنه الشاعرة أمل عامر فى قصيدتها «الحلم»:


وبتولد من قلب حلم المتعبين


وبتتبدر فراشات نجوم


تسبح فى دنيا الأمنيات


لما البشر


تنسج دموعهم توب وجع


تيجى مع بداية الحنين


زى الشهاب بتدق بابهم بالزمل تفرد ضياك بسماية فـ عيون الوجود


وترجع النبض اللى هربان من زمن


يتمد طيفك فى الليالى المجهدة


لما الشتا بيلم م الورد الغنا


تفرش عبيرك ينتشى


ويطوخ ورا ضلك


يعشش فى الدما


يا حضن مسكون بادفتا


لبلاب حنانك غطى تجاعيد المحن


افتح جراب روح


لآخر فرح فيك






وأطلق نسايم بهجتك


أوصل لآخر نقطة فـ حدود الشجن


وارسم هناك بسمة شفافيك وانتظر
 *


الشعراء حدادا على الشهداء : ابنك هيحضن كلمتك
محيط