بعد إذنك ياحبيبتى ...

بـَعـد إذنِـك ياحَبـيـبـتِـى 
*** 
زجل 
** 
من تأليف 
* 
الطبيب الشاعر / د. محمد رزق 
*** 
** 
*

 

بَـعـد إذنِـــــــــك ياحبـيـبـتِـى 
مِش حَ اقول عَـنـِّك كــــــلام 
الكـــــــــــــلام دا لـِيكى إنـتِ 
لـَجـل ماتعـيـشِـى ف سَــلام 
إجمَعِـى ولادِك فى حُـضـنِـك 
وامـنـَعِـيهُــم م الخِـصـــــام 
وادفـَعِـيهُــــــم لِـلعـَـلالِــــــى 
يـطـلـَعــــوا فــوق الحُـطام 
يـبـنـوا مَجـدِك فوق تـُرابـِك 
يـمسِــــــــكوا تانِـى الزمام 
يـكـتِـبـوا إســــمِـك بـِنـورك 
إســـــم نـَوَّر فِـى الظـَــلام 
*** 
بَـعـد إذنِــــــك ياحبـيـبـتِـى 
رايــح أقــولـِّـك كِـلـمِـتــين 
عَـن جَـمَالِــــك ياأمِـيـرتِـى 
عَـن قــــــــلوب الطـَّيـبـيـن 
عَـن غـَناوى الحُـب فِـيكِى 
لـَو نِـكـــــــون مِـتغـَرَّبــيـن 
عَـن هَـرَم خـوفـو وخـَفرع 
والخــلـود طـول الـسِـنـيـن 
والأعَـــــادى لـَـمَّا عـــادوا 
بَس عـــــادوا مَهـزومِـيـن 
وانـكِســارك وانـتِـصـــارك 
وانـتِـظــــــارك والحَـنـيـن 
*** 
مَـصــر ياأرض الحَـبايـب 
حُـبِّـنا فــــــــــاق الحِــدود 
اللـِّى حاضِر واللـِّى غايب 
واللـِّى عايـِش والجـِــدود 
واللـَّى ماتـوا فوق تـُرابك 
دَمُّـهـُم يـــــــــــزرع ورود 
واللـِّى لِـسَّـه جَنِين بيحلـَم 
إنـُّه يـوم يـوفـِى العِـهــود 
يـكـبَـر الأيـَّــــــــام ويقـدَر 
يـرفـَعِـك حَــــــد الخـلـــود 
والوجــود يعـرَف مَقامِـك 
مَـصـــــــر ياأُمِّ الوجــــود 
*** 
** 
*
 مع خالص تقديرى واحترامى لكم جميعاً
الطبيب الشاعر / د. محمد رزق

بَسَلـِّم كل شئ لله ...

بـَسـَــــــلــِّم كـُـل شــــــــئ لله 
*****
من تأليف
***
الطبيب الشاعر / د. محمد رزق

 
بـَـسـَـــــلــِّـم كـُـل شـــــــــــــــــئ لله 
وعـُمـرى ف يـوم مـاقـُلـــــــت الآه 
ويـحـلالـِى الـرِّضــــا وارضـــــــــاه 
ولـــَو شـــــــئ ضـَـرِّنـى بَـانـســــاه 
*** 
ومِـش أهـبَـل ولا مـجـنـــــــــــــون 
ومِـش تـافِـه ولا مَـفـتـــــــــــــــون 
ودايـمـاً اخـُـش فـى الـمَـضـمــــون 
ولـو خـان الـصَـديـق مـابـَاخـــــون 
*** 
وعـُـمـرى مـاكـُنـت مـَرَّه ضـَعـيـف 
وعـُـمـرى مـاشـُــفـت حَـد مُـخـيـف 
وبَـاعـرَف حَـقـِّـــــــى والـتـَـكـلـيـف 
وعَـقـلـِـى كـبـيـر وقـلـبـى نـضـيـف 
*** 
ومـِن صُـغـرى بَـاحـِـب الـخـيــــــر 
وعـايـش حُـر زى الـطـيــــــــــــــر 
بَـادوب واعـشـَـق واحِـب واغـيــر 
واصـون نـَـفـسـِـى وحَـق الـغـيــــر 
*** 
بـاخـوض أكـبَـر وأقـوَى حــــروب 
ولافـَكـَّـرت يـــــــــــــوم ف هـروب 
وبَـانـصُـر دايـمـاً المَـغـلـــــــــــوب 
واحِـب أكــــون فى وســط جـروب 
*** 
حَـيـاتـنـا كـُـلـَّـهـا مَـلـهــــــــــــــــاه 
وكـُـون ســـــايـر بـأمــــــــــــر الله 
عـقـول الـخـَـلـق لـــــــــو فـاهـمـاه 
تِـسَـــلـِّـم كـُـل شـــــــــــــــــــــئ لله 
*** 
** 
* 
خالص محبتى واحترامى لكم جميعاً 
 الطبيب الشاعر / د. محمد رزق

فى الليـــــــــــلادى ...!!

** فِى الـليــلادِى ** 
*** 
قصيدة عامية 
** 
من تأليف 
* 
الطبيب الشاعر / د. محمد رزق

 
لِـيلـَة واحدَة بـِعِـدتِـى 
فِـيها كـُنـتِـى زَيـِّى بـتِـشــــتِهـيها 
لِـيلـَة عِـشــت العُـمـر لِـيها 
لـَـــو حَ نِـرجَـع حَ نـلاقِـيها 
ضـَـلـمَـة ، وَحـشـَــة ، 
والـقـَمَـر غاب مِن سَماها ؛ 
لـَمَّا فاتِـت ، 
عِـشت عُـمرى اندَم عَـليها 
جَايَّة تانِى بَعـدَها تِبكِى اللى راح 
بـِتـقولِيلِى حُـبَّها يـشـفى الجـِراح 
ياللاَّ نِـسهـَر عَـندِنا الأيَّـام بَـراح 
نِـسـهـَر ازَّاى ؟ 
وانتِ كـُنـتى غايـبَة عَـنـِّى ، 
والـقـَمَر غايـِب عَـشــــــانِـك 
نِـرجَــع ازَّاى ؟ 
وانــتِ لـَمَّـا هـرِبـتِى مِنـِّى ، 
لـَم قِــــدِرت اعـرَف مَـكانِـك 
أمَّـا لـَـمَّـا كُـنـتِى جَـنـبـِى ... 
قـَلـبـِى قـالـِّـــك لـَحـن حُـبِّـى 
كـُنـتِى عايـشـَة جَـنـب قـَلبى 
تِـســــــمَعـِيـنِى تحِـسِّـى بـِيْه 
وامَّـــا كـُنـتِـى بـِتـناديـنى ... 
تِلـمَحِى الأشـواق فى عِـيـنى 
كـُنـتِى بـِالحُـبِّ تراعِـينى ... 
وتـقـولِـيـلِى اوصِـف بـإيه ؟! 
حُـــــبَّـك انـتَ أغـلـَى عَـنـدِى 
مِـن حَـياتـِى ودُنـيـِتِـى 
حُــب مِـتـعَـوِّد بـِـيـِـدِّى 
نـُور يـنـَوَّر مُـهـجـِتـِى 
سيبنا م الدُنيا وتعالَى 
ياللا دوب فِ محَبـِتِى 
مِـن يـومِـيها كـُنـتِـى لِـيَّا كُل حــــاجَه 
مِن يومِيها خـَدتِى مِنـِّى أغلـَى حاجَه 
خـَدتِـى قـَلـبـِى داب مَعاكِـى 
ســـابـنِى لـَمَّا داق هَـواكِـى
عَـــاش حَـياتـُه لِـيكِـى إنـتِ 
بالـغـَرام والـشـوق مَـلاكِـى 
مـِن يـومِـيها لـَـمْ بـِعِـدنا حَتـَّى لـِيـلـَة 
كان يطير الشوق واخِدنا بلاد جميلة
كُـنـت انـا فـَرحـان بـِحُـبـِّك ياحَبـيبتى
كُـنـت زارِع بالحَـنان مِلـيون خـَمِيلـَة 
والـلـيلادِى 
كـُنـت مِسـتـَنـِّى تِـجـِيـنِـى 
كـُنـت جـايـبـلِـك هِـدِيَّـــــة
وف ميعادى
إنـتِ رُحـتِى ونسـيتـينى 
والبـِعـاد طـَـــــوِّل عَـلـَـيـَّـا 
والساعادى 
كـُنتى لـَو جيتى تلاقينى 
والدموع ساكنـَة ف عِنـَيَّا 
والـسَـهَـر طـَــــوِّل مَـعـايا 
والقـَمَـر غاب مِن سَــمايا 
والـنجـــوم زعـلِـت عَـلـَيَّا 
كـُنـت حـاسِــس بالأمــان 
والسَّعد كَلـُّه فى الليلادِى 
كـُنـت واهِــــب م الحَـنان 
والحُـبِّ كـُلـُّه ل الـليلادِى 
وانتظرت ان انتِ تيجى ، 
بَـس ياخـسـارَه مِيـعـادى 
اتـنـَسَى زَىِّ اللى راح من حُـبِّـنا 
والجـِراح حَلـِّت مكان يوم فرحنا 
شـُفتِـى لِيلـَة بتِعمِل ايــه ؟ 
شـُفتِـى فِـيها إيــه وإيــه ؟ 
فِيها فـُرقة ، 
فيها حُرقـَة ، 
فِـيها لـُوم ، 
والعـيـون ماشافِـتـشِ نـوم 
راجعَة لِـيه بَعـد الليلادى ؟ 
تانِـى بـِتـمِـدِّى الأيـــادى !! 
بـِتـقـولِـيلِى انـسـَى الـلى كــــــان 
حَـتـَّى لـَو حَ انـسَـى ، الزمان !! 
مِـش حَ يـنـسَــى إنـِّـنا ؛؛ 
يـوم جَـرَحـنا بَـعـضِـنا ؛؛ 
والـغـَرام ضــــــاع مِـنـِّـنا 
عارفة ليه ضاع الغرام ؟ 
انتِ عارفـَة بـَس ناسـيَة 
كـُنـت انا آخِـــــــر هَـيام 
وانتِ كُنتِى عَلـَيَّا قاسـيَة 
كُـنـت انا دايـب مَعـاكِــــى ، 
وانتِ دايـبَـة ف حُـبِّ تانِـى 
كـُنـت مِـسـتـَنـِّى لـُـقـاكِـــى ، 
وانـتِ تـايـهـَة عَـن مكانِـى 
كـُنـت باتهـَنـَّى بهَـواكِــــى ، 
وانـتِ تِـتهَـنـِّى بهَـوانِـــــى 
شـُفتِى لِـيه الحـُبِّ ضـــاع ؟ 
قـَلبـِى لِـيه عاش الضـَياع ؟ 
انتِ عارفـَة ، أيوَه عارفـَة ،! 
حَـتـَّى جَـايـَّة تـقـولِـى آسفـَة 
بِـس قـَلـبى لـُه كـُرامَة ، 
ع الخِـداع حاطِط عَلامَة 
يـامَا أخلـَصــلِـك ويــاما 
لـَمَّـا شاف م الناس مَلامَه 
كان يقـول مِش راح تخونـِّى 
فِـيـن تِـلاقِـى أحَـــنِّ مِـنـِّى ؟! 
بَـس بـِيـكِـى الحَظ خانـنـِّى 
حَـطـِّنِـى ف سِـكـِّة نـَدامَــة 
أيـوَه بانـدَم 
ع اللى راح من عُمرى لِـيكِى 
أيـوَه بازعَـل
لـَجل قـَـلـبـِى حَـسِّ بـِيـكِــى 
بَـس لـَـو يــوم ح الـتِـقِـيـكِــى 
مِـش حَ اجـيـب الـلوم عَليكى 
أصـل كُـلِّ الـلـــوم عَــلـَـيَّا ، 
بَـس انـــا اتعَـلـِّـمت غـَـالى 
لـُـو تـِشـوف طِـيـفِـك عِـنـَيَّا ، 
لا انـدَهِـك ولا اقول تعالِى 
فى الـليلادِى ... 
بَعـد مااتعَـلـِّمت مِنـِّــك 
حَ انـسَى حُـبِّـى ، 
كُلِّ شئ يربُطنِى بيكى 
م الــليلادى ... 
بَـعـدِ مااتـأكـِّـدت إنـِّك 
مِـش لِـقـَلـبـِى ، 
لـَو حَ ادَوَّر ح التِقيكِى 
للقـلوب الهايمَة تِـــــروِى ، 
بالحَـنان بَـس بخداع ! 
مِش حَ الومِك بَس نِفسِى ، 
تِـســــمَعِى كِـلمِة وداع 
زَى ماانتِ بـِعـتِى حُـبِّـــى ، 
لِلغـَرام انا قـَلبـِى باع 
رايح اسيبـِك ، 
بَس بَعد مااقول كَلام 
مِش حَبيبـِك ، 
أو كَلام حُـب وهَـيام 
الكَـــــــــلام دا لِـيكى انـتِ ، 
بَـس ياريــت تِفهَمِـيه 
لـَو تِحِبِّى تعيشِى عُـمرك ، 
شوفى قـَلبـِك طـَهَّريه 
لـَو يحِس ف مَرَّة قـَلـبـِك بالمَعانِى 
بَعـدَها يمكِـن تِـلاقِى الحُـبِّ تانِـــى 
واللاَّ حَـدِّ يحِـس بـِيكِى ، 
وانـتِ دايـماً تِـسعِـديـــه 
الوداع بَـس اوعِى تِـنسِى كِلـــمَة مِنـِّى 
إوعى تِـنسِى إنـِّى سِبتِك غـَصب عَنـِّى 
ح انـسَى عُـمرى كُـلـُّه بـِيكِى ، 
بَـس مِـش حَ انـسَى الـليلادِى 
راح تِـكــــــون دايماً مِـيعـادِى 
والقـَمَر سَــــهـران مَعـايا 
نِـفـتِـكِـر نـَفـس الحِـكايَـة 
بَـعد ماوصِـلـنا النـِّهايَة ؛ 
فِــى الــليلادِى ...
 *** ** * 
خالص محبتى واحترامى وتقديرى لكم جميعاً 
الطبيب الشاعر / د. محمد رزق

أولادى مش لاقية بيت ...

أولادى مِــش لاقـيـَــــــــه بـيـت...!
***** 
من كلمات 
***
الطبيب الشاعر / د. محمد رزق
 *** 
واقِـف هـِـنا بعـدِنا 
قـول ييجى ألف نـَفس 
جُـوَّا الطابور كُلـِّنا 
نازلين فى بَعـض رَفـس 
والأرض من تحـتِـنا 
مخفوسَه وزايدَه خـَفس 
وهناك بعيد عـَنـِّنا 
ناس هايصَة ونازلـَه رَقص 
*** 
باتمنـَّى م المهرجان 
إنـِّى أطول شـَــــــقـَّه 
لو بَـس أربع حيطان 
ومش هاقول لأه 
تِقـفِـل عَـلـَيَّا البيبان 
تحمينى م السِرقه 
ماهو إيه مُراد الجَعان ؟!! 
لـُقـمَه وحِفان دُقـَّـه 
*** 
وصَّانى أهلى أعيش 
مُخلِص وحـَقـَّانى 
واطلـُب حقوقى وماليش 
فى الدُنيا شئ تانى 
مااسكُتش ع التهبيش 
والحَـقِّ عِـنوانى 
باصرُخ ومايهمنيش 
من ظـُلم ولا جانـِـــــى 
*** 
وسنين باحارب واشوف 
إللى سَرَق واغـتـَنـَىَ 
ما دول عددهم ألوف 
واكتـَر كتير بَـس انا 
نِـفـسى العزيزه تعـوف 
إنـِّى أطول دا الهنا 
قالوا ياخويا دا خوف ! 
دا خوفى من رَبِّـنا 
*** 
والشمس غابت علينا 
جوَّا الطابور ياكِرام 
هانت خلاص وبإيدينا 
هنحقق الأحلام 
والسَعد يوصَـل إلينا 
ونصالِح الأيَّـام 
وتقول قلوبنا الحزينة 
نـُلنا خلاص المَرام 
*** 
أخرة دا كُله لـَقيت 
قـَبلى كتير حاجزين 
قالـِّى الموظف ياريت !! 
هنجيب أماكن منين ؟! 
وسمعت منه وبكيت 
ورجعـت تايه حَـزين 
أولادى مش لاقيَـه بيت 
تِـدَّارى فيه م السنين 
*** 
من ديوان 
( قلوب الناس بتتكبر ) 
*** 
خالص محبتى وتقديرى لزوار المدونة
 الطبيب الشاعر / د. محمد رزق

** شـُفـت الفـَرحَـة **

**شـُفـت الفـَرحَـة **

*** من كلمات ** الطبيب الشاعر / د. محمد رزق *** ** *

عِـشـت ياقـَلـبى وشـُفت الفـَرحَة

شـُـفـت الفـَرحَة ف كـُل مَكــــان

كـُـنـت انا فاكـِر إن الدُّنـيــــــــــا

دايــماً تِـلعَــب بالانـســــــــــــان

بـَس عَـشـــــــان دَوَّرت لـقِـيـــت

حُـــب وأهل وصُحـبَـة وبـيـــــت

واحلِـفـلـَك عُـمرى ماحَـبِّـيـــــــت

ولا هـَنحِــب ياقـلـبى كـَمـــــــــان

زى الحُـب اللى انتَ لقــــــــــيتـُه

جُـــوَّا القـَلـب اللى انا حَـبِّـيـتـُـــه

ما انا حَـبـِّيت الـدَّنـيا بحـــالــــها

كـُل آمالـِى الحـِــلوَة باطولــــــها

جـُــوَّا عـيون حِـلـويـن ويـاريـت

كـُلِّ الـدُّنـيــا تحِـــــــب يـاريــــت

=======

بَـعــــد ماكانِـت كـُلِّ سـنِـيـنـَــــك

قـَسـوَة ياقلبى الجَـو اهــــو راق

شـُفـت عيون حِلوين واخدِيـنـَـك

أجــــمَل عالـَم لِـلعُــشــَّـــــــــــاق

شـُـفـت الـنـور فِ عـيـونِ الكـُـل

واتـبَـســـِّـــمـلـَـك وَرد وفـُــــــــل

واهــو فـَجـر الأفـراح بـِيطـُــــــل

يســـــــأل عَـنـَّك ويقــول بـيـنـــا

نِحـضـُـن كـُلِّ الكـُون حَوَالـِيـنــــا

خـَلـِّـى الـناس تِـفـرَح وتـغـَنـِّــــى

لـَمَّا حَـبـيـبـى يقـَرَّب مِنـِّـــــــــــى

وعـيـونـُه الحِـلـوين واخدِينـِّـــــى

لِـلأفـراح طِـرت وغـَنـِّيـــــــــــــت

ماانا حَـبـِّيـت الـدُّنـيـا بحــــــالــها

كـُلِّ آمالـِى الحِــلـوَة باطـُولـــــــها

جـُوَّا عـيـون حِـلـويـن وياريـــــت

كـُلِّ الـدُّنـيـا تحِــــــــب يـاريــــــت

=======

***

**

* خالص محبتى وتقديرى واحترامى لكم جميعاً أخوكم / الطبيب الشاعر / د. محمد رزق

مِتغـَرَّبـِيــــــــــــــــــن ..

مِتغـَرَّبـِيــــــــــــــــــن *** من تأليف ** الطبيب الشاعر / د. محمد رزق * الغـُربَة مِش بَس اغتِراب فى الغـُربة يقـفـِل كُل باب بَس اللى مَمكِن يـنفِـتِـح باب الدموع ، باب العَـذاب *** الغـُربَة ليل مُظلِـم رَهيب ينهَـش مشاعرَك زَى ديب والبعد عن قلب الحبيب يكتم فى أنفاس البشر يستـَنجـِدوا لـَو بالحَجَر يتـنـَفِـسوا حُـزن وأسَى والفرح ولـَّى واتنـَسَى بَـس الألم يفضـَل قـَريب *** مِتغـَرَّبـين عَـن أهـلِـنا عـَن نـَفـسِـنا ؛ عَـن حُـبِّـنا عـَن حِـلمِنا ، عـَن قـَلـبـِنا عـَن كُل شئ بـِيضـُمِّـنا بَـس اللى باقى نعيش عَـليه نرجع ونحضن أرضنا *** ** * خالص محبتى واحترامى وتقديرى لكم جميعاً أخوكم / الطبيب الشاعر

** تعـــــــالـِــى ...

** تعـــــــالـِــى ... *** مِن تأليف ** الطبيب الشاعر / د. محمد رزق *** ** *

تـعـالِـى ماتخافـيـش مِـنـِّى ؛

تـعـالِـى ماتـقـولـيـش عَـنـِّى ؛

خـَلاص قـَلـبـِى أنا مَجـروح !

وقـولـِى إيـــه بـِتِـتـمَـنـِّى ؛

وبَـس الأوِّل اســـتـَنـِّى ؛

أصَـفـِّـيـلِـك كَمان الروح .

صَحيح قـَلبى أنا شايل ؛

هموم العُمر

وطال الليل عَلـَى حُـزنى ؛

وغاب الفـَجر

صَـحيح قـَلبى انكَوَى مِنـِّى ؛

مَعَ الأيام

ولاباسمَع فى يوم لـَحنِى ؛

ولا الأنغام

ولـَكِن لـَو حَ اشوف فـَجرى ،

حَ اقوم وأجرى ؛ عَشـَان ألقاه ،

وباتمناه ، ياخـُدنِى معاه ،

يفـَرَّحنِى ؛ يرَيَّـحنِى

مِن الأوهام

صَحيح الكون يـبان ضـَلمَه ،

ولـَكِن لِـسَّـه قـَلبى ف نـور ..!

وزارع أرض عُـمرى سرور

وفاتِـح فـيها مَجرَى بحـور

ولا بتِخلـَص ، ولابتِـفرَغ مِن المَيَّـه

ومِـش مَـيَّـه !! ولـَكِن شوق وحِـنـِّيَّـه

لِـكُلِّ الناس ؛ وباوهِـبـها

ونِـفـسِـى ف يـوم أجَرَّبها

ومش بالقـَى قـلوب بـِتحِـن ،

قـلوب الناس تـَمـلـِّى تـإن

هموم الناس فى قـَلبى تـطِـن

يقوم قـَلبى يـشِـيل عَـنها ، ويملاها

أمَـل أفـراح ، ويلقاها

تفوت لـُه جراح ، وينساها

وتِـرجَع تانِى نـَفس القِـصَّة تِـتكَرَّر

ونـَفـس الـدُنـيا بـِتـمَـرَّر

وماتصونـِّيـش وبـِتخونـِّى

والاقِـى الكُـل بـِيـلـومنِـى

يـقـولولِى ماتِـتـألـِّمش !!

عَـشان جَـرحـَك مابـِيعـَلـِّمش

يـضِـيع عُـمرَك ماتِـتعـَلـِّمش

وافوت اللـُّوم وأبقـَى وَحِـيد ،

وافـَكـَّر تانِـى فى التـَّجـديـد

ويـبدأ عَـقـلِى فى التـَّشـديد

يـقـولـِّى حاسِـب الأوِّل

عَـشان الحُـزن بـيـطـَوِّل

وكـُلِّ الـناس بـِتِـتحَـوِّل

وتِـرجَـع كـُلِّ مَرَّه شـَهـِيـد

أقـولـُّه لأ ؛ ماتِـمنـَعـنـيـش ،

دا انا فـَنـَّان

ومِين يقـدَر لِـوَحدُه يعـيش ؟!

يكون إنـسان ؟

صَحيح الحُـب شِئ غـالى ،

ولـَكِن لِـسـَّه مَوَّالِـى

باغـَنـِّى فِـيه ، واغـَنـَّى بـِيه ،

غـَناوى الحُـب عَ الأرغـول

يقولـِّى إيه ؟ يقولـِّى ليه ؟

أقـول تـانِـى ، وهُـوَّ يـقـول !!

وسَـلـِّمـلِـى ؛!

خـَلاص العـَقـل سَـلـِّمـلِـى

وانا سَلـِّمت أحلامِـى ؛

لأوهـامى وأيَّـامِـى ؛

وطِـيفـِك بَـس قـُدَّامِـى

وبَـانـدَهـلِـك بـِأنـغـامـِى

تـَعالِـى أضـُم أفـراحِـك ،

وأدفِـن فِـيها أحـزانِـى

ومِـش حَ تعـودِى بـِجراحِك ،

مَعـاكِـى حَ ابتـِدِى تـانِـى

عَـشان قـَلـبى بـِيـِرتاحـلِـك ،

وانا شايـِف مَعاكِى الفـَجـر

بـِسِـر الحـُبِّ صَرَّحـلِـك ،

وواهِـبـلِـك حَـنـين العُـمر

وباتمَـنـَّى يـكون قـَلـبـِك ،

حَـنون بـِيَّـا يـشـيـل هَـمِّـى

تـَعالِـى قـَرَّبـِى يَـمِّـى ،

وكُـونِـيـلِـى كَـمَا أُمِّـى

تِـلاقـِيـنِـى حَنان وبَـراح ،

تِـلاقِـى كُلِّ خوفِـك راح

ونِـدخـُل جَـنـِّة الأفـراح

عموماً لِـسَّه قـُدَّامِـك

لـَيالى كـتِـيـر

حَ ازورك لـَو فِى أحلامِـك

بـِحُـب كبـيـر

وح القاكِى فِى يـوم جَايَّـه ،

تِـقـولِـيـلِـى أنـا هِـيَّـه

فـَتاة أحلام بـِتِـهــواها ،

وشايلـَـة الحُـبِّ جُـوَّاها

آدِيــك دِلـوَقـتِ وَيَّــاها

ومِن يومها ح اعـيش ليكى ،

واكون بـِالحُب راعِـيكى

وحَ اقـدَر يوم أنـَسِّيكى

أنِـيـن قـَلبى اللى كان منه ،

بعادك طال

واقــــــول مَـوَّال ؛؛

واغـَنـِّى فِـيه

أغانِـى الحُـب مِـن تانِـى ،

وحَ اوصِـف بـيكى عِـنوانِـى

وحَ ادفـِن فـيكِى أحـزانِـى ،

ولايُـمكِـن حَ اعـود تانِـى ؛

إلـَى الأحـــزان ...

حَ اكـون فـَنـَّـان ،

واكـون إنـســـان

واكـونـلِـك أحلـَى عُـمر كَمَان

لِحَـد الـيوم دا حَ اسـتـَنـَّى ،

وحَ اسـتـَنـَّى

وحَ امنـَع قـَلـبـِى يـِتهَـنـَّى ،

و حَ اتـمَـنـَّـى

أشوفِـك حَـتـَّى فِى الأحلام ،

وانام وارسِم عَـليكى مَـنام ،

وانادِى عَـلِـيكى مِـش بـِكَـلام ..!

بـِأفـراحِى ؛ وأيَّـامِـى ،

واقـولـِّـك وســـــــط أحـلامِى

تـَعـَــــــــــــــالـِـى ...

***

**

*

خالص محبتى لكم جميعاً

أخوكم / الطبيب الشاعر