الطبيب الشاعر / د. محمد رزق .

مَعـرَكـِـــة الجَـمَــــــــــــــــل ...!

مَعـرَكـِـــة الجَـمَــــــــــــــــل ...!

***

من كلمات

**

الطبيب الشاعر المصرى/ د.محمد رزق

*

*

المشكلة .. إن الجمل

سابق فى معركة الجمل

والشعب كان سابق لطــوخ ..!

بالوحدة والخير والأمل

*

ضاع الأمل وسط الخراب

والكل تايه فى الضباب

يرضى الهوان ، يمسح فى جوخ

يرقص وسايق فى الهبل

*

والكل قام شال السلاح

واللى اتبنى اتـهَـدِّم وراح

والشر نـَشـِّـن ع النافوخ

مات اللى راكب .. والجمل

*

خُـماســــــــــــــــــــــــية .. تـعـظـيـــم ســـــــــــــــــــــــلام ...

تـعـظـيـــم ســـــــــــــــــــــــلام ...

***

خُـماســــــــــــــــــــــــية

**

للطبيب الشاعر المصرى/ د.محمد رزق

*

*

فَـضـفَـضَـة مِـش بالكـــــــــلام ..؛

بالمـشـــــــاعِــر والمَـعـانى

صَـحـصَـح القـــلب اللى نــــــــام ،

عَـشـِّـــمو  بالحُــب تــــانى

مِـــد إيـــــــدك بالســــــــــــلام ..؛

والمَـوَدَّة و بالأمــــــــــانى

لـــو جَـعـان اربُـــــط حِـــــــزام ..،

مِـش حَ تِـشـبَع لـو أنــانى

كُـلـِّـنا تَـعـظــيم ســـــــــــــــلام ..؛

للـشـَّــهـيد الأوَّلانى .....

*

والـوَجـَـع سِـــــــــــر الحـــياة ...!

والـوَجـَـع سِـــر الحياة ...!

***

من كلمات

**

الطبيب الشاعر/ د.محمد رزق

*
*

هَمِّ ييجى وهَمِّ يمشى
علمونى اسهر مانامشى
والسهر عَـلـِّم فِ رمشى
والوجع طب إيه دواه ..؟!
*

قـُلت آه يمكن تِـكـَفـِّـى
كـُنت باصرُخ رغم أنفى
م الوَجَع إيه اللى يشفى ..؟!
مش مِكـَفـِّـيه ألف آآه ..!
*

والأمل مربوط قصادى
والقمر سهران وعادى
والنجوم مَـدَّا الأيادى
بس مش عارفة اتـِّـجاه
*

تاهت الأفكار معايا
تِـبـتِــدى منين الحكاية
زى ماتكون البداية
تِـبـتِــدى بعد الحياة ..!
*

ماتت البسمة البريئة
والحِـداد واقِـف دقيقة
والدموع كانت جريئة
قـَـدِّمِت للموت عَـزاه ..!
*

القاهرة فى يوم
الجمعة 30 أغسطس 2013
*

مع تحيات

الطبيب الشاعر المصرى/ د.محمد رزق
*

طـَبـعاَ مِـش فاهـــــــــم ...!

 

طـَبـعاَ مِـش فاهم ...!

***

من كلمات

**

الطبيب الشاعر/ د.محمد رزق

*

*

حِـلمَك مرسوم فوق تنهيدَة .. تحت القـُضبان ..!

خايف ؟. مظلوم ؟.، دنيا جديدة .. بس بـتِـنجان ..!

ماتقوم تكتبلك تغـريدَة .. والكون نعسان ...!

*

وتبـَطـَّـل تِـحـسِــب مِـشـــوارَك أيام وســـنين ..!

وتعـيش مِـتـغـَرَّب عن دارَك وسط التايهـين ..!

لأ حاول تِـكـتِـب أشعارَك والناس فاهـمين ...!

*

هات المزمار واعزف تانى لحن العشاق ..!

وارسم مشوارك بأغانى واوصف أشواق ..!

واعقل واتجنن فى ثوانى وانسى الأخلاق ...!

*

فى الشارع ماشى ومش دارى ؛ يجرالك إيه ..؟!

يجرالك زى اللى جـَرالى .. حَ تفكر ليه ..؟!

عايش أو ميت ..؟ مش فارق .. بس نعديه ...!

*

يومك حَيفوت زى السابق لـو كان مكــتوب..!

بـَطـَّـل تتشائم واتفائِـل واشــــرب مشــروب ..!

نِعـناع بالكُـفتة وبالكارى وسُـكر بيدوب ...! 

*

حَـزِّم أفكارَك ، مش لازم تِـربُـط بحـــزام ..!

واكتم إحساسك .. أنفاسك ؛ واتغـَطـَّى ونــام ..!

وامـنع أحلامك ، أيامَـك مش دى الأيــــــام ...!

* 

فـَـاهِـم ؟!.. تتألم وتعانى وازاى حَـتعيش ..؟!

فين المظلوم ..؟ فين الجانى ..؟ فين الدرويش ..؟! 

طبعاً مش فاهم ؛ لو فاهم ... ماتكلـمـنيش ...!

*

القاهرة فى يوم الجمعة

2 أغسطس 2013

الرابع والعشرين من رمضان 1434هـ

*

الطبيب الشاعر المصرى/ د.محمد رزق

*

وإرهابـــــــــــــــــــــــــــــــــــــــــــــــى ...!

وإرهابـــــــــــــــى ...!
***
من كلمات
**
الطبيب الشاعر/ د.محمد رزق
*
*
*
وإرهابى ..؛ يقول إرهاب .. 
ويفتح نار على أهله
ويقتل طفل كان واقف بيتفرج ، 
ومش قادر يقول كلمة ..
وليه تقتل ..؟ 
مادام الحق بيمينك ..؟!
وليه تفرض علينا الموت ..؟
سياسة إيه ؟ ؛ 
وجيش مصرى بيحميها من الأعداء ؟
ومين أعداء ..؟ 
ولاد بلدى ..؟!
ومين يبقى الصديق فينا ؟!
إذا صَـدَّقت إرهابك ، 
وأصحابك ... 
وشوش كانت بتحكمنا .. 
زمان العار ..!
ومات ثوار على أديهم ،
وكان مفروض تعديهم ..
طريق النار ...
وليه اخترت تدفنهم ،
وترجع بالزمان تانى ..؟
وأحزانى ... 
سنين وسنين ..
وفرحة كل أعدائى ،
بتتلـَوِّن على الجدران ،
وتحرق ثورة الأحباب
شموع بتقيد ..
ودم شهيد .. 
بيكتب كلمة الإرهاب .. 
على الثورة اللى كانت يوم حلال فيهم
أغانيهم .. 
ملاها الدم طول عصرى
وانا المصرى ..
ورافض تزرع الإرهاب ،
وتقتل بيه ولاد بلدى ،
وتنصر كلمة الظالم على المظلوم
وتتباهَـــى ..
بإنك خدت تفويضك ...
بـِقـَـتل الناس ...؛
وإرهـــــــــــــــــــــابى ...!
*
الطبيب الشاعر/ د.محمد رزق*
القاهرة فى 
يوم الجمعة 26 يوليو 2013
الموافق
السابع عشر من رمضان 1434 هـ
*

يوم انتكاسة ثورة يناير العظيمة بأيدى الثوار
*

ملحـــــــــــــــــــــــــــــوظة :
***

كلمة إرهابى فى القصيدة

معناها
إثارة الرهبة فى نفسى
أو تخويفى حد الرعب
*

حِـكــــــــــــــــــــــــــــاية مَـصـــــــــــــــــــــــــــــــــــــــــــــــــر ...!

حِـكــــاية مَـصــــــــــــــــر ...!

***
من كلمات
**
الطبيب الشاعر/ د.محمد رزق
*
*
حِكــاية مَـصـــــر ياســـادَة ، حِكاية خــــير ...!

بـِيـِتـوَزَّع على الأشــــــرار ،

وعَ الأخــيار تفوت اللـُّـقـمَة مَـســـمومَة ،

وتِـتـغـَـمـِّـس بـِـدَم شـــهـيد ..!

وغايـِـة مُـنـيـِـتـُه كانت أمـان يـِلــقاه ،

وبيت يفتح شـَـبابيكُه على الأهـرام ،

وعَ الأزهر ، 

وعَ الدير اللى كان عيسى 

بـيـعـبُـد فيه إلاه واحِـــد ، 

وكان موسى يواجـِه شــــر من فـرعــون ،

وســاحِـر لـما خاب سِــحـرُه .. سَــجَـد لله
*
حِكــاية مَـصـــــر ياســـادَة ، حِـكـــاية آآه ..!

يقولها الشعب من غـُـلبُه ، 

ومن قلبه اللى بات مكسور ،

من الحُـكام ومن ويل الألم والخوف ،

وعـَـز الشـُّــــــوف ،

وعين الكل مشغـولة عن الغلبان ،

يموت عَـيَّــان ، يموت عِـريان ،

يموت مقتول ويـِتكـَـفـِّـن بـِتوب مقطوع ..؛

ويورث إبنـُه مِـشــوارُه ، وباب مـقـفول ..

ولما يقــول : حرام .. نِـفـتح عليه النار ،

ونطرد أمه واخواتـُه ونِـخلى الدار ..
*
حِكــاية مَـصـــــر ياســـادَة ، مش استعمار ..!

بيدخل مصر ويرحب أكابر بيه ،

يدارى الشمس عن أرضى جـِدار يبنيه ،

ويبنى السد فوق نيلى عشان يلغيه ،

ويفتح فى القلوب طاقة لضرب النار ،

ويركب شعبى ويقولوا :

مش استحمار ..!

يطاطى الكل ويعدى الأمير منفوخ ،

ويكتب يافطة فى الشارع .. لِـ بنها وطوخ

لطوخ راكبين مواشينا ، 

ومين فينا اللى عـَـدَّى ؟! .. لطوخ

وتاه الحق فى السكة اللى تاهِـت بيه ...
*
حِكــاية مَـصـــــر ياســـادَة ، حكاية ليه ..؟!

بتحرق غيط وتتباهَى ، بإنك سِــيد

وإن الكل ح يكونوا ، 

عبيد ، خـُـدَّام لمولانا اللى هـَد البير ،

وزارع لقمة الساكت مرار منقوع ،

ومش قادر يدغدغها ، ومات م الجوع ..!

وقبل الموت كتم آهَـة ، وقام مفــزوع ..؛

خرج غضبان وقال رافض أكون مخدوع ..

من الأسياد وم الخالع وم المخلوع ،

وشايل فى القلوب راية وحب كبير ،

ومات مقتول ، 

ومين شاهد ..؟ .. ومين بيدير ..؟!

جنازة شعب من رابعة وم التحرير ..؟!
*
**

الطبيب الشاعر المصرى / د.محمد رزق
* 
القاهرة فى يوم الأحد 28 يوليو 2013
الموافق
التاسع عشر من رمضان 1434 هـ
*

يقول رب العزة سبحانه وتعالى :
( وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ )
( سورة المائدة .. الآية 2 )
صدق الله العظيم