من رباعيات الطبيب الشاعر/ د. محمد رزق

مِـش كـُل شـــــئ مَكـتوب عَلى جـبـينى ،
بَاقـدَر أشوفـُه لـَـو يعِـزِّ الـشـُّوف ..!

وان كـُنت أدَّ الحُـــــــــــــــب .. حِـبـِّـينى ،
وانسِـى المآسى كـُلـَّها والخـوف ..!

ماشى ف طريقى ، بَس مِـش واصِل ..؟!
تايـِـه مابـين الـوَعـد .. والحاصِـل ؛

يامَـصــــر عـودِى ، واحـفـَظِـى عَـهـدِك ،
فوقِى لعيالِـك واعـمِلى مَعروف ...!
*

القاهرة فى يوم

الجمعة 1 فبراير 2013

* مع تحيات
الطبيب الشاعر/ د. محمد رزق
*

من رباعيات الطبيب الشاعر/ د. محمد رزق

 

ياكـُل عاشِــــق بَـس مِـش طــــــايل ،

لازِم تِـسـامِـح ، واسأل الـمَعـشـــوق ..!

ســـــــاعِة مانــــور الـبَـدر يـِتخايـِل ،

تِـحـلـَى اللـَّـيالِـى كـُلـَّها ، وِتـــــروق ..!

وانـتِ اللى عِـشــقِـك يابَـلـَد قاتِــــل ؛

واحـنا اللى مِـنـِّـك ، فِـيكى نِـتـقاتِـل ؛

والـشـَّك ساكِـن فى القلوب ؛ .. حايـِل ،

وِالكل بـاصِـص عَ اللى فِ الصندوق ...!

*

القاهرة فى يوم

الجمعة 1 فبراير 2013

*

مع تحيات
الطبيب الشاعر/ د. محمد رزق
*

 

 

من رباعيات الطبيب الشاعر/ د.محمد رزق

 

إلى كل من أراد شراً بمصرنا الحبيبة ويعمل على خرابها ..
*

 

لـــيه الشـَّـغـَـب ؟، والفـُـرقـَـة لـــيه والبَـلـبَـلـَة ..؟

لـــيه تِـرتِـضــوا لمـصــــر الحـبـيـبَـة البَـهـدَلـَة ..؟

يانـاس حــرام لـيه تِـخـرِبــوا الأرض العَـمار ..؟!

تـَـبـَّــت إيـديكـُم كـُلكـم ، جَـــتـكــــوا الـبَـــــــلا ...!
*

القاهرة فى يوم

السبت 9 فبراير 2013

*

مع تحيات
الطبيب الشاعر/ د.محمد رزق
*

 

 

من رباعيات الطبيب الشاعر/ د.محمد رزق

شِيلِى السِّلاح واتخلـَّـصى من كل خاين يابَلـَد ..

دول مُجرمـــــــين قاصـدين خـرابـِـك والهَــدَد ..

ماتسَـــلـِّـمـيـش نـَفـسِــــك لِـواحِـــــــد مِـنـِّـهُـم ..

دول كُـلـُّـهُـم حَ يسَـلـِّموا ساعِة مايبقالِك وَلد ...!
*

القاهرة فى يوم 

الجمعة 1 فبراير 2013

*
مع تحيات
الطبيب الشاعر/ د.محمد رزق

* 

 

مَـوكِـــــــــــــب نــــــــــــــــــــــــــــور ...

مَـوكِــــب نـــــــــــــــور ...
***
من كلمات
**
الطبيب الشاعر/ د.محمد رزق
*
*
عَـلـَى عَـتـَبـِة جـِدار الـشـَّـمس ،
طـَـلِّ الأمس ، قابـِلـنى ..!
وحَـجـِّـز عـَنـِّى شُــوف بُـكـرَة ،
وقاللـِّى اسـتـَنـَّى فِ الأوِّل هَـنِـتحاسِـب ،
نـشوف مين اللى لِـيه الحَـق ،
يـِرجَـعـلـُه ، ونِـتعـاتِـب
عَلى كـُلَّ اللى كان حاصِل ، ونِـتواصِل
ونِـفهـَم أصل حَـدُّوتِـة وِلاد آدم ،
وإيه عايـزيـن ...؟!
ومين فـيهُـم بـِيـِفـتـَح قـَلـبُـه لِـلمَكـتوب ؟،
ومين غالِـب ؟ ؛ ومين مَغـلـوب ؟،
ومين نِـقـدَر نِـطـَبطـَبلـُه ؟،
ومين نِـدِّيلـُه بـِالـمَركوب ؟،
ومين راكِـب حُصان أبيَـض ؟،
ومين راكِـب حُـمار مَقـلـوب ..؟!
ومين قاصِـد يعـيـب فـيهُـم ؟،
ومين بـِيصَلـَّح الـمَعـيـوب ..؟؛
ومين داخِـل ؟، ومين خارِج ؟،
ومين بـِيخـَطـَّط الـمَلعـوب ؟،
ومين قافِـل ؟، ومين قاتِـل ؟،
ومين حاسِـب ؟، وإيه مَحسوب ؟!
ومين عايـِش ومِطـَّـمِّـن ؟،
ومين خايـِف ؟؛ ومين مَرعـوب ..؟!
سِـمِعـت كلامُه بَـصِّيـتـلـُه ؛
وقـُلـت ازَّاى تحاسِـبـنى ،
عَـلى أفعال وِلاد آدم ؟!
أنا واحِـد وهُـمَّ كـتير ،
وِوِسـطـيهُـم ...
ألـوف بـِتـنادِى بـِالـتـَّحـرير ؛
وناس بـِتـنادِى بـِالـتـَّعـمـير ؛
وناس تانـيـين بـِتـِتلـَوِّن ،
وناس بـِتنادِى بـِالـتـَّغـيـير ،
وناس ماشيين مَعَ الـموجَة ،
وناس مَشـغـولـَة بـِالـتـَّفـسـير ،
وناس بـِتعُـك فى الهوجَة ،
وناس بـِيخونهُـم الـتـَّعـبـير ،
وناس تِخلِـص لِـبَـعـضِيها ،
وناس يـِلـزَمهُـم الـتـَّطهـير ،
وشئ واجـِع وشئ مَوجوع ،
وناس تاكـُل وناس بـِتجوع ،
وناس مَحرومَة فى الأوِّل وفِ الآخِـر ،
وناس تِـلـبـِس حَرير فاخِـر ،
وناس مِ الـشـَّـرِّ بـِتـقـَرَّب ،
ووَقـت الخير بـِتـِتـَّاخِـر ..!
وانا مِحتار فِ وِسـطِـيهُـم ،
أصَدَّق بَـسِّ مين فِـيهُـم ؟!
واصاحِب مين ؟!
واعِـدِّ الـيوم وَرا الـتـَّانى ، كإنـُّه سـنـين ..؛
واحارِب تـُوهَـة فى الـسِّـكـَّة ،
واقـَلـِّب صَـفحِـة الـتـَّايهـين ،
واطـَهـَّر جَرح قـَلب الـنـُّور ،
وابـيع الحُبِّ لِـلعاشـقـين ،
وِبـِيجولِى ، يـِباركولِى ،
ونِهـمِس كـُلـِّنا يـِمكِـن ؛ عَـشان خايـفـين ...!
وِدان الكـُره تِـسـمَعـنا ، تِـرَجَّـعـنا ؛
نِـفارِق بَـعض مِن تانِى ،
نِعـيـش فى الـبُـعـد مِش حاسِّـين ؛
بـِقِـيـمِة لـَمِّةِ الـعِـيلـَة ، وضـُلـِّيلـَة ،
تِـداوِى الـقـَلـب مِن خـوفـُه ،
ومِن ضـَلـمِة سـنـين جايـين ،
لـَقـيت الأمس بـِيطـَبطـَب عَلى كِـتـفِى ؛
ويـِكشِـفـلـِى ، شـُعاع مِن بُكـرَة بـِيـحاوِل يـِبان فِ الليل ،
وقاللـِّى اسمَعـنِى لـَو عايـِز تعـيـش يومَك ، وتِـنسَى الويل ،
وحَطـِّ ف إيـدِى كام وَردَة ، وقاللـِّى ازرَعها فى الأيَّـام ،
وحاوِل بَـسِّ تِـرويـها بـِنور صَبـرَك سـنـين قـُدَّام ،
وحاسِـب تِـنجـِرِح إيـدَك وبَـطـَّل نـوم ؛
وضاعِـف وَقـت أحلامَك ، حَ تِكسَـب يوم ،
وصَحـصَح لـ اللى كان حاصِل وصَلـَّح فـيه ؛
وفـَكـَّر فى اللى كان ناقِـص ، عَـشان تِـبـنيه ،
وماتخـَوِّنـش يـوم صاحبَـك وماتـبـيعـهـوش ،
وحَـرَّر طابـيـِتـَك مِـنـُّه ، وجَهـِّزها ؛ وماتكِـشـُّوش ،
وبـِالـرَّاحَة عليه خالِـص ، وخـَلـِّى اللعب عَ المَكشوف ،
وحاسِـب أىِّ فيـل يـِهجـِم بـِدون ماتشوف ..!
وحاول تِـتـِّقِـى شـَرُّه ، وتِـتعادِل مَعاه فى الـدُّور ،
وساعِـتها تكون مَنصور ،
وقادِر تِـكشِـف الـمَسـتـور ،
وتِـفـتـَح سِـكـِّة العُـودَة لِـضـَىِّ الـشـَّمس مِن تانى
وتـدخـُلها بـِمَوكـِب نـــــــــــــــــــور ..
**
*

القاهرة فى يوم
الأربعاء 27 يوليو 2011
**
*

مع تحيات
الطبيب الشاعر/ د.محمد رزق
*

 

 

من رباعيات الطبيب الشاعر/ د.محمد رزق

عيد الحب ..!
*
الحُب عَندى .. إيد بتحضن إيد

والــود ودِّى ، كل يــــوم بيزيد

الحب كان ســـــاكِن زمان فينا

دلوقت تايه مِنـِّـنا وبعـــــيد ..!
*

القاهرة فى يوم

الخميس 14 فبراير 2013

*
مع تحيات
الطبيب الشاعر/ د.محمد رزق
*

من رباعيات الطبيب الشاعر/ د.محمد رزق

المعجزة .. هىَّ اللى تِقدَر تِنتِشِل قلبى من الخوف عَ الولاد

يمكِن إذا .. نِزلِت سحابة مَـطـَّرت أمن وأمَل والحُب عاد

ياربِّنا .. سَــلـِّـم قلوب الخلق من خوف المشانِق والفجور

وافتح طريقك للأمانى بالهُـدَى والحق والخير والرَّشــــاد
*

القاهرة فى يوم

السبت 16 فبراير 2013

*  
مع تحيات
الطبيب الشاعر/ د.محمد رزق
*