مـِش بَـس غـَزة ...

مش بس غزة ... زجـــل للطبيب الشاعر / محمد رزق *** مِش بَس غزة اللى ف خـَطـَر كـُلِّ العَرَب والمُسلمين طول ماحنا بنقول دا القـَدَر واحنا لقـَدَرنا مسَلـِّمين الوحدة لازم يابَشـَر لو كنـتوا لِسـَّه موَّحِدين *** مِش بَس غزة اللى ف ألـَم كـُلِّ الخلايق فى العذاب طول ماالعـَدو هوَّ الحَكـَم لازم يسَفـِّفنا التـُراب ويفيد بإيه بَسِّ النـَدَم ؟ ويفيد بإيه بَس العِـتاب ؟! *** مِش بَس غزة لوَحدَها لازم إيدين تِسنِد إيدين لـَمـَّا الخلايق كـُلـَّها تِعزف على اللحن الحَزين بالعَزم تِنصُر أرضها ع المُغـتـَصِب والمُعـتـَدين *** مِش بَس غزة اللى اتـنـَسِت إحنا اتـنـَسِيـنا كـُلـِّنا كـُلِّ الخـَلايـِق أسِّـسِت واحنا بـِنِـهـدم أصـلـِنا وقلوبـنا م الخِير فـَلـِّسِت وبـَقـِيـنا نِكرَه بَعـضِنا *** يارَب ياللى برَحمِتـَك كـُلِّ القلوب تِقدَر تعـيـــش عَـلـِّمتِـنا مِن حِكمِتـَك إن الحقوق مابتـِتْـنِـسـيش يارب من غير قـُدرتـَك الكون دا كـُلـُّه مايساويش *** خالص محبتى لكل القلوب المخلصة الطبيب الشاعر *