اعتـــِـــــــذار ...

*** اعـــــــتـــذار *** *** ** * باعتذرلـَك ياللى عـُمرَك كـُنتـِلى أوفـَى صديق كان فى خاطرى زى خاطرَك أمشى ويـَّاك الطريق كل عمرى تحت أمرَك بس تِفضـَل لى رَفيق لما تبعد عنى يوم كنت مابـَقدَرش اطيق باعتذرلك ياللى عمرك كـُنت لى أوفـَى صديق *** لمـَّا كـُنت اشكيلـَك انتَ كـُنت تسمع شكوتى وامـَّا اكون زعلان واشوفـَك لِـيـَّا تِـرجَع بَسمِتى وامـَّا كان بيزورنى طِيفـَك كان ينوَّر سِكـِّتِى رُحت فين ؟ طَب جى إمتـَى؟ لِـيـَّا مين بَعـدَك رَفيق؟! باعتذرلك ياللى عمرك كـُنت لى أوفـَى صديق *** غـَلطِتى إنـِّى هَجَـرتـَك مِن سَنة من غير وداع بس غـَصبـِن عـَنـِّى سِبتـَك كـُنت خايف م الضـَياع والقمر من يومها حالـِف إنـُّه مايبعـَت شـُعاع شـُفت أنا فين وانتَ فين !! أد إيه بـُعدِ الطريق!! باعتذرلك ياللى عمرك كـُنت لى أوفـَى صَديق *** مش كفاية الاعتذار بَس قول كِلمة سَماح راح تقيد فى القلب نار لو تقول ع الحب راح والتـِقـِى دنيايا ضـَلمَة واقضِى عـُمرى بالجـِراح لو هـَتِـبعـِد عـَنـِّى أكتـَر مِن كِدَه مااقدَرش اطيق باعتذرلك ياللى عمرك كـُنت لى أوفـَى صديق *** ** * من ديوان قلوب الناس بتتكبر خالص محبتى واحترامى أخوكم الطبيب الشاعر ***