مين المدير يابَشـَـر ؟!
***
من تأليف
**
الطبيب الشاعر / د. محمد رزق
***
**
*
مين المدير يابَشـَر ؟
هوَّ المدير الله ..
فين الضمير يابَشـَر ؟
ليه الضمير نِـنســاه ؟
بـِتحاسبوا ليه الناس ؟
ليه الجَمال ينداس ؟
دا القلب لـَو حَسَّاس
يحلـَم بخير يلقاه
***
يارب إنتَ الحَكيم
شاهِد على الظالِم
يارب إنتَ العَليم
وبـكـُل شئ عالِم
الشر ساد فى البَشـَر
والخير بيتحاكِم
إكفينا شـَر اللـئِـيم
واللى بيـِتلائِـم
***
رزقِى فى إيد رَزَّاق
عُمرى فى إيد خـَلاَّق
وازَّاى نخاف م البَشـَر
ونضـَيَّع الأخلاق ؟!
ياناس بقـَى فـُوقـُوا
دا الكون دا فى فوقـُه
حاكِم كبير مُطـَّلِـع
ومقـَسِّــم الأرزاق
***
**
*
مع تحيات
الطبيب الشاعر / د. محمد رزق
ليست هناك تعليقات:
إرسال تعليق