إنتِ لوحدِك كُل الدُنيا ...

إنتِ لوَحدِك كُلِّ الدُنيا 
***
من كلمات
**
الطبيب الشاعر / د. محمد رزق
*

 
إنتِ لِوَحدِك كُلِّ الدُنيا ، إنتِ لِوَحدِك كُلِّ الناس
ساعِة ماابعِد عَنـِّك ثانيَة ، يصرُخ جوَّايا الإحساس
امتـَى تجينِى ؟ ؛ وتهَنينى ؟ ؛ ياحَبِّة عينى !
غـَصبـِن عَنـِّى ؛ النوم مِجافِينى ؛ وبيخـَلـِّينى
أشعُر إن الثانية سنين
وابعِد عَن كُلِّ العاشقين
وافضـَل اقول ان انا ح انساكِى
وألومِك زَىِّ اللايمين
وامَّا باشوفِك تانى بادوب
وانسَى ان انا فـَكَّرت أتوب
 وارجَع احِبـِّك تانِى وتانِى
وبافـَكَّر فى لُقاكِى يادُوب
واسأل إيه أسباب هِجرانِك ؟
ياللى باحِب الدُنيا عَشانِك
واسمَع كُلِّ كَلامِك وافرَح
لـَمَّـا باشوف بـِعنـَيَّـا حَنانِك
خـَلـِّيكِى جَنبى على طول
ماتخـَلـِّيش البُعد يطول
بَعد الحُبِّ ماجَمَّـع بـِينـَّـا ؛ 
يبقـَى خـَلاص هـُوَّ المسئول
يبعِدنا عَن كُلِّ الدُنيا
يبعِدنا عِن كُلِّ الناس
دانا لـَو حَ ابعِد عَنـِّك ثانيَة
حَ اشقـَى واضيع واتعَب واحتاس
وتضيع كُلِّ معانِى حَياتِى
وانتِ حَ تِبقِـى ساعِتها الجانية
تِعرَفِى كُلِّ دا ليه ياحياتِى
إنتِ لِوَحدِك كُلِّ الدُنيا
***
**
*

خالص محبتى واحترامى لكم جميعاً
الطبيب الشاعر / د. محمد رزق