( الرسالة التاسعة )
*
بَـلاش نِـقـتِـل فِ بَـعضـينا ..!
***
من كلمات
**
الطبيب الشاعر / د. محمد رزق
*
*
*
مِـحَـيَّـرنى ،
غـَرامِك ياامَّـا حَـيَّـرنى
وخايف من بحور الدم
لِولادِك تِغـَيَّـرنى
وبَاهتِف وِسط كـُلَّ الناس
ومين فيهُـم يـِعَـبَّـرنى ؟
بلاش نِـقتِل فِ بَـعضينا
بَلاش فى الشـِّدَّة تِـخسَـرنِى
بلاش تِكسَـر مَجاديفى
وتِـكتِمنى وتِقـهَـرنى
ولـَمَّـا افتـَح دِراعاتِـى
حرام تِـبـعِـد وتِهجـُرنى
أنا ثورَة عشان أمَّـة
أصول الأمَّـة تِـنصُرنى
وساعِة ماشـتِـكِى مِ الآه
وكـُتر الحُـزن يـِعـصُـرنِى
أشوف إيدَك بـِتِـسنِـدنِى
تِـلِم الكـَسر ، تِـجبُـرنى
وتِـعرَف ليه أنا بابكِى ؟!
تِـشوف الـدَّمع ، تِـعذُرنى
وتِـهتِـف زَيـَّـى بـِالـوِحدَة
وبـِهـتافـَك تِـكـَبَّـرنى
ونِـتكـَتـِّل عـَلـَى الظالِـم
ولـَو يـِقـتِـلنى تِـقـبـُرنى
وتِـرفِـع رايَـة مِـن بَعدِى
تِـجيب نـَصرى ، تِـحَـرَّرنى
مِنِ اسـتِعباد وطال عَـهـدُه
ولـُه أنـياب بـِتِـجـزُرنى
ولـُه أذناب حَ نِـقطـَعها
ووقت ساعِـتها تِـأمُـرنى
أطيع أمرَك والـَبِّـيلـَك
ولـَو فى الجُـب تِـأسِـرنى
وتِـعبـُر أمِّـنا الأزمَة
وكـُلِّ الخـَلق تِـنظـُرنى
وتِـعرَف إن انا مَـصرى
وأعـدائى تِـقـَدَّرنى
وتِـسمَـع كِـلمِـتى الحُـرَّة
ومِ الغاصِـب تِـطـَهَّـرنى
***
**
*
مع خالص محبتى لجميع أبناء مصرنا الحبيبة الطيبين،
وجميع أبناء الأمة العربية المخلصين ،
ورجال الجيش المصرى الأبطال الذى يحمون أرضها وشعبها
على مر السنين .
*
عاشت مصر وكل أراضى الأمة العربية حرة مستقلة .
*
الطبيب الشاعر / د. محمد رزق
*
ليست هناك تعليقات:
إرسال تعليق