( الرسالة رقم 11 )
والثورَة لازِم تِكتـَمَل ...
***
أغنية
**
من كلمات
*
الطبيب الشاعر / د. محمد رزق
*
*
*
غـَنـَّى الشهيد غِنوِة أمَل
والشعب رَدِّد غِـنوِتـُه
والثورَة لازِم تِكتـَمَل
لازِم تِحَـقـق رَغـبـِتـُه
الله مَعاكـُم ياشباب
الله مَعاكـُم
إنتوا اللى طايلـين السحاب
واحـنا وَراكـُم
فاتحـين قـلوبـنا للأمَل
والثورَة لازِم تِكتـَمَل
***
غـَنـَّى الشهيد غِـنوِة صمود
والحُـب جابُـو
شايل عَلى كفوفـُه الورود
والغـَدر صابُـو
والعَـدل لازِم ياشباب
يـِبلـُغ نِصابُـو
والحلم حاصِل مِش سراب
والكون رحابُـو
نِـرفـَع بَـلـَدنا بـِالعَـمَل
والثورَة لازِم تِكتـَمَل
***
ياكـُل تايه فى الطريق
ارجَع لِـناسَك
أو مِـد إيـدَك للصديق
مَصرَك أساسَـك
شارِك ، ياتِـبعِـد عَـنـِّنا
رَأى الجَبان مايهـِمِّـنا
واللى جَـمَعـنا كـُلـِّنا
مَصر الحَـبـيـبَة أمِّـنا
مَصر العُـلا ، مَصر الأمَل
والثورَة لازِم تِكتـَمَل
***
**
*
الله الله يامصرنا الحبيب ،
الله الله ياشباب مصر الأحرار ،
الله الله ياأبناء العروبة الثوار ،
هاهو الفجر يبزغ ،
ونسائم الحرية تداعب الوجوه المضيئة ،
والشمس تشرق على كافة أنحاء الأمة العربية .
الله الله ياوطنى العربى الحر الأبى ،
مضى عهد الفساد والإستبداد والإستعباد .
الله أكبر ، الله أكبر ،
نصر عبده وأعز جنده ،
وهزم الأحزاب وحده ،
لاإله إلا الله ، ولانعبد إلا إياه ،
مخلصين له الدين ولو كَرِهَ الكافرون .
***
الطبيب الشاعر / د. محمد رزق
*
هناك تعليق واحد:
كنت اتمنى اتكلم مع حضرتك والله ويكون ليا الشرف انا هيثم من بنها وده رقم تليفونى 0199219126وده ايميليbeko770@yahoo.com
إرسال تعليق