بَحِـبـِك حب مش عادى ...!
***
من كلمات
**
الطبيب الشاعر المصرى/ د.محمد رزق
*
*
بَحِـبـِك حب مش عادى
بَحِـبـِك حب مش موصوف
بَحِـبـِك ورد أعيادى
وحاجـِز م الألم والخوف
بَحِـبـِك نهر يروينى
ونـور عينى اللى بيكى تشوف
بكل الحب حِـبـِّـينى
وفى القلب اعملى المعروف
*
بَحِـبـِك روحِـك الحلوة
بَحِـبـِك نـبعِـك الصافى
بَحِـبـِك بِـسمِـتِـك غِـنوة
تِـحَـنـِّـن قـلب مِـجـدافى
وفـوق شـَـطـِّـك تِـرَسِّـينى
أطـَمـِّـن بَـحرك الملهوف
بكل الحب حِـبـِّـينى
وفى القلب اعملى المعروف
*
بَحِـبـِك فجــر أحلامى
بَحِـبـِك نور فى ليلى يبان
وشمس تـدَّفـِّـى أيـامى
وفـَـرح يـغـَـيـَّـر الأحزان
وضِـلاَّيَـة على جـبـينى
تِـدارى الـدمع لـو مكشــوف
بكل الحب حِـبـِّـينى
وفى القلب اعملى المعروف
*
بَحِـبـِك حب كان غايب
وتايه عن فؤادى سنين
وحُـبـِّـك سهم كان صايـِـب
وخَـدنى لسِـكـِّـة العاشـقـين
حنان قلبك يـِكـَـفـِّـينى
وادينى باقولها مش مكسوف
بكل الحب حِـبـِّـينى
وفى القلب اعملى المعروف
*
رَقيقـَـة رِقـِّـتِـك بَـلسَـم
وقلبك بالأمل شَـفـَّـاف
بَحِـبـِك ربــنا يـعـلــم
بدون أغراض بدون أهداف
ياريت العمر يكفينى
واعيش العمر بيكى ألوف
بكل الحب حِـبـِّـينى
وفى القلب اعملى المعروف
*
القاهرة فى يوم الأربعاء
7 يـنايــــــر 2015 م
16 ربيع الأول 1435 هـ
*
خالص محبتى لجميع أحبتى
الطبيب الشاعر المصرى/ د.محمد رزق
*
ليست هناك تعليقات:
إرسال تعليق