إيــــــــه بيجــــــــــــــــرَى..؟!
*********
إيه بيجرَى ؟!
قول لبُكرَه لِـيه تعادِى؟!
حـِـلــم بُكــرَه ؟!
===========
ليه قــنابل تـنفِجـِر..؟!
ليه معانِى تـنتِحِر..؟!
ليه أمانِى تـنكِسِر..؟!
ليه وليه وليه وليه ..؟!
ليه نشوف الناس وف عنيها الدموع ؟!
ليه يسود احساس وفيه ذل وخضوع؟!
ليه بنمشى فى طريق الشر واحنا ؛
لسة قادرين ع الرجوع ؟!
===========
إيه بيجرَى يافؤادِى ؟!
إيه بيجرَى ؟!
قول لبُكرَه ليه تعادِى؟!
حـِـلــم بُكــرَه ؟!
===========
ليه زلازل زلزلِت كونـَّا الكبير؟!
ليه سلاسِل سَلسِلِت عُمر الصغير؟!
قـَيـِّدت أحلامُه جُوَّا القلب
والروح والضمير!!
حَطـَّمِت أركان أمانـُه ،
خَلـِّتـُه يبرُك مكانـُه ؛
حَتـَّى مِش قادِر يحَرَّك !!
ريشة فى جناحُه يطير!!
===========
إيه بيجرَى يافؤادِى ؟!
إيه بيجرى ؟!
قول لبكرَه ليه تعادِى؟!
حـِــلــم بُكــرَه ؟!
======
السلام مطــــلوب يادُنيا
لجل ماتكونِى بـخـير
والكلام مرفوض يادنـيا
الا لو يتقـــال ف خير
كلنا لازم نقول للظـــــُـــــــــــــلم لأ َّه
مهما كان قاسِى الطريق أو فيه مَشـَقـَّه
بعد يوم والتانى نوصَل للمَرام ...
والجروح تِدَّاوَى وتروح الآلام ...
والقلوب تـتلاقـَى ويعـود السلام ...
===========
لو دا يجرَى يافؤادى..؛
إيه هيجرَى ؟!
حِلم بُكرَه م الليلا دى ..؛
جـَىِّ بُكــــرَه ,,
***
***
ليست هناك تعليقات:
إرسال تعليق