** أنــــا وابنـــــــــــى ...
*****
وجانى يوم عزيز ابنى ،
وقاللى خلاص أنا ماشى !!
عشان الناس هنا زحمة ،
مافيش رحمة ؛
كمان الكون هنا ضـَـيـَّق ،
وانا مخنوق بأحلامى
*** عليه رديــــــــــت ...
وإيه فى الغربة يبقالك ؟؛
وإيه تعمل بترحالك ؟
؛وإيه تجنى ؟؟ ...
بلاش يابنى ..
.دا انا عايزك تساعدنى ،
ووقت الشدة تسندنى ،
وتاخدنى لبر أمان ، دا انا عـيـَّان ؛
!ومش قادر أقوم أمشى،
ومش ضامِـن سواك أنشى ...
*** ورد عليا قال عارف ،
وبرضو عليك أنا خايف
،وانا قلبى فداك لـَـكِـن ؛!
تـِعـِب من كـُتر مااتحمل ،
هالـِف الدنيا واتأمل ، .
عشان يمكن فى يوم أوصل ،
إذا بصيت حواليا ومالقيتكم ،
ولا حتى لقيت نفسى؛ .
وصعب اتحمل الغـُربة ،
ولكن لازم اتغـَـرَّب ؛
فى أى مكان ، دا انا إنسان ؛ .
وكان قـَـدَرى ، أفكر م العذاب أهرب؛ .
وهاتغرب ، عشان أمـــــــى ؛ .
تـَعـَبها تـِنحنى راسها ،
تشيل فاسهاوتعزق بيه ،
غيطان بالخير وتملاها؛ .
عشان اللــُّـقـمة نلقاها ،
ووياهاتدوق الذل ، ماتلاقى سوى لـُقمة ؛ .
عليها دمها يجرى ،
ونشرب دمها احنا
تـِرَيـَّحــــنا ،
ولـَـكَـن هى مابترتاح ؛ .
يزيد الحزن جوَّايا ،
وتطـرح فوق جراحى جراح
عشان مااقدرش اريـَّحها واشيل فاسى ؛ .
كمان مااعرفش غير كلمة فى كـُرَّاسى ؛ .
وبالكلمة أنا هاسعى !! ...
هافوت الدار ، وادوق النار ،
ماانا عايش فى نار والعة ؛
بتكوينى ، وتهرينى ،
تـِـفِـر الدمعة من عينى
ولما امشى ، هاخِـف الحِـمل من واحد
ومااعرفشى، سوى ع الغـُـلب انا واخِـد
ويوم ماالقـَى مكان نفسى ماهنساكم ؛
هاعيش بيكم ووياكم
واعود ليكم وهالقاكم ؛
واضـُم بكل إحساسى ، عـذاب ناسى ؛
عشان ماشى ، ومش ناسى ؛
وعمرى ماكنت يوم قاسى ؛
ياريت تقدر تريحنى ،
وقول لامى تسامحنى ؛
ولو فى القلب بيك حاجة ،
أمانة يابويا صارحنى ..
*** وبان الدمع فى عيونى ،
وقـُلت امشى ...
***... وقلت امشى وصعبة الكلمة واجعانى ؛
ومن غيرك أنا هامشى ... ؛...
ولكن بس انا خايف
تتوه فى السكة وتعانى ؛لأحلامك ماتوصلشى .. ؛
وخـُد منى الحنان كله ، وخـُد ويـَّاك كمان قلبى ؛
أنا دقت المرار كله ، عشان ألقاك هنا جنبى ؛
ومش طالب تشيل فاسك ؛
بلاش تبعد عشان ناسك ؛
بلاش غربة ، بلاش تهرب وواجهنى
هنا تقدر تقول مالـَك ،
هنا عمك وبيت خالك ؛
أنا دقت المرار كله ، عشان ماالقاش فى يوم حالك ؛
كِـدا يابنى ،
بتهوى الغربة سايبنى ؛
بترحالك تقول هابنى ؛
ورسمالك كلام يابنى ؛!
هتبنى إيه ؟! هتجنى إيه ؟!
كنوز المال ، وإمتى تعيش فى راحة بال ؟!
وسايبنى ، عليل راقد على فرشى ؛
ولا قادر أشيل راسى ولا إيدى ولابامشى ؛
وبعد دا كله جاى برضه ،
تقولـِّى نويت على الترحال ؛
وأمك شايلة فوق راسها تقيل الاحمال ؛
فراقك صعب يألمنا ،
بلاش يابنى تضيع مِـنـَّا ؛
وتتغرب ، ولاتبعد ولاتجرَّب ،
ولو عايز هِـنا قـَـرَّب ؛
وانا اوصفلك هتبنى ازاى ،
وهات الناى ؛
وسَــمَّـعنى فى ألحانك ،
عشان تقدر بحرمانك ؛
تـشـُـق الصخر ، وتبقى الفـَخر؛
واللى بيه أنا عايش ، واكون رَبِّــيت ؛
ولو شـَـقـِّيت ، تعبت شــقـِـيـت ؛
هتيجى فى وقت وتقولى ،
أنا حبيت ؛وتبنى البيت ؛ ...
وتزرع فيه بذور الود ؛
وانا أبقى ساعتها الجد ؛
وإنـــــــــــت ابنــــــــــــــى .....
ليست هناك تعليقات:
إرسال تعليق