هـــــــــــاتِف م الســـــَــمــا ...
سِمِعت هاتِف م الســـَـــــــما
بيقولى سَبَّح رَبــــِّـــــــــــــنا
بَصِّيت لِروحى المُلهَمـَـــــــة
وسألت نفسِى مين أنـــــــــا؟
===================
ومين أكون بين العـِبـــــــــاد؟
لـَكِـنـُّه قال رَبَّـــــــــــــــك أراد
إنـَّك تـِنول كُلِّ المُــــــــــــــراد
من السعادة والهـَـــــــــــــــنا
====================
إفرض فى يوم عـُمْرَك وقـِــف
وانت اللى عاصِى ومِنحِــرف
حَسِّيت بقلبى بيرتـِجـِـــــــــف
قام قال طريقـَك من هـِــــــــنا
====================
يكفـَى اللى راح مِنـَّك وفــــــات
إنســــــاه ولا تعـِِيـرُه التِـــفات
وابدأ وحـَســِّـــــن فى اللى آت
مقبولة توبتــَـــــــــــك عَنـدِنا
====================
الله ! دى باين مُـعـجـِــــــــــزَه
يقبَلنى ويشـــِــــــــيل الجـِــزا
يغـفِـر ذنوبــــــــــى هَكَــــــذا؟
إيه التمَن ؟ قال حـُبــــِّــــــــنا
====================
يــــــــــــــارَب حـُبَّك سـَــلوتِى
نورَك رفيقى فى خـَلوتـِــــــى
ورضـــــاك طـريقى وسِــــكِّتى
لو اكون هِـناك أو اكون هـِــنا
====================
إنتَ اللى غـَــــــفـَّار الذنــــوب
وانتَ اللى سـَـــــتـَّار العـيوب
وانت اللى ساكِن فى القـلـــوب
إللى بوجــودَك مُؤمـِـــــــــنـَه
====================
وصْحِيت عَلَى النور فى المَكان
والقلب مَليــــــــــان بالإيمـان
حـَسـِّيت فى نفـسِى بالأمـــــان
وحَمَدت نِعمِة رَبـــِّـــــــــــــنا
*********************
***
*
من ديوان
قلوب الناس بتتكبَّر
خالص محبتى واحترامى لكم جميعاً
أخوكم
الطبيب الشاعر
ليست هناك تعليقات:
إرسال تعليق