قــــومـــــــــــــــــــــــى
***
قـُومــِــــــــى
كَسـًّرى الأغلال وياللا
حَققى الحِلم الكبير
بالإرادة نعيش وإللا
كل شئ منا يطير
واللى يرضَى الذل يبقا
فى الحياه عايش أسير
قــــــــــــومـــــــــــــى
***
إرفعى راسِك وعيشى
وارفعى رايةِ الأمان
فى اللى فات ماتفكريشى
مهما طال بيكى الزمان
والمَثـَل قال اللى يشقا
يحمى نفسُه م الهوان
قــــــــــــــومـــــــــى
***
خـَلــِّى سيف العلم يقطـَع
دابـِر الجهل اللعين
دى الإيدين هى اللى تِنفع
تِشتِكى ذ ُلـِّك لمين ؟
لو نـثـور ع الذل نِلقا
نفسِنا فوق السنين
قـــــــــــــومــــــى
***
والإيدين خَليها تبنى
واللى يبنيها الشباب
عَلـِّمى إبنِك وإبنى
حـُب خالِص للتراب
بالكفاح الناس بتبقا
بالكسل يبقى الخراب
قــــــــــــومــــى
***
قولى لِولادِك تدافع
عن حقوقِك بالإيمان
دى الفوايد والمنافِع
نِلتقيها فى الميدان
كل يوم هندق دقه
تنفتح كل البيبان
قــــــــومــــــــى
***
إزرعى حلم النهارده
واحصُدىفرح السنين
قـدِّمى للكل وردة
تمسح الدمع الحزين
ماتقوليش للحب لأه
مين يعيش بالكـُره مين؟؟؟
قــــــــــــــــــــــــــــومــــــــــــــــــــ ــى
***
خالص محبتى واحترامى لجميع المارين
والقارئين والمعلقين
*
أخوكم / الطبيب الشاعر
ليست هناك تعليقات:
إرسال تعليق