***
من كلمات
**
الطبيب الشاعر / د. محمد رزق
*
*
*
لـِسَّـه خايـِف ، أيوَه خايـِف
أصلِى شايـِف فى الضباب أشكال غـَريـبَة
كـُلـَّها مَكر وخِداع مَـدهون بـِطـيـبَة
عَ الوشوش اللى بـِتِـضحَك لِـلحَـبـيـبَة
والمُصــيـبَة ؛
إن انا ماعرَفـش أسلـِّم للأفاعِى ؛
صَعب عَ السَّـاحِر خِداعى ؛
أصلى باحلم طول زمانى
إن كل الكون بـِتاعى ؛
وان حقى راح يعودلى
وانى حاخدُه وبـدراعى ؛!
والدُّوسِـيه مَلـيان مَصايـِب مِ الـتـِّقـيلـَة
حَـق ناس ماتِـت قـَتـيلـَة
واللى جاعوا ألـف لِـيلـَة
واللى عاشوا بَـس عانـوا
والقـلوب كانِت عَـليـلـَة
واللى غِرقوا فى المراكِب
لـَمـَّا هِـربوا مِ القـَبـيلـَة
واللى مشيوا فى المواكِب
يهـتِـفوا ضِـد الـرَّزيلـَة
واللى تاهـِت يوم خـُطاهـُم
تـَحت أنقاض الحـقـيقـَة
واللى ضايع من أساهـُم
حَـقـُّهُـم جـوَّا الحَريقـَة
واللى كان يـِفرِق مَعاهُـم
يسـمَعوهـُم لـَو دقـيقـَة
لجل مايعيشوا بكرامَة ؛
لـَو حَ تِـترَد السِّـريقـَة ؛!
وقـتـَها كانِـت وشوش الغـول بَـريـئة
كان بـِيـِتـبَـسِّــم ويغـمِـز لـِلمُذيعَة
كان بـِيـِلجأ لـِلخـَديعَة
أو لِحُـرَّاس الشـَّريعَة
لـَجـل يـِلقـَى جَـنب مِـنهـُم
لـِلفـساد مليون ذريعَة
والحقايق فى الحقيقة شكل تانى
واللى بايـِن مِنها دايمًا
شئ مُخالف لـِلطـَّبـيعَة
***
لِـِسَّـه خايـِف ؛
أيوَه خايـِف مِ الـدِّيابَـة
يـِنـهـَشـوا لـَحم الغـَلابَـة
يكتِـموا صوت الرَّبابَـة
يحبـِسـوا اللـَّحن اللى عايـِز
يـِتسِـمِع وَقت الكِتابَـة
والدموع ف عـنـَيـَّا بانِـت
غـَصب عن إحساسى يابَـا
وانتَ عارِف ، إنـِّى خايـِف
والكلام جـوَّايا ناشِــف
حَـتـَّى لـَو فـَكـَّرت أقولـُه
مِـش حَ تِـسعِـفـنى الشـَّفايـِف
أصلِى باكتِم جوَّا صِدرى
سِـرِّ وانتَ ماتِعرَفوش
خوفى يـِهرَب مِـنـِّى عُـمرى
والسـنـين مابـيـِرحَموش
لـَمَّا اشوف الناس بـِتـِجرى
لـَجل تِهرَب مِ الوحوش
دى الحقيقة الصح واللا ؟؛
دا الـزِّواق ، واللا الرتوش ؟!
واللا انا عايش فى حلمى ؛
وسط ناس مابـيـِحلـَموش ؟!
دَبَّـرونى يااهل مَصر الحق فـين ؟!
فـَسَّـرولِى النـُّوتـَة واللـَّحن الحَـزين
وَضـَّحولِى ياحَبايـبى الطـَّيـِّبـين ،
هوَّا انا خـَايـِف لِـوَحدِى ؟،
واللا فـيكـُم خـَوَّافـين ؟!
عَ المَعانِى الحِلوَة فِـينا
تِـخـتِـفى وِسـط المَعانِى
واللا رُبَّـان السَّـفـينـَة
يـبقـَى تايـِه فى المَوانِى
والوشوش اللى تعاديـنا
تِـترِسِم فوق وِش تانى
واللا تِـتكـَتـِّف إيـديـنا
والـسـنـين تِرجَع عَـجايـِف
لـَمَّـا تِـتخـَزَّق عِـنـينا
واعـتـِرِض لـَو كـُنت شايـِف ؛!
أيوَه عارِف مَصر حُـرَّة
بَـس مين عَلى مَصر لايـِف ؟!
أيوَه قامِت فيها ثورة
عَ الفـَساد ، عَلى كل زايـِف
بس خايف مِ المناورة
عَ الوِلاد ، انا لِـسَّـه خايـِف ...
***
**
*
اللهم آمن روعاتِنا ووفقنا إلى مافيه الخير والسداد يارب العالمين
اللهم آميــــــــــــن
*
خالص محبتى واحترامى لجميع الشرفاء والمخلصين
*
الطبيب الشاعر / د. محمد رزق
اللهم آميــــــــــــن
*
خالص محبتى واحترامى لجميع الشرفاء والمخلصين
*
الطبيب الشاعر / د. محمد رزق
*
الأربعاء / 16 مارس 2011
ليست هناك تعليقات:
إرسال تعليق